അരവിന്ദ് കെജ്​രിവാൾ കേരളത്തിൽ; ആവേശകരമായ സ്വീകരണം

നെടുമ്പാശ്ശേരി: ഡൽഹി മുഖ്യമന്ത്രിയും ആം ആദ്മി നേതാവുമായ അരവിന്ദ് കെജ്‌രിവാളിന് കൊച്ചിയിൽ ആവേശകരമായ സ്വീകരണം. വൈകീട്ട്​ 7.15നാണ് കൊച്ചി രാജ്യാന്തര വിമാനത്താവളത്തിലെത്തിയത്.

ആം ആദ്മി സംസ്ഥാന കൺവീനർ പി.സി. സിറിയക്, പത്മനാഭൻ ഭാസ്കരൻ, ട്വൻറി20 ചീഫ് കോഓഡിനേറ്റർ സാബു ജേക്കബ് എന്നിവർ ചേർന്ന് സ്വീകരിച്ചു.

സ്വീകരിക്കാനെത്തിയ പാർട്ടി പ്രവർത്തകരുടെ തള്ളിക്കയറ്റത്തെ തുടർന്ന് അദ്ദേഹം മാധ്യമപ്രവർത്തകരുമായി സംസാരിക്കാതെ കൊച്ചിയിലെ താജ് ഹോട്ടലിലേക്ക് പോയി. ഞായറാഴ്ച രാവിലെ ആം ആദ്മി നേതാക്കളുമായി കൂടിക്കാഴ്ച നടത്തും. വൈകീട്ട് കിഴക്കമ്പലത്ത് ട്വൻറി 20 ജനസംഗമം പരിപാടിയിൽ പ​ങ്കെടുക്കും. രാത്രി ഒമ്പതിന് ഡൽഹിക്ക് മടങ്ങും.