അകക്കണ്ണി​െൻറ വെളിച്ചത്തിൽ മുഹമ്മദ് ആശിഖ് സംഗീതലോകത്ത് വിജയഗാഥ രചിക്കുന്നു

കാളികാവ്: അകക്കണ്ണി​െൻറ വെളിച്ചത്തിൽ മുഹമ്മദ് ആശിഖ് വീണ്ടും. സ്​കൂൾ കലോത്സവങ്ങളിൽ നിരവധി പുരസ്​കാരങ്ങൾ തേടിയെത്തിയ ആശിഖി​െൻറ ഗാനങ്ങൾ ഇപ്പോഴും സമൂഹമാധ്യമങ്ങളിൽ ഹിറ്റാണ്​.

കാഴ്​ചയില്ലാതെ ജനിച്ച ആശിഖ് മാതാപിതാക്കളുടെ പിന്തുണയിൽ വിധിയോട് പൊരുതി ഉയരങ്ങൾ താണ്ടുകയാണ്. കാളികാവ് പാറശ്ശേരിയിലെ പുറ്റാണിക്കാടൻ അസീസ്-ഫസ്‌ല ദമ്പതികളുടെ അഞ്ച്​ മക്കളിൽ മൂത്തവനാണ്. മലയാളം, ഹിന്ദി, തമിഴ്, അറബി ഭാഷകളിൽ ആശിഖ് പാടിയ പാട്ടുകളുടെ സ്വരമാധുര്യം ഇതിനകം ശ്രദ്ധ ​േനടിയിട്ടുണ്ട്​.

സ്പെഷൽ സ്​കൂൾ കലോത്സവങ്ങളിൽ പങ്കെടുത്ത് വാരിക്കൂട്ടിയ സമ്മാനങ്ങൾ നിരവധിയാണ്. കമ്പ്യൂട്ടറും മൊബൈൽ ഫോണും ഉപയോഗിക്കുന്നതിനും എഡിറ്റിങ്​ ഉൾ​െപ്പടെ നടത്തുന്നതിനും ആശിഖിന് ആരുടേയും സഹായം ആവശ്യമില്ല. സ്വന്തമായി ഉണ്ടാക്കിയ ആശിഖ് കാളികാവ് എന്ന യൂട്യൂബ് ചാനലിൽ പാട്ടുകൾ അപ്​ലോഡ് ചെയ്യുന്നതും എഡിറ്റിങ്​ നടത്തുന്നതും ആശിഖ് തന്നെയാണ്.

ഏഴുവരെ മങ്കട ബ്ലൈൻഡ്​ സ്​കൂളിലും എട്ട്​ മുതൽ 12 വരെ അടക്കാക്കുണ്ട് ക്രസൻറ്​ ഹയർ സെക്കൻഡറിയിലുമായിരുന്നു പഠനം. ഫാറൂഖ് കോളജിൽ ബി.എ മലയാളം രണ്ടാം വർഷ വിദ്യാർഥിയാണ്. പാട്ടി​െൻറ മഹിമയറിഞ്ഞ് ആശിഖിന് ഒരാൾ ഉംറ ചെയ്യുന്നതിനായി സഹായം നൽകാമെന്ന്​ അറിയിച്ചിട്ടുണ്ട്​. ബ്രെയിൽ ലിപിയിലെ ഖുർആൻ സി.എച്ച്.എസ് ഡെപ്യൂട്ടി എച്ച്.എം ആബിദ് മാസ്​റ്റർ സമ്മാനിച്ചു.