ആശുപത്രി അത്യാഹിത വിഭാഗത്തിലേക്ക് ഓട്ടോറിക്ഷ ഇടിച്ചുകയറി

ആലുവ: നിയന്ത്രണംവിട്ട ഓട്ടോറിക്ഷ ആശുപത്രി അത്യാഹിത വിഭാഗത്തിലേക്ക് ഇടിച്ചുകയറി. ആലുവ ജില്ല ആശുപത്രിയിൽ വ്യാഴാഴ്ച വൈകീട്ട് മൂന്നോടെയാണ് സംഭവം. രോഗിയെ ഇറക്കിയശേഷമാണ് ഓട്ടോറിക്ഷ മുന്നോട്ട് നീങ്ങിയത്. അത്യാഹിത വിഭാഗത്തിലെ ചില്ലുകൾ തകർത്ത്, അകത്തേക്ക് കയറുകയായിരുന്നു. അവിടെയുണ്ടായിരുന്നവർ ഓടിമാറിയതിനാൽ ആർക്കും പരിക്കില്ല.