'മംഗളം' പത്രം ഓഫിസിൽ ആക്രമണം; പ്രതികള് റിമാന്ഡില്
text_fieldsകൊച്ചി: മാധ്യമസ്ഥാപനത്തിനുനേരെ സാമൂഹികവിരുദ്ധരുടെ ആക്രമണം. വൈറ്റില പൊന്നുരുന്നിയിലുള്ള മംഗളം ദിനപത്രത്തിെൻറ കൊച്ചി യൂനിറ്റ് ഓഫിസിലാണ് സാമൂഹികവിരുദ്ധരുടെ ആക്രമണമുണ്ടായത്.
ബുധനാഴ്ച അര്ധരാത്രിയാണ് സംഭവം. സ്ഥലത്തെത്തിയ കടവന്ത്ര എസ്.ഐ രാജ്കുമാറിെൻറ നേതൃത്വത്തിലുള്ള സംഘം പ്രതികളായ മട്ടാഞ്ചേരി കരുവേലിപ്പടി ലിമാഹൗസില് അഖില് ഉസാം (28), എരമല്ലൂര് പൊഴിയില് വീട്ടിൽ മുഹമ്മദ് റാഫി (32) എന്നിവരെ അറസ്റ്റ് ചെയ്തു. കോടതിയില് ഹാജരാക്കിയ പ്രതികളെ 14 ദിവസത്തേക്ക് റിമാന്ഡ് ചെയ്തു. പ്രകോപനമില്ലാതെയാണ് ഇവര് അതിക്രമിച്ചു കയറിയതെന്ന് ഓഫിസിലുണ്ടായിരുന്നവർ പറഞ്ഞു.
വനിത മാധ്യമപ്രവര്ത്തകരുള്പ്പെടെയുള്ളവർക്കുനേരെ അസഭ്യവര്ഷവും നഗ്നത പ്രദര്ശനവും നടത്തുകയും ചെയ്തു. ജീവനക്കാരെ കൈയേറ്റം ചെയ്യുകയും ഭീഷണിപ്പെടുത്തുകയും സ്ഥാപനത്തിനുനേരെ കല്ലെറിയുകയും ചെയ്തു. സംഭവത്തിൽ എറണാകുളം പ്രസ് ക്ലബ് പ്രതിഷേധിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.