നിയമസഭയി​െല അക്രമം: കേ​െസടുത്തത്​ പ്രത്യേക പരിഗണന പരിഗണിക്കാതെയെന്ന്​ സർക്കാർ

കൊച്ചി: നിയമസഭക്കകത്തെ അക്രമ സംഭവങ്ങളുമായി ബന്ധപ്പെട്ട് കേ​െസടുത്തത്​ അംഗങ്ങൾക്കുള്ള പ്രത്യേക പരിഗണന പരിഗണിക്കാതെയെന്ന്​ സർക്കാർ ഹൈകോടതിയിൽ. സ്‌പീക്കറുടെ അനുമതിയില്ലാതെ കേസെടുത്തത് നിയമപരമല്ല. നിലനിൽക്കാത്ത കേസിലെ നടപടികളാണ്​​ വിചാരണ കോടതിയിൽ തുടരുന്നത്​. കേസിലെ നടപടികൾ അവസാനിപ്പിക്കാനുള്ള അപേക്ഷ തള്ളിയ തിരുവനന്തപുരം സി.ജെ.എം കോടതി ഉത്തരവിനെതിരായ സർക്കാർ അപ്പീലിലാണ് അഡീഷനൽ അഡ്വക്കറ്റ് ജനറലി​െൻറ വിശദീകരണം. അതേസമയം, കേസ്​ പിൻവലിക്കുന്നതിൽ​ പൊതു താൽപര്യമെന്തെന്ന്​ വാദത്തിനിടെ ജസ്​റ്റിസ്​ വി.ജി അരുൺ ആരാഞ്ഞു. എല്ലാ കക്ഷികളുടെയും വാദം പൂർത്തിയായതിനെ തുടർന്ന് ഹരജി വിധി പറയാൻ മാറ്റി.

2015 മാർച്ച് 13ന്​ ബാർ കോഴ കേസിൽ ആരോപണവിധേയനായ മന്ത്രി കെ.എം മാണി ബജറ്റ് അവതരിപ്പിക്കുന്നത് പ്രതിപക്ഷം തടഞ്ഞതിനെ തുടർന്നാണ്​ സഭയിൽ അക്രമം അരങ്ങേറിയത്​. ഇന്നത്തെ മന്ത്രിമാരായ ഇ.പി. ജയരാജൻ, കെ.ടി. ജലീൽ, എം.എൽ.എമാരായിരുന്ന കെ. അജിത്, സി.കെ. സദാശിവൻ, വി. ശിവൻകുട്ടി, കെ. കുഞ്ഞുമുഹമ്മദ് എന്നിവരെ പ്രതിചേർത്ത് തിരുവനന്തപുരം സി.ജെ.എം കോടതിയിൽ ക്രൈംബ്രാഞ്ച് അന്തിമ റിപ്പോർട്ട് നൽകി. രണ്ടര ലക്ഷം രൂപയുടെ പൊതുമുതൽ നശിപ്പിച്ചെന്ന്​ അന്തിമ റിപ്പോർട്ടിൽ പറയുന്നു. സർക്കാർ നൽകിയ അപ്പീൽ ഹരജിയിൽ പ്രതിപക്ഷ നേതാവ് രമേശ് ചെന്നിത്തലയും കക്ഷി ചേർന്നു. കേസ് പിൻവലിക്കുന്നത്​ പൊതുസമൂഹത്തിന് തെറ്റായ സന്ദേശം നൽകുമെന്നായിരുന്നു ചെന്നിത്തലയുടെ വാദം. ഇത്തരമൊരു കേസിനെ ഗൗര​വത്തോടെ കാണണമെന്നും അഭിഭാഷകൻ വാദിച്ചു.

സഭ നടപടിക്രമങ്ങളെ കോടതിയിലേക്ക് വലിച്ചിഴക്കുന്നതും അവസാനിച്ച പ്രശ്നങ്ങൾ ഉൗതിക്കത്തിക്കുന്നതും പൊതുതാൽപര്യത്തിന്​ നിരക്കുന്നതല്ലെന്ന്​ സർക്കാർ വാദിച്ചു. നിയമസഭയിലെ നടപടിക്രമങ്ങളുടെ നിയമസാധുത കോടതിക്ക് പരിശോധിക്കാൻ കഴിയില്ല. സ്പീക്കറുടെ അനുമതിയില്ലാതെ നിയമസഭ സെക്രട്ടറി പരാതി നൽകില്ലെന്നത്​ വിചാരണ കോടതിയുടെ അനുമാനം മാത്രമാണ്​. എം.എൽ.എമാർ ഏതെങ്കിലും കുറ്റകൃത്യം ചെയ്യാൻ തയാറെടുത്തു വന്നവരല്ല. അനുമതിയില്ലാതെയാണ് സഭക്കുള്ളിലെ ദൃശ്യങ്ങളുടെ പകർപ്പ് എടുത്തത്. മൊഴികളിലെ വൈരുധ്യമടക്കം കണക്കിലെടുത്താണ് കേസ് പിൻവലിക്കാൻ അനുമതി തേടിയതെന്നും സർക്കാർ വാദിച്ചു.