എ.വി. ഗോപിനാഥ് കോൺഗ്രസ് വിട്ടു; ഒരു പാർട്ടിയിലേക്കും പോകുന്നില്ലെന്ന്

പാലക്കാട്: ഡി.സി.സി അധ്യക്ഷ നിയമനവുമായി ബന്ധപ്പെട്ട ഭിന്നതയെ തുടർന്ന് മുതിർന്ന നേതാവും മുൻ എം.എൽ.എയുമായ എ.വി. ഗോപിനാഥ് കോൺഗ്രസ് വിട്ടു. കോൺഗ്രസി​െൻറ മുന്നോട്ടുള്ള യാത്രയിൽ ഞാൻ തടസ്സക്കാരനാണോയെന്ന്​ സംശയമുള്ളതിനാലാണ് പാർട്ടിയുടെ പ്രാഥമികാംഗത്വം രാജിവെക്കുന്നതെന്നും ഹൈകമാൻഡ്​ തീരുമാനത്തോട് വിയോജിപ്പില്ലെന്നും ഗോപിനാഥ് വാർത്തസമ്മേളനത്തിൽ വ്യക്തമാക്കി.

കോൺ​ഗ്രസ് എന്ന പ്രസ്ഥാനത്തെ ഹൃദയത്തിൽ നിന്നിറക്കി​െവക്കാൻ സമയമെടുക്കും. സാഹചര്യങ്ങൾ പഠിച്ചശേഷം ഭാവി നടപടികൾ തീരുമാനിക്കും. ആരുടെയും അടുക്കളയിൽ എച്ചിൽ നക്കാൻ പോകില്ല. 43 വർഷം കോൺഗ്രസി​െൻറ ഉരുക്കുകോട്ടയായി പെരിങ്ങോട്ടുകുറിശ്ശിയെ നിലനിർത്തി.

മനസ്സിനെ തളർത്തുന്ന സാഹചര്യമായിരുന്നു എല്ലാ ദിവസവും. പ്രതീക്ഷക്കനുസരിച്ച് നേതാക്കൾക്ക് ഉയരാൻ കഴിയുന്നില്ല. നിരന്തര ചർച്ചകൾക്കുശേഷമാണ് പാർട്ടി വിടുകയെന്ന തീരുമാനത്തിലേക്ക് എത്തിയതെന്നും ഗോപിനാഥ്​ പറഞ്ഞു. ഒരു പാർട്ടിയിലേക്കും ഇപ്പോൾ പോകാൻ ഉദ്ദേശ്യമില്ല.

വിശദമായ വിശകലനങ്ങൾക്കും ആലോചനകൾക്കും ശേഷം ഭാവിതീരുമാനം പ്രഖ്യാപിക്കും. സി.പി.എം ഉൾ​െപ്പടെയുള്ള ഒരു പാർട്ടിയോടും അയിത്തമില്ല. അത്യുന്നതനായ നേതാവാണ്​ പിണറായി. ത​േൻറടമുള്ള മുഖ്യമന്ത്രിയെന്ന നിലയിൽ അദ്ദേഹത്തി​െൻറ ചെരുപ്പ്​ നക്കാൻ പോലും ​തനിക്ക്​ അഭിമാനമേയുള്ളൂവെന്നും പിണറായിയുടെ വേലക്കാരനായി എച്ചിലെടുത്ത്​ കഴിയാമെന്ന മുൻ എം.എൽ.എ അനിൽ അക്കരയുടെ വിമർശനത്തിന്​ മറുപടിയായി ഗോപിനാഥ്​ പറഞ്ഞു.

കോൺഗ്രസ്​ ഒറ്റക്ക്​ ഭരിക്കുന്ന പെരിങ്ങോട്ടുകുറുശ്ശി പഞ്ചായത്തി​െൻറ ഭരണം വിടില്ല. താനടക്കം കൈപ്പത്തി ചിഹ്നത്തിൽ മത്സരിച്ച 11 പഞ്ചായത്ത്​ അംഗങ്ങളും ഒറ്റക്കെട്ടാണ്​. ഭരണഘടനപരമായ പ്രശ്​നങ്ങൾ ഇല്ലാത്തിടത്തോളം മെംബർ സ്ഥാനം രാജിവെക്കുന്ന പ്രശ്​നമില്ലെന്നും ഗോപിനാഥ് വ്യക്തമാക്കി.

നിയമസഭ തെരഞ്ഞെടുപ്പിലെ സ്ഥാനാർഥി നിർണയവുമായി ബന്ധപ്പെട്ട്​ ഇടഞ്ഞ എ.വി. ഗോപിനാഥിനെ ഉമ്മൻ ചാണ്ടിയും കെ. സുധാകരനും ഇടപെട്ടാണ്​ അനുനയിപ്പിച്ചത്​​. ഡി.സി.സി അധ്യക്ഷ സ്ഥാനം നൽകാമെന്ന്​ ഇരുവരും അദ്ദേഹത്തിന്​ ഉറപ്പ്​ നൽകിയിരുന്ന​െത്ര. സാധ്യത പട്ടികയിൽ എ.വി. ഗോപിനാഥ്​, എ. തങ്കപ്പൻ, വി.ടി. ബൽറാം എന്നിവരുടെ പേരുകളാണ്​ കേട്ടിരുന്നത്​. ജില്ലയിലെ പ്രബലരായ ഒരുവിഭാഗം നേതാക്കൾ ഗോപിനാഥിന്​ എതിരായതോടെയാണ്​ തങ്കപ്പന്​ നറുക്ക്​ വീണത്​. മുൻ ആലത്തൂർ എം.എൽ.എ ആയിരുന്ന ഗോപിനാഥ്​, ദീർഘകാലം പെരിങ്ങോട്ടുകുറുശ്ശി പഞ്ചായത്ത്​ പ്രസിഡൻറും 2007 മുതൽ രണ്ടുവർ​ഷത്തോളം ഡി.സി.സി ​അധ്യക്ഷനുമായിരുന്നു.