​ഫോൺ പോയാലെന്താ... അശ്വിൻ രക്ഷിച്ചത്​ അജ്​മലിന്‍റെ ജീവൻ

നാ​ദാ​പു​രം: ചെ​ക്യാ​ട് ചോ​യി​ത്തോ​ട്ടി​ൽ മു​ങ്ങി​യ അ​ഞ്ചു​വ​യ​സ്സു​കാ​ര​ന് വി​ദ്യാ​ർ​ഥി ര​ക്ഷ​ക​നാ​യി. ചോ​യി​ത്തോ​ട്ടി​ൽ മു​ങ്ങി​ത്താ​ഴ്​ന്ന ചെ​ക്യാ​ട് ചാ​ത്തോ​ത്ത് നം​ഷി​ദ്-​ന​സ്ര​ത്ത് ദ​മ്പ​തി​ക​ളു​ടെ മ​ക​ൻ അ​ഞ്ചു വ​യ​സ്സു​ക​ര​ൻ അ​ജ്മ​ലിനെയാണ്​ ചെ​ക്യാ​ട് കു​ന്ന​ത്ത് അ​ശ്വി​ൻ കൃ​ഷ്ണ (ടി​ൻ​റു) രക്ഷിച്ചത്​. കു​ട്ടി​യെ ര​ക്ഷ​പ്പെ​ടു​ത്തു​ന്ന​തി​നി​ടെ അ​ശ്വി​‍െൻറ വി​ല​പി​ടി​പ്പു​ള്ള ഫോ​ൺ വെ​ള്ള​ത്തി​ൽ ന​ഷ്​​ട​മാ​യി.

അ​ല​ക്കാ​നെ​ത്തി​യ അ​യ​ൽ​വാ​സി സ്ത്രീ​ക്കൊ​പ്പം എ​ത്തി​യ കു​ട്ടി തോ​ട്ടി​ലെ വെ​ള്ള​ത്തി​ലെ ചു​ഴി​യി​ൽ അ​ക​പ്പെ​ടു​ക​യാ​യി​രു​ന്നു. കൂ​ടെ​യു​ണ്ടാ​യി​രു​ന്ന സ്ത്രീ​യു​ടെ ക​ര​ച്ചി​ൽ കേ​ട്ട് അ​തു​വ​ഴി പോ​കു​ക​യാ​യി​രു​ന്ന അ​ശ്വി​ൻ കൃ​ഷ്ണ വെ​ള്ള​ത്തി​ൽ ചാ​ടി കു​ട്ടി​യെ ഏ​റെ സാ​ഹ​സ​പ്പെ​ട്ട് ര​ക്ഷ​പ്പെ​ടു​ത്തു​ക​യാ​യി​രു​ന്നു.

ത​ല​ശ്ശേ​രി ക്രൈ​സ്​​റ്റ്​ കോ​ള​ജ് ഡി​ഗ്രി വി​ദ്യാ​ർ​ഥി​യാ​യ അ​ശ്വി​ൻ കൃ​ഷ്ണ, കൂലിപ്പണിക്കാരായ ചെ​ക്യാ​ട് കു​ന്ന​ത്ത് കു​മാ​ര​ൻ- കോ​മ​ള ദ​മ്പ​തി​ക​ള​ു​ടെ മ​ക​നാ​ണ്. അ​ജ്​​മ​ലി​‍െൻറ പി​താ​വ് നം​ഷി​ദി​‍െൻറ സു​ഹൃ​ത്തു​ക്ക​ൾ അ​ശ്വി​ൻ കൃ​ഷ്ണ​യെ പാ​രി​തോ​ഷി​കം ന​ൽ​കി അ​ഭി​ന​ന്ദി​ച്ചു.