സ്കൂളുകളിൽ കുട്ടികൾ കൂടിയിട്ടും ആറ് വർഷത്തിനിടെ കുറഞ്ഞത്​ 5,517 അധ്യാപകർ

തി​രു​വ​ന​ന്ത​പു​രം: സം​സ്ഥാ​ന​ത്തെ സ്കൂ​ളു​ക​ളി​ൽ ആ​റു​ വ​ർ​ഷ​ത്തി​നി​ടെ 5,517 അ​ധ്യാ​പ​ക​ർ കു​റ​ഞ്ഞു. സ​ർ​ക്കാ​ർ, എ​യ്​​ഡ​ഡ്​ സ്കൂ​ളു​ക​ളി​ൽ കു​ട്ടി​ക​ൾ ഏറെ വ​ർ​ധി​ച്ചെ​ന്ന സ​ർ​ക്കാ​ർ അ​വ​കാ​ശ​വാ​ദ​ത്തി​നി​ട​യി​ലാ​ണ്​ അ​ധ്യാ​പ​ക​രു​ടെ എ​ണ്ണ​ത്തി​ൽ വ​ൻ ഇ​ടി​വ്.​​ ത​സ്തി​ക സൃ​ഷ്ടി​ക്കാ​ത്ത​തും നി​യ​മ​നാം​ഗീ​കാ​രം കൂ​ട്ട​ത്തോ​ടെ ത​ട​ഞ്ഞു​വെ​ച്ച​തു​മാ​ണ്​ കാ​ര​ണ​മാ​യി ചൂ​ണ്ടി​ക്കാ​ട്ടുന്ന​ത്.

2014 -15ൽ ​അ​ധ്യാ​പ​ക​രു​ടെ എ​ണ്ണം 1,64,154 ആ​യി​രു​ന്നു. എ​ന്നാ​ൽ, 2021-22 ആ​യ​പ്പോ​ഴേ​ക്കും ഇ​ത്​ 1,58,637 ആ​യി കു​റ​ഞ്ഞു. 2014-15ൽ ​ആ​കെ​യു​ണ്ടാ​യി​രു​ന്ന 1,64,154 അ​ധ്യാ​പ​ക​രി​ൽ 97,875 പേ​ർ (59.62 ശ​ത​മാ​നം) എ​യ്​​ഡ​ഡ്​ സ്കൂ​ളു​ക​ളി​ലാ​യി​രു​ന്നു. 53,848 പേ​ർ (32.8) സ​ർ​ക്കാ​ർ സ്കൂ​ളു​ക​ളി​ലും 12,431 പേ​ർ (7.57) അ​ൺ​എ​യ്​​ഡ​ഡ്​ സ്കൂ​ളു​ക​ളി​ലു​മാ​യി​രു​ന്നു. 2021 -22ൽ ​ആ​കെ​യു​ള്ള 1,58,637 അ​ധ്യാ​പ​ക​രി​ൽ 91,219 പേ​ർ (57.5 ശ​ത​മാ​നം) എ​യ്​​ഡ​ഡ്​ സ്കൂ​ളു​ക​ളി​ലും 53,336 പേ​ർ (33.62 ശ​ത​മാ​നം) സ​ർ​ക്കാ​ർ സ്കൂ​ളു​ക​ളി​ലു​മാ​ണ്. 14,082 പേ​ർ (8.88 ) അ​ൺ​എ​യ്​​ഡ​ഡ്​ സ്കൂ​ളു​ക​ളി​ലു​മാ​ണ്. എ​യ്​​ഡ​ഡ്​ സ്കൂ​ളു​ക​ളി​ലും സ​ർ​ക്കാ​ർ സ്കൂ​ളു​ക​ളി​ലു​മാ​ണ്​ അ​ധ്യാ​പ​ക​ർ കു​റ​ഞ്ഞ​ത്. എ​ന്നാ​ൽ, കു​ട്ടി​ക​ൾ കു​റ​ഞ്ഞ അ​ൺ​എ​യ്​​ഡ​ഡ്​ സ്കൂ​ളു​ക​ളി​ൽ അ​ധ്യാ​പ​ക​ർ വ​ർ​ധിച്ചു.

ഭി​ന്ന​ശേ​ഷി സം​വ​ര​ണം ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട കേ​സി​ൽ 9913 അ​ധ്യാ​പ​ക​രു​ടെ നി​യ​മ​നാം​ഗീ​കാ​രം ത​ട​സ്സ​പ്പെ​ട്ടി​രി​ക്കു​ക​യാ​ണ്​. 2022-23 വ​ർ​ഷ​ത്തെ ത​സ്തി​ക നി​ർ​ണ​യ​ത്തി​ന്‍റെ അ​ടി​സ്ഥാ​ന​ത്തി​ൽ അ​ധി​ക ത​സ്തി​ക സൃ​ഷ്ടി​ക്കാ​ൻ സ​ർ​ക്കാ​ർ ഇ​തു​വ​രെ ത​യാ​റാ​യി​ട്ടു​മി​ല്ല. കു​ട്ടി​ക​ൾ വ​ർ​ധി​ച്ച​തു​വ​ഴി​യു​ണ്ടാ​യ അ​ധ്യാ​പ​ക ത​സ്തി​ക​ക​ളി​ലെ​ല്ലാം താ​ൽ​ക്കാ​ലി​ക നി​യ​മ​നം ന​ട​ത്താ​നാ​ണ്​ നി​ർ​ദേ​ശം. ത​സ്തി​ക സൃ​ഷ്ടി​ക്കാ​ത്ത​ത്​ പി.​എ​സ്.​സി റാ​ങ്ക്​ പ​ട്ടി​ക​യി​ലു​ള്ള​വ​ർ​ക്കും തി​രി​ച്ച​ടി​യാ​ണ്. എ​യ്​​ഡ​ഡ്​ സ്കൂ​ളു​ക​ളി​ൽ കു​ട്ടി​ക​ൾ വ​ർ​ധി​ച്ച​തി​ന​നു​സ​രി​ച്ച്​ പ്ര​തീ​ക്ഷി​ത ത​സ്തി​ക​യി​ൽ ഒ​ട്ടേ​റെ പേ​ർ നി​യ​മ​നം നേ​ടി​യി​ട്ടു​ണ്ട്.

ത​സ്തി​ക സൃ​ഷ്ടി​ച്ചാ​ൽ മാ​ത്ര​മേ ഇ​വ​ർ​ക്കും നി​യ​മ​നാം​ഗീ​കാ​ര​ത്തി​ന്​ വ​ഴി​യൊ​രു​ങ്ങൂ. അ​ധി​ക ത​സ്തി​ക അ​നു​വ​ദി​ച്ചു​ള്ള സ​ർ​ക്കാ​ർ ഉ​ത്ത​ര​വ്​ സെ​പ്​​റ്റം​ബ​ർ 30ന​കം പു​റ​ത്തി​റ​ക്ക​ണ​മെ​ന്നാ​ണ്​ വി​ദ്യാ​ഭ്യാ​സ ച​ട്ട​ത്തി​ൽ ഭേ​ദ​ഗ​തി വ​രു​ത്തി​യ വ്യ​വ​സ്ഥ. എ​ന്നാ​ൽ, ​അ​ധ്യ​യ​ന വ​ർ​ഷം അ​വ​സാ​നി​ക്കാ​റാ​യി​ട്ടും ഇ​തി​ന്​​ സ​ർ​ക്കാ​ർ ന​ട​പ​ടി​യെ​ടു​ത്തി​ട്ടി​ല്ല. അ​ധി​ക സാ​മ്പ​ത്തി​ക ബാ​ധ്യ​ത വ​രു​ത്തു​മെ​ന്ന​തി​നാ​ൽ ധ​ന​വ​കു​പ്പി​ന്‍റെ നി​ല​പാ​ട​നു​സ​രി​ച്ചാ​യി​രി​ക്കും തീ​രു​മാ​നം.