അട്ടപ്പാടി മധു വധക്കേസ്: സ്‌പെഷ്യൽ പ്രോസിക്യൂട്ടർ കെ.പി. സതീശൻ പിന്മാറി

പാലക്കാട്: അട്ടപ്പാടി മധു വധക്കേസിന്‍റെ സ്‌പെഷ്യൽ പ്രോസിക്യൂട്ടർ പദവിയിൽ നിന്ന് ഡോ. കെ.പി. സതീശനെ പിന്മാറി. പിന്മാറുന്ന വിവരം ഹൈകോടതിയെ കെ.പി. സതീശൻ അറിയിച്ചു. കെ.പി. സതീശനെ നിയമിക്കാനുള്ള സർക്കാർ തീരുമാനത്തോട് മധുവിന്റെ അമ്മ മല്ലിയമ്മ വിയോജിച്ച സാഹചര്യത്തിലാണ് പിന്മാറ്റം.

കെ.പി. സതീശനെ നിയമിക്കാനുള്ള സർക്കാർ തീരുമാനത്തിനെതിരെ മധുവിന്റെ അമ്മ മല്ലിയമ്മ തിങ്കളാഴ്ച പാലക്കാട് സിവിൽ സ്റ്റേഷന് മുന്നിൽ സത്യാഗ്രഹ സമരം നടത്തിയിരുന്നു. കേസിലെ മുഴുവൻ പ്രതികൾക്കും പരമാവധി ശിക്ഷ നൽകണമെന്ന് ആവശ്യപ്പെട്ടുള്ള കേസിൽ സ്‌പെഷ്യൽ പ്രോസിക്യൂട്ടർമാരായി അഡ്വ. രാജേഷ് എം മേനോനെയും അഡ്വ. ജീവേഷിനെയും അഡ്വ. സി.കെ രാധാകൃഷ്ണനേയും നിയമിക്കണമെന്നാണ് മല്ലിയമ്മയുടെ ആവശ്യം.

പ്രോസിക്യൂട്ടറാ‍യി കെ.പി സതീശനെ നിയമിച്ചാൽ കേസ് അട്ടിമറിക്കാനുള്ള ശ്രമം നടക്കുമെന്നാണ് മധുവിന്റെ കുടുംബം ആരോപിച്ചത്. പ്രോസിക്യൂട്ടർ നിയമനത്തിൽ സംസ്ഥാന സർക്കാർ ഏകപക്ഷീയമായി തീരുമാനമെടുത്തെന്ന് സമരസമിതിയും ആരോപിച്ചു. മണ്ണാ‍ർക്കാട് പ്രത്യേക കോടതി ഏഴ് വ‍ർഷത്തേക്ക് ശിക്ഷിച്ചതിനെതിരെ പ്രതികൾ ഹൈകോടതിയെ സമീപിച്ചിരുന്നു. ശിക്ഷ വ‍ർധിപ്പിക്കണമെന്ന് ആവശ്യപ്പെട്ട് സ‍ർക്കാർ നൽകിയ ഹരജിയും ഹൈകോടതിയുടെ പരി​ഗണനയിലാണ്.

2018 ​ഫെ​ബ്രു​വ​രി 22നാണ് അ​ട്ട​പ്പാ​ടി ചി​ണ്ട​ക്കി ആ​ദി​വാ​സി ഊ​രി​ലെ മ​​ല്ല​​ന്റേ​യും മ​ല്ലി​യു​ടേ​യും മ​ക​ൻ മ​ധു (34) ആ​ൾ​ക്കൂ​ട്ട ആ​ക്ര​മ​ണ​ത്തി​ൽ കൊ​ല്ല​പ്പെ​ടുന്നത്. തുടർന്ന് അ​ഗ​ളി പൊ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്തു. മ​ർ​ദ​ന​ത്തെ​ തു​ട​ർ​ന്നു​ള്ള ആ​ന്ത​രി​ക ര​ക്ത​സ്രാ​വ​മാ​ണ്​ മ​ര​ണ​കാ​ര​ണ​മെ​ന്ന്​ പോ​സ്​​​റ്റ്​​മോ​ർ​ട്ടം പ്രാ​ഥ​മി​ക റി​​പ്പോ​ർ​ട്ട് ചൂണ്ടിക്കാട്ടിയത്.

ഫെ​ബ്രു​വ​രി 25ന് കേ​സി​ലെ മു​ഴു​വ​ൻ പ്ര​തി​ക​ളേ​യും അ​റ​സ്റ്റ്​ ചെ​യ്തു. മേ​യ് 23ന് അ​ഗ​ളി മു​ൻ ഡി​വൈ.​എ​സ്.​പി ടി.​കെ. സു​ബ്ര​ഹ്മ​ണ്യ​ൻ മ​ണ്ണാ​ർ​ക്കാ​ട്​ പ​ട്ടി​ക​ജാ​തി​/ പ​ട്ടി​ക​വ​ർ​ഗ പ്ര​ത്യേ​ക കോ​ട​തി​യി​ൽ കു​റ്റ​പ്പ​ത്രം സ​മ​ർ​പ്പി​ച്ചു. തുടർന്ന് ഹൈ​കോ​ട​തി പ്ര​തി​ക​ൾ​ക്ക് ഉ​പാ​ധി​ക​ളോ​ടെ മു​ൻ​കൂ​ർ ജാ​മ്യം ന​ൽ​കി.

ഏ​പ്രി​ൽ 28ന് പ്രോ​സി​ക്യൂ​ഷ​ൻ സാ​ക്ഷി വി​സ്താ​രം തു​ട​ങ്ങി. സാ​ക്ഷി​ക​ളി​ൽ ര​ണ്ടു പേ​ർ കൂ​റു​മാ​റി​യ​തോ​ടെ, കേ​സി​ൽ തോ​റ്റു​പോ​കാ​ൻ സാ​ധ്യ​ത​യു​ണ്ടെ​ന്നും പ്രോ​സി​ക്യൂ​ട്ട​റെ മാ​റ്റ​ണ​മെ​ന്നും മ​ധു​വി​ന്റെ അ​മ്മ ആ​വ​ശ്യ​പ്പെ​ട്ടു. ഇ​തേ​തു​ട​ർ​ന്ന് സി. ​രാ​ജേ​ന്ദ്ര​ൻ രാ​ജി​വെ​ച്ചു. അ​ഡീ​ഷ​ന​ൽ പ്രോ​സി​ക്യൂ​ട്ട​റാ​യി​രു​ന്ന രാ​ജേ​ഷ് എം. ​മേ​നോ​നെ പ്രോ​സി​ക്യൂ​ട്ട​റാ​യി നി​യ​മി​ച്ചു. തു​ട​ർ കൂ​റു​മാ​റ്റ​ങ്ങ​ൾ​ക്കി​ടെ വി​റ്റ്ന​സ് പ്രൊ​ട്ട​ക്ഷ​ൻ സ്കീം ​ന​ട​പ്പി​ലാ​ക്കി​യി​ട്ടും കൂ​റു​മാ​റ്റം തു​ട​ർ​ന്നു.

വി​സ്താ​ര​ത്തി​നി​ടെ കൂ​റു​മാ​റി​യ പ​ന്ത്ര​ണ്ടാം സാ​ക്ഷി മു​ക്കാ​ലി സ്വ​ദേ​ശി അ​നി​ൽ​കു​മാ​ർ പൊ​ലീ​സ് ഭീ​ഷ​ണി​പ്പെ​ടു​ത്തി എ​ന്ന് പ​റ​ഞ്ഞു കോ​ട​തി​യി​ൽ ഓ​ടി​ക്ക​യ​റുന്ന സംഭവമുണ്ടായി. ഇതിന് പിന്നാലെ രണ്ട് പ്ര​തി​ക​ളു​ടെ മു​ൻ​കൂ​ർ ജാ​മ്യം വി​ചാ​ര​ണ കോ​ട​തി റ​ദ്ദാ​ക്കി. ഇതിനിടെ കൂ​റു​മാ​റി​യ 19-ാം സാ​ക്ഷി ക​ക്കി​ പ്രോ​സി​ക്യൂ​ഷ​ന് അ​നു​കൂ​ല​മാ​യി മൊ​ഴി ന​ൽ​കി. കൂടാതെ, മ​ധു ആ​ൾ​ക്കൂ​ട്ട ആ​ക്ര​മ​ണ​ത്തി​ന് ഇ​ര​യാ​യെ​ന്ന് മ​ജി​സ്റ്റീ​രി​യ​ൽ റി​പ്പോ​ർ​ട്ടും പുറത്തുവന്നു. 2023 ഫെ​ബ്രു​വ​രി 11ന് അ​ന്തി​മ വാ​ദം തു​ട​ങ്ങുകയും മാ​ർ​ച്ച് 10ന് അ​ന്തി​മ​വാ​ദം പൂ​ർ​ത്തി​യാകുകയും ചെയ്തു. ഏ​പ്രി​ൽ നാ​ലിന് ​കേ​സി​ലെ 14 പ്ര​തി​ക​ൾ കു​റ്റ​കാ​രാ​​ണെ​ന്ന് വി​ചാ​ര​ണ കോ​ട​തി ക​​​ണ്ടെ​ത്തി.