എലിപ്പനി: വാട്ടർ തീം പാർക്ക് അടപ്പിച്ചു

അതിരപ്പിള്ളി: വെറ്റിലപ്പാറയിലെ സിൽവർ സ്റ്റോം വാട്ടർ തീം പാർക്ക് ആരോഗ്യ വിഭാഗം താൽക്കാലികമായി അടച്ചുപൂട്ടി. വിനോദയാത്രക്കെത്തിയ വിദ്യാർഥികൾക്ക് എലിപ്പനി സ്ഥിരീകരിച്ചതിനെത്തുടർന്ന് ആരോഗ്യ വിഭാഗം വെള്ളിയാഴ്ച നടത്തിയ പരിശോധനയിൽ റൈഡുകൾക്കായുള്ള ജലാശയങ്ങൾ വൃത്തിഹീനമാണെന്ന് കണ്ടെത്തിയിരുന്നു. ഫെബ്രുവരി 17ന് എറണാകുളം, ആലുവ എന്നിവിടങ്ങളിൽനിന്ന് എത്തിയ വിദ്യാർഥികൾക്കാണ് എലിപ്പനി സ്ഥിരീകരിച്ചത്.