തൃക്കാക്കരയിൽ കള്ളവോട്ടിന് ശ്രമം

കൊച്ചി: തൃക്കാക്കരയിൽ കള്ളവോട്ടിന് ശ്രമം. തൃക്കാക്കര മണ്ഡലത്തിലെ പൊന്നുരുന്നിയിലാണ് കള്ളവോട്ടിന് ശ്രമമുണ്ടായത്. പൊന്നുരുന്നിയിലെ സി.കെ.സി സ്കൂളിൽ 66ാം ബൂത്തിലെ വോട്ടറായ പ്രവാസി ടി.എം. സഞ്ജുവിന്റെ പേരിലാണ് കള്ളവോട്ടിന് ശ്രമം നടന്നത്.

യു.ഡി.എഫ് പ്രവർത്തകർ ഇയാളെ തടഞ്ഞു നിർത്തി. പൊലീസ് എത്തി കസ്റ്റഡിയിൽ എടുത്തു. സംഭവത്തിൽ യു.ഡി.എഫ് ഔദ്യോഗികമായി തന്നെ പരാതി നൽകിയിട്ടുണ്ട്.

ടി.എം സഞ്ജുവിന്റെ പേരിൽ സഞ്ജു നായരാണ് വോട്ടു ചെയ്യാനെത്തിയത്. ഇയാളുടെ തിരിച്ചറിയൽ കാർഡ് വ്യാജമാണെന്ന് സംശയിക്കുന്നതായി പൊലീസ് പറഞ്ഞു.

തൃക്കാക്കരയിൽ എൽ.ഡി.എഫ് കള്ളവോട്ടിന് ശ്രമിക്കുമെന്ന് നേരത്തെ യു.ഡി.എഫ് ആരോപിച്ചിരുന്നു.