കൊ​ല​പാ​​ത​ക ശ്ര​മം: ഒ​ളി​വി​ല്‍ ക​ഴി​ഞ്ഞ മു​ഖ്യ​പ്ര​തി അ​റ​സ്റ്റി​ൽ

മ​ണ​ർ​കാ​ട്: യു​വാ​വി​നെ കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ ഒ​ളി​വി​ല്‍ ക​ഴി​ഞ്ഞി​രു​ന്ന മു​ഖ്യ​പ്ര​തി അ​റ​സ്റ്റി​ൽ. വ​ട​വാ​തൂ​ർ ശാ​ന്തി​ഗ്രാം കോ​ള​നി ഭാ​ഗ​ത്ത് പു​ത്ത​ൻ​പ​റ​മ്പി​ൽ വീ​ട്ടി​ൽ ര​ഘി​ലാ​ലി​നെ​യാ​ണ്​ (30) മ​ണ​ർ​കാ​ട് പൊ​ലീ​സ് അ​റ​സ്റ്റ് ചെ​യ്ത​ത്. ഇ​യാ​ളും സു​ഹൃ​ത്തു​ക്ക​ളും ചേ​ര്‍ന്ന് ക​ഴി​ഞ്ഞ 20ന്​ ​രാ​ത്രി 10.30ഓ​ടെ വ​ട​വാ​തൂ​ർ കു​രി​ശു​ക​വ​ല​ക്ക്​ സ​മീ​പം വ​ട​വാ​തൂ​രി​ൽ വാ​ട​ക​ക്ക്​ താ​മ​സി​ക്കു​ന്ന മ​ല​പ്പു​റം സ്വ​ദേ​ശി​യാ​യ യു​വാ​വി​നെ ആ​ക്ര​മി​ച്ചു കൊ​ല​പ്പെ​ടു​ത്താ​ൻ ശ്ര​മി​ക്കു​ക​യാ​യി​രു​ന്നു. പ​രാ​തി​യെ തു​ട​ർ​ന്ന് മ​ണ​ർ​കാ​ട് പൊ​ലീ​സ് കേ​സി​ലെ മ​റ്റു പ്ര​തി​ക​ളാ​യ ആ​റു​പേ​രെ ക​ഴി​ഞ്ഞ ദി​വ​സം പി​ടി​കൂ​ടി​യി​രു​ന്നു.

ര​ഘി​ലാ​ലി​നെ ക​ഴി​ഞ്ഞ​ദി​വ​സം ക​രു​നാ​ഗ​പ്പ​ള്ളി​യി​ല്‍ നി​ന്നാ​ണ്​ പി​ടി​കൂ​ടി​യ​ത്. പൊ​ലീ​സി​നെ ക​ണ്ട് ഇ​യാ​ൾ ഓ​ടി ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും പി​ന്തു​ട​ർ​ന്ന് പി​ടി​കൂ​ടി. ര​ഘി​ലാ​ലി​നെ​തി​രെ കോ​ട്ട​യം ഈ​സ്റ്റ്, മ​ണ​ർ​കാ​ട്, കോ​ട്ട​യം വെ​സ്റ്റ്, ഏ​റ്റു​മാ​നൂ​ർ, ച​ങ്ങ​നാ​ശ്ശേ​രി, ഗാ​ന്ധി​ന​ഗ​ർ, വൈ​ക്കം എ​ന്നീ സ്റ്റേ​ഷ​നു​ക​ളി​ലാ​യി 25 ഓ​ളം ക്രി​മി​ന​ല്‍ കേ​സു​ക​ളു​ണ്ട്.