വൈറോളജി ലാബിന്​ ഫണ്ട്​ തേടി ആ​രോ​ഗ്യ​മ​ന്ത്രി ഡ​ൽ​ഹിയിൽ

ന്യൂ​ഡ​ൽ​ഹി: സം​സ്​​ഥാ​ന​ത്ത്​ നി​പ നി​​യ​ന്ത്ര​ണ​വി​ധേ​യ​മാ​യെ​ന്ന്​ കേ​ന്ദ്ര ആ​രോ​ഗ്യ​മ​ന്ത്രി ഹ​ർ​ഷ വ​ർ​ധ​നു​മാ​യു​ള്ള കൂ​ടി​ക്കാ​ഴ്​​ച​ക്കു​ശേ​ഷം മ​ന്ത്രി ​കെ.​കെ ഷൈ​ല​ജ പ​റ​ഞ്ഞു. കോ​ഴി​ക്കോ​ട് അ​നു​മ​തി ല ​ഭി​ച്ചി​ട്ടു​ള്ള ബ​യോ​സേ​ഫ്റ്റി ലെ​വ​ല്‍ 3 അ​ത്യാ​ധു​നി​ക വൈ​റോ​ള​ജി ലാ​ബ് സ്ഥാ​പി​ക്കു​ന്ന​തി​ന് നി​ല​വി ​ല്‍ അ​നു​വ​ദി​ച്ച ഫ​ണ്ട്​ അ​പ​ര്യാ​പ്​​ത​മാ​ണെ​ന്നും കൂ​ടു​ത​ൽ അ​നു​വ​ദി​ക്ക​ണ​​മെ​ന്നും കേ​ന്ദ്ര​​ത്തോ​ട്​ ആ​വ​ശ്യ​പ്പെ​ട്ട​താ​യും ആ​രോ​ഗ്യ​മ​ന്ത്രി കെ.​കെ. ഷൈ​ല​ജ വ്യ​ക്​​ത​മാ​ക്കി.

നി​ല​വി​ൽ മൂ​ന്നു​കോ​ടി രൂ​പ​യാ​ണ്​ അ​നു​വ​ദി​ച്ച​ത്. ഫ​ണ്ട്​ അ​പ​ര്യാ​പ്​​ത​മാ​ണെ​ന്ന്​ ഇ​ന്ത്യ കൗ​ണ്‍സി​ല്‍ ഓ​ഫ് മെ​ഡി​ക്ക​ല്‍ റി​സ​ര്‍ച് (ഐ.​സി.​എം.​ആ​ര്‍) ന​ട​ത്തി​യ പ​രി​ശോ​ധ​ന​യി​ല​ട​ക്കം ചൂ​ണ്ടി​ക്കാ​ട്ടി​യി​ട്ടു​ണ്ട്. അ​ടി​സ്ഥാ​ന​സൗ​ക​ര്യ വി​ക​സ​ന​ത്തി​നു​മാ​ത്രം അ​ഞ്ചു​കോ​ടി രൂ​പ​യ​ട​ക്കം ആ​കെ ഏ​ഴു​കോ​ടി രൂ​പ ഇ​തി​നാ​യി ആ​വ​ശ്യ​മു​ണ്ടെ​ന്നും കേ​ന്ദ്ര​ത്തെ ധ​രി​പ്പി​ച്ചു. ഈ ​വി​ഷ​യം അ​നു​ഭാ​വ​പൂ​ര്‍വം പ​രി​ഗ​ണി​ക്കാ​മെ​ന്ന് കൂ​ടി​ക്കാ​ഴ്​​ച​യി​ൽ കേ​ന്ദ്ര ആ​രോ​ഗ്യ​മ​ന്ത്രി ഹ​ർ​ഷ വ​ർ​ധ​ൻ ​ഉ​റ​പ്പു​ന​ൽ​കി​യ​താ​യി വെ​ള്ളി​യാ​ഴ്​​ച ഡ​ൽ​ഹി​യി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ കെ.​കെ. ഷൈ​ല​ജ പ​റ​ഞ്ഞു.

സം​സ്ഥാ​ന​ത്ത് നി​പ വൈ​റ​സ്ബാ​ധ നി​യ​ന്ത്ര​ണ​വി​ധേ​യ​മെ​ന്ന് കേ​ന്ദ്ര​ത്തെ അ​റി​യി​ച്ചു. രോ​ഗ​ബാ​ധ സ്ഥി​രീ​ക​രി​ച്ച യു​വാ​വി​​െൻറ ആ​രോ​ഗ്യ​സ്ഥി​തി മെ​ച്ച​പ്പെ​ട്ടി​ട്ടു​ണ്ട്. രോ​ഗ​ബാ​ധ സം​ശ​യി​ച്ച ഏ​ഴു​പേ​രു​ടെ റി​പ്പോ​ര്‍ട്ടു​ക​ള്‍ നെ​ഗ​റ്റീ​വാ​ണ്. യു​വാ​വു​മാ​യി അ​ടു​ത്ത് ഇ​ട​പ​ഴ​കി​യി​രു​ന്ന മൂ​ന്ന് ന​ഴ്‌​സു​മാ​ര്‍ ഉ​ള്‍പ്പെ​ടെ 16 പേ​ര്‍ പ്ര​ത്യേ​ക നി​രീ​ക്ഷ​ണ​ത്തി​ലാ​ണെ​ന്നും കേ​ന്ദ്ര​ത്തെ ധ​രി​പ്പി​ച്ചു. നി​പ​യു​ടെ നി​രീ​ക്ഷ​ണം ജൂ​ലൈ പ​കു​തി​വ​രെ തു​ട​രും. നി​പ​യു​ടെ ഉ​റ​വി​ടം ക​ണ്ടെ​ത്താ​ന്‍ ക​ഴി​യാ​ത്ത​ത് നി​ല​വി​ല്‍ വെ​ല്ലു​വി​ളി​യ​ല്ല. എ​ങ്കി​ലും അ​തി​നാ​യു​ള്ള ശ്ര​മ​ങ്ങ​ള്‍ തു​ട​രു​മെ​ന്നും മ​ന്ത്രി പ​റ​ഞ്ഞു.

ആ​ൾ ഇ​ന്ത്യ മെ​ഡി​ക്ക​ല്‍ ഇ​ന്‍സ്​​റ്റി​റ്റ്യൂ​ട്ട്​ (എ​യിം​സ്) ഘ​ട്ടം​ഘ​ട്ട​മാ​യി പ്ര​ധാ​ന സം​സ്ഥാ​ന​ങ്ങ​ള്‍ക്കെ​ല്ലാം അ​നു​വ​ദി​ച്ചു​വ​രു​ക​യാ​ണ്. ക​ര്‍ണാ​ട​ക​ക്കും കേ​ര​ള​ത്തി​നും എ​യിം​സ് അ​നു​വ​ദി​ക്കു​ന്ന​ത് വേ​ഗ​ത്തി​ല്‍ പ​രി​ഗ​ണി​ക്കു​മെ​ന്ന്​ ​ഹ​ർ​ഷ വ​ർ​ധ​ൻ അ​റി​യി​ച്ച​താ​യും മ​ന്ത്രി പ​റ​ഞ്ഞു.

വ​നി​ത-​ശി​ശു​ക്ഷേ​മ മ​ന്ത്രി ഇ​റാ​നി​യു​മാ​യും കെ.​കെ. ഷൈ​ല​ജ കൂ​ടി​ക്കാ​ഴ്ച ന​ട​ത്തി. അം​ഗ​ൻ​വാ​ടി പ്ര​വ​ർ​ത്ത​ക​രു​ടെ ആ​നു​കൂ​ല്യ​ങ്ങ​ള്‍ ഉ​ള്‍പ്പെ​ടെ​യു​ള്ള വി​ഷ​യ​ങ്ങ​ള്‍ ച​ര്‍ച്ച ചെ​യ്തു. നി​രാ​ലം​ബ​രാ​യ സ്ത്രീ​ക​ള്‍ക്കാ​യി അ​ത്യാ​ധു​നി​ക സൗ​ക​ര്യ​മു​ള്ള സാ​യം​പ്ര​ഭ ഹോ​മു​ക​ള്‍ നി​ർ​മി​ക്കു​ന്ന​തി​നും കേ​ന്ദ്ര​സ​ഹാ​യം അ​ഭ്യ​ർ​ഥി​ച്ചി​ട്ടു​ണ്ടെ​ന്നും മ​​ന്ത്രി വ്യ​ക്​​ത​മാ​ക്കി.