വാഹനമിടിപ്പിച്ച് കൊല്ലാൻ ശ്രമം; രണ്ടുപേര്‍ പിടിയില്‍

അ​രൂ​ര്‍: ഒ​രു​വ​ര്‍ഷം മു​മ്പു​ണ്ടാ​യ അ​ടി​പ​ടി​യു​ടെ വൈ​രാ​ഗ്യ​ത്തി​ൽ വാ​ഹ​ന​മി​ടി​പ്പി​ച്ച് കൊ​ല​പ്പെ​ടു​ത്താ​ന്‍ ശ്ര​മി​ച്ച കേ​സി​ൽ ര​ണ്ട് പേ​ർ അ​റ​സ്റ്റി​ൽ. അ​രൂ​ക്കു​റ്റി ഗ്രാ​മ​പ​ഞ്ചാ​യ​ത്ത് ഒ​ന്നാം വാ​ര്‍ഡ് മേ​നാ​ക്കോ​ട്ടി​ച്ചി​റ ദീ​പു സ​ത്യ​ന്‍ (29), അ​രൂ​ക്കു​റ്റി ര​ണ്ടാം വാ​ര്‍ഡ് തൗ​ണ്ട​ക്കേ​രി​ല്‍ വൈ​ശാ​ഖ്(28) എ​ന്നി​വ​രാ​ണ്​ പി​ടി​യി​ലാ​യ​ത്.

വാ​ഹ​നാ​പ​ക​ടം എ​ന്ന നി​ല​യി​ല്‍ തു​ട​ങ്ങി​യ അ​ന്വേ​ഷ​ണം വ​ഴി​തി​രി​വി​ലാ​യ​തോ​ടെ​യാ​ണ് ഇ​വ​ർ അ​റ​സ്റ്റി​ലാ​യ​ത്. 30ഓ​ളം സി.​സി. ടി.​വി ദൃ​ശ്യ​ങ്ങ​ള്‍ നി​രീ​ക്ഷി​ച്ചാ​ണ് പ്ര​തി​ക​ളെ പി​ടി​കൂ​ടി​യ​ത്. ഇ​വ​രെ ചോ​ദ്യം ചെ​യ്ത​പ്പോ​ഴാ​ണ് 2023 ജ​നു​വ​രി​യി​ല്‍ അ​രൂ​ര്‍ റ​സി​ഡ​ന്‍സി ബാ​ര്‍ ഹോ​ട്ട​ലി​ല്‍ ന​ട​ന്ന അ​ടി​പി​ടി​യു​ടെ വൈ​രാ​ഗ്യ​മാ​ണ് കേ​സി​നാ​സ്പ​ദ​മാ​യ സം​ഭ​വ​മെ​ന്ന് തെ​ളി​ഞ്ഞ​ത്.

സി.​സി. ടി.​വി പ​രി​ശോ​ധി​ച്ച​പ്പോ​ള്‍ വാ​ഹ​നം മ​ന​പൂ​ര്‍വ്വം ഇ​ടി​പ്പി​ക്കു​ന്ന​താ​യി പൊ​ലീ​സി​ന് വ്യ​ക്ത​മാ​യി. തു​ട​ര്‍ന്ന് മ​റ്റ് സി.​സി. ടി.​വി ദൃ​ശ്യ​ങ്ങ​ള്‍ കേ​ന്ദ്രീ​ക​രി​ച്ച് ന​ട​ത്തി​യ പ​രി​ശോ​ധ​ന​യി​ല്‍ ന​മ്പ​ര്‍ വ്യ​ക്ത​മാ​യി. ഉ​ട​മ​യാ​യ ദീ​പു​വി​നെ ചോ​ദ്യം ചെ​യ്ത​പ്പോ​ഴാ​ണ് പ​ഴ​യ വൈ​രാ​ഗ്യ​ത്തി​ന്റെ ചു​രു​ള്‍ അ​ഴി​ഞ്ഞ​ത്.

2023 ജ​നു​വ​രി​യി​ല്‍ ദീ​പു​വും കൂ​ട്ടു​കാ​രും ചേ​ര്‍ന്ന് ബാ​ര്‍ ഹോ​ട്ട​ലി​ല്‍ മ​ദ്യം വാ​ങ്ങാ​നാ​യി ചെ​ന്ന സ​മ​യം ഹോ​ട്ട​ല്‍ ജീ​വ​ന​ക്കാ​രു​മാ​യി അ​ടി​പി​ടി ഉ​ണ്ടാ​യി.

അ​ന്നു​ണ്ടാ​യി​രു​ന്ന വൈ​രാ​ഗ്യം മ​ന​സി​ല്‍ സൂ​ക്ഷി​ച്ചി​രു​ന്ന ദീ​പു ഹോ​ട്ട​ലി​ന്റെ യൂ​നി​ഫോം ധ​രി​ച്ച ജീ​വ​ന​ക്കാ​ര​നെ ക​ണ്ട​പ്പോ​ള്‍ പെ​ട്ട​ന്ന് വാ​ഹ​നം ഇ​ടി​ച്ചു ക​യ​റ്റു​ക​യു​മാ​യി​രു​ന്നു. അ​പ​ക​ട​ത്തി​ല്‍ പ​രി​ക്കേ​റ്റ ശ്രീ​ജി​ത്ത് ഇ​പ്പോ​ഴും കോ​ട്ട​യം മെ​ഡി​ക്ക​ല്‍ കോ​ള​ജാ​ശു​പ​ത്രി​യി​ല്‍ ചി​കി​ത്സ​യി​ലാ​ണ്.

സം​ഭ​വ​ത്തി​നു​ശേ​ഷം അ​രൂ​ക്കു​റ്റി​യി​ലു​ള്ള കാ​ര്‍ സ്പാ​യി​ല്‍ ഒ​ളി​പ്പി​ച്ചി​രു​ന്ന വാ​ഹ​നം പൊ​ലീ​സ് ക​ണ്ടെ​ത്തി.

2019ല്‍ ​പൊ​ലീ​സു​ദ്യോ​ഗ​സ്ഥ​നെ ആ​ക്ര​മി​ച്ച കേ​സി​ലും ദീ​പു പ്ര​തി​യാ​ണ്. അ​റ​സ്റ്റി​ലാ​യ വൈ​ശാ​ഖും അ​രൂ​ര്‍ പൂ​ച്ചാ​ക്ക​ല്‍ സ്റ്റേ​ഷ​നു​ക​ളി​ലെ അ​ടി​പി​ടി കേ​സു​ക​ളി​ല്‍ പ്ര​തി​യാ​ണെ​ന്ന് പൊ​ലീ​സ് പ​റ​ഞ്ഞു.