ചിത്രകാരൻ കെ. പ്രഭാകരൻ അന്തരിച്ചു

കോഴിക്കോട്: പ്രമുഖ ചിത്രകാരൻ കെ. പ്രഭാകരൻ അന്തരിച്ചു. 71 വയസ്സായിരുന്നു. വൃക്കസംബന്ധമായ അസുഖത്തെ തുടർന്ന് മെഡിക്കൽ കോളജ് ആശുപത്രിയിൽ ചികിത്സയിലിരിക്കെ തിങ്കളാഴ്​ച രാത്രി എ​ട്ടോടെയാണ്​ മരണം. കോഴിക്കോട്​ കണ്ണാടിക്കലിൽ പരേതനായ കുന്നുമ്മൽ കൃഷ്​ണ​​െൻറയും ലക്ഷ്​മിയുടെയും മകനാണ്​.

തിരുവനന്തപുരം കോളേജ് ഓഫ് ഫൈൻ ആർട്സ്, ബറോഡ എം .എസ് സർവകലാശാല എന്നിവിടങ്ങളിൽ പഠനശേഷം ഇന്ത്യൻ റാഡിക്കൽ പെയി​േൻറഴ്സ് ആൻഡ് സ്കൾപ്റ്റേഴ്സ് അസോസിയേഷ​​െൻറ ഭാഗമായി ഇന്ത്യക്കകത്തും പുറത്തുമായി നിരവധി പ്രദർശനങ്ങൾ സംഘടിപ്പിച്ചിട്ടുണ്ട്​. ബറോഡയിലെ മഹാരാജാ സായാജിറാവു സർവകലാശാലയിലെ ചിത്ര കലാവിഭാഗത്തിൽ അധ്യപകനായിരുന്നു. ചിന്ത രവിയുടെ സഹോദരനാണ്.

1995ൽ കേന്ദ്രസർക്കാറി​​െൻറ സീനിയർ ഫെലോഷിപ്പും 2000ൽ കേരള ലളിതകലാ അക്കാദമിയുടെ മുഖ്യസംസ്ഥാന പുരസ്കാരവും ലഭിച്ചു. പ്രമുഖ ചിത്രകാരി കബിത മുഖോപാധ്യായയാണ് ഭാര്യ. 1985 ൽ അജയ് ദേസായിക്കൊപ്പം ബോംബെയിലെ ഗാലറി 7ൽ നടന്ന ചിത്ര പ്രദർശനത്തിലും 1987ൽ ഇന്ത്യൻ റാഡിക്കൽ ഗ്രൂപ്പി​​െൻറ ബറോഡ, കോഴിക്കോട്, തൃശൂർ എന്നിവിടങ്ങളിൽ നടന്ന മൂന്ന് പ്രദർശനങ്ങളിലും പങ്കെടുത്തു. പാരീസ്, വിൽസ, ജനീവ എന്നിവടങ്ങളിൽ നടന്ന പ്രദർശനത്തിലും പങ്കെടുത്തിട്ടുണ്ട്.

ദ ഗ്രേറ്റ് പ്രൊസെഷൻ എന്ന പേരിൽ സഹയാത്രികയായ കബിത മുഖോപാധ്യായോടൊപ്പം 2000 - 07ൽ കേരളത്തിൽ 14 പ്രദർശനങ്ങൾ നടത്തി. പേരിട്ടിട്ടില്ലാത്ത കുറച്ച് ജലഛായ, ചാർകോൾ ചിത്രങ്ങൾ കൊച്ചി മുസിരിസ് ബിനാലെയിൽ പ്രദർശിപ്പിച്ചിരുന്നു. ചിത്രകാരനുമായി ബന്ധപ്പെട്ട കൂട്ടുകാർ, കുടുംബം, പ്രകൃതി, രാഷ്​ട്രീയം, ഓർമകൾ തുടങ്ങിയവയാണ് ഈ കാൻവാസുകളിൽ വരച്ചത്.

കേരള ലളിതകലാ അക്കാദമിയുടെ ഫെലോഷിപ്പ് (2014), കേരള ലളിതകലാ അക്കാദമിയുടെ സംസ്ഥാന പുരസ്കാരം (2000), കേന്ദ്രസർക്കാറി​െൻറ സീനിയർ ഫെലോഷിപ്പ് (1995) എന്നിവക്കർഹനായി. മക്കൾ: കിഷൻ (സ്​പൈസസ്​ ബോർഡ്​ ഹൈദരാബാദ്​), കബീർ (ഫോറസ്​ട്രി വിദ്യാർഥി, അരുണാചൽ പ്രദേശ്​) കൃഷ്​ണ, നിരഞജന. മറ്റ്​ സഹോദരങ്ങൾ: ഭാരതി, സുമതി, ലളിത, ശശിധരൻ, പരേതരായ ഭാസ്​കരൻ, കെ. സുധാകരൻ. മരുമകൾ: ധന്യ.