ഓ​ട്ടോ​ ഡ്രൈ​വ​ർ ചി​ത്ര​ലേ​ഖ വിടവാങ്ങി; മരണം അ​ർ​ബു​ദ​ ചികിത്സയിലിരിക്കെ

ക​ണ്ണൂ​ർ: ഏ​ക വ​രു​മാ​ന​മാ​ർ​ഗ​മാ​യ ഓ​ട്ടോ​റി​ക്ഷ ക​ത്തി​ച്ച​തി​നെ തു​ട​ർ​ന്ന് സി.​പി.​എ​മ്മു​മാ​യി വ​ർ​ഷ​ങ്ങ​ളാ​യി പോ​രാ​ട്ടം തു​ട​ർ​ന്ന ദ​ലി​ത് ഓ​ട്ടോ ​ഡ്രൈ​വ​ർ ചി​ത്ര​ലേ​ഖ (48) വിടവാങ്ങി. കനത്ത ശ്വാസംമുട്ടലിനെ തുടർന്ന് പുലർച്ചെ മൂന്നു മണിയോടെ കണ്ണൂർ കമ്പിലെ ആശുപത്രിയിലായിരുന്നു അന്ത്യം. പാ​ൻ​ക്രി​യാ​സ് കാ​ൻ​സ​റി​നെ തുടർന്ന് ചികിത്സയിലായിരുന്നു.

ചിത്രലേഖയുടെ ഭൗതികശരീരം നാളെ (ഞായർ) രാവിലെ 9.00 മണിക്ക് ആശുപത്രിയിൽ നിന്ന് വീട്ടിലെത്തിക്കും. രാവിലെ 10 മണിക്ക് വീട്ടിൽ നിന്ന് ഭൗതികശരീരം 10.30ഓടെ പയ്യാമ്പലം കടപ്പുറത്തെത്തിക്കും. പയ്യാമ്പലം കടപ്പുറത്താണ് സംസ്കാര ചടങ്ങുകൾ നടക്കുക. മക്കൾ: മനു, മേഘ.

ഏ​ക വ​രു​മാ​ന​മാ​ർ​ഗ​മാ​യ ഓ​ട്ടോ​റി​ക്ഷ ക​ത്തി​ച്ച​തി​നെ തു​ട​ർ​ന്ന് സി.​പി.​എ​മ്മു​മാ​യി വ​ർ​ഷ​ങ്ങ​ളാ​യി പോ​രാ​ട്ടം തു​ട​ർ​ന്ന ചി​ത്ര​ലേ​ഖ രോ​ഗ​ശ​യ്യ​യി​ലായിരുന്നു. വീ​ട്ടു​മു​റ്റ​ത്ത് നി​ർ​ത്തി​യി​ട്ട ര​ണ്ടാ​മ​ത്തെ ഓ​ട്ടോ​റി​ക്ഷ​യും ക​ത്തി​ച്ച​തി​നെ തു​ട​ർ​ന്ന് ഉ​പ​ജീ​വ​ന​മാ​ർ​ഗം നി​ല​ച്ച​തി​നി​ടെ സ​ന്ന​ദ്ധ സം​ഘ​ട​ന​ക​ൾ വ​ഴി ല​ഭി​ച്ച പു​തി​യ ഓ​ട്ടോ​റി​ക്ഷ​യു​മാ​യി നി​ര​ത്തി​ലി​റ​ങ്ങാ​നി​രി​ക്കെ​യാ​ണ് രോ​ഗം അ​ല​ട്ടി​യ​ത്. ചി​ത്ര​ലേ​ഖ രോ​ഗ​ശ​യ്യ​യിൽ കഴിയുന്ന വിവരം 'മാധ്യമം' ദിനപത്രം വാർത്തയാക്കിയിരുന്നു.

Also Read:പോരാടാൻ വയ്യ, അർബുദ ശയ്യയിൽ ചിത്രലേഖ

വ​യ​റു​വേ​ദ​ന​യി​ൽ തു​ട​ങ്ങി​യ അ​സ്വാ​സ്ഥ്യം അ​ർ​ബു​ദ​മാ​ണെ​ന്ന് തി​രു​വ​ന​ന്ത​പു​രം ആ​ർ.​സി.​സി​യി​ലേ​ത് ഉ​ൾ​പ്പ​ടെ​യു​ള്ള ഡോ​ക്ട​ർ​മാ​രാണ് സ്ഥി​രീ​ക​രി​ച്ചത്. പാ​ൻ​ക്രി​യാ​സ് കാ​ൻ​സ​റി​ന് കീ​മോ​തെ​റ​പി ചെ​യ്യാ​ൻ ത​ല​ശ്ശേ​രി​യി​ലെ മ​ല​ബാ​ർ കാ​ൻ​സ​ർ സെ​ന്റ​റി​ൽ അ​ഡ്മി​റ്റ് ചെ​യ്യാ​നി​രി​ക്കെ മ​ഞ്ഞ​പ്പി​ത്തം ബാ​ധി​ച്ച് ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​യിരുന്നു ഇ​വ​ർ.

പ​യ്യ​ന്നൂ​ർ സ്വ​ദേ​ശി​നി​യാ​യ ചി​ത്ര​ലേ​ഖ, സി.​പി.​എ​മ്മു​കാ​രു​മാ​യി ഏ​റ്റു​മു​ട്ടി​യാ​ണ് വാ​ർ​ത്ത​ക​ളി​ൽ ഇ​ടം​പി​ടി​ച്ച​ത്. ഏ​താ​നും വ​ർ​ഷ​ങ്ങ​ളാ​യി ക​ണ്ണൂ​ർ കാ​ട്ടാ​മ്പ​ള്ളി​യി​ലാ​ണ് താ​മ​സം. ഇ​വി​ടെ​യു​ള്ള പു​തി​യ വീ​ടി​നു മു​ന്നി​ൽ നി​ർ​ത്തി​യി​ട്ട ഓ​ട്ടോ​റി​ക്ഷ​ക്ക് ക​ഴി​ഞ്ഞ​ വ​ർ​ഷം ആ​ഗ​സ്റ്റ് 25ന് ​പു​ല​ർ​ച്ചെ​യാ​ണ് തീ​യി​ട്ട​ത്. സി.​പി.​എ​മ്മു​കാ​രാ​ണ് തീ​യി​ട്ട​തെ​ന്നാ​ണ് അ​വ​ർ ആ​രോ​പി​ച്ച​ത്. വ​ള​പ​ട്ട​ണം പൊ​ലീ​സ് കേ​സെ​ടു​ത്തെ​ങ്കി​ലും അ​ന്വേ​ഷ​ണം എ​വി​ടെ​യു​മെ​ത്തി​യി​ല്ല.

ഭ​ർ​ത്താ​വും ര​ണ്ടു മ​ക്ക​ളും ​ര​ണ്ടു പേ​ര​മ​ക്ക​ളും അ​ട​ങ്ങു​ന്ന കു​ടും​ബ​ത്തി​ന്റെ ഉ​പ​ജീ​വ​ന​മാ​ർ​ഗ​വും ഓ​ട്ടോ​റി​ക്ഷ ത​ന്നെ​യാ​യി​രു​ന്നു. കേ​സും കൂ​ട്ടും പ്ര​തി​ഷേ​ധ​വു​മാ​യി മാ​സ​ങ്ങ​ളോ​ളം ക​ഴി​ഞ്ഞു ​വ​രു​ന്ന​തി​നി​ടെ സ​ന്ന​ദ്ധ സം​ഘ​ട​ന​യു​ടെ സ​ഹാ​യം വ​ഴി ഓ​ട്ടോ​റി​ക്ഷ ല​ഭി​ച്ചു. വീ​ണ്ടും നി​ര​ത്തി​ലി​റ​ങ്ങി ആ​ഴ്ച​ക​ൾ​ക്ക​ക​മാ​ണ് രോ​ഗം ബാ​ധി​ച്ച് തു​ട​ങ്ങി​യ​ത്. ഇ​തോ​ടെ 8,150 രൂ​പ​യു​ടെ പ്ര​തി​മാ​സ തി​രി​ച്ച​ട​വും മു​ട​ങ്ങി.

2002ൽ ​തീ​യ സ​മു​ദാ​യ​ത്തി​ൽ​പെ​ട്ട ശ്രീ​ഷ്‍കാ​ന്തി​നെ പ്ര​ണ​യി​ച്ചു വി​വാ​ഹം ചെ​യ്ത​തോ​ടെ​യാ​ണ് ജാ​തി​ വി​വേ​ച​ന​ത്തി​നും പീ​ഡ​ന​ത്തി​നും ചി​ത്ര​ലേ​ഖ ഇ​ര​യാ​യ​ത്. ന​ഴ്​​സാ​യി​രു​ന്ന ഇ​വ​ർ ആ ​ജോ​ലി വി​ട്ട് ഭ​ർ​ത്താ​വി​നൊ​പ്പം ഓ​ട്ടോ​റി​ക്ഷ ഡ്രൈ​വ​റാ​വാ​ൻ തീ​രു​മാ​നി​ച്ചു. വി​വാ​ഹ​ശേ​ഷം ലോ​ണെ​ടു​ത്ത് വാ​ങ്ങി​യ ഓ​ട്ടോ​റി​ക്ഷ​യു​മാ​യി പ​യ്യ​ന്നൂ​ർ എ​ടാ​ട്ടി​ൽ ഓ​​ട്ടോ സ്റ്റാ​ൻ​ഡി​ലെ​ത്തി​യ​തോ​ടെ​യാ​ണ് പ്ര​ശ്ന​ങ്ങ​ളു​ടെ തു​ട​ക്കം. ഇ​വി​ടെ​വെ​ച്ച് ജാ​തീ​യ​മാ​യി അ​ധി​ക്ഷേ​പം നേ​രി​ട്ടു. പി​ന്നീ​ട് ഓ​ട്ടോ​റി​ക്ഷ​ക്കു​ നേ​രെ ആ​ക്ര​മ​ണ​മാ​യി. 2005 ഡി​സം​ബ​ർ 30ന് ​ഓ​ട്ടോ​റി​ക്ഷ ക​ത്തി​ക്കു​ക​യും ചെ​യ്തു. അ​ന്നു മു​ത​ൽ സി.​പി.​എ​മ്മി​നെ​തി​രെ പ​ര​സ്യ​യു​ദ്ധം പ്ര​ഖ്യാ​പി​ച്ച് പോ​ര​ടി​ക്കു​ക​യാ​യി​രു​ന്നു ഇ​വ​ർ.