ആയുഷ്മാൻ ഭാരത്​: സംസ്ഥാനം 3900 കോടി നൽകിയപ്പോൾ കേന്ദ്രത്തിന്റെ വക 777 കോടി മാത്രം, കുടിശ്ശിക 77 കോടിയിലേറെ

തി​രു​വ​ന​ന്ത​പു​രം: കാ​ത്തി​രി​പ്പി​ല്ലാ​തെ ആ​രോ​ഗ്യ​പ​രി​ര​ക്ഷ ഉ​ട​ൻ എ​ന്നു​ പ്ര​ഖ്യാ​പി​ച്ച്​ ന​ട​പ്പാ​ക്കി​യ ആ​യു​ഷ്മാ​ൻ ഭാ​ര​ത്​ പ​ദ്ധ​തി​യി​ലെ ​കേ​ന്ദ്ര​വാ​ദം ത​ള്ളി ക​ണ​ക്കു​ക​ൾ പു​റ​ത്തു​വി​ട്ട്​ ആ​രോ​ഗ്യ​വ​കു​പ്പ്. പ​ദ്ധ​തി​ക്ക്​ കേ​ന്ദ്രം ന​ൽ​കു​ന്ന​തി​നേ​ക്കാ​ൾ കൂ​ടു​ത​ൽ തു​ക ചെ​ല​വി​ട്ടി​ട്ടു​​ണ്ടെ​ന്നാ​ണ്​ സം​സ്ഥാ​ന സ​ർ​ക്കാ​ർ വാ​ദം. 3919 കോ​ടി രൂ​പ സം​സ്ഥാ​നം ന​ൽ​കി​യ​പ്പോ​ൾ കേ​ന്ദ്ര വി​ഹി​തം 777 കോ​ടി​യി​ൽ ഒ​തു​ങ്ങി.

ഈ ​ഇ​ന​ത്തി​ൽ ആ​ശു​പ​ത്രി​ക​ൾ​ക്ക്​ 1680 കോ​ടി രൂ​പ കു​ടി​ശ്ശി​ക ന​ൽ​കാ​നു​ണ്ടെ​ന്നു സ​ർ​ക്കാ​ർ​ സ​മ്മ​തി​ക്കു​ന്നു. 2019 ഏ​പ്രി​ൽ ഒ​ന്നി​നാ​ണ്​ ആ​യു​ഷ്മാ​ൻ ഭാ​ര​ത്​ പ്ര​ധാ​ന​മ​ന്ത്രി ജ​ൻ​യോ​ജ​ന പ​ദ്ധ​തി സം​സ്ഥാ​ന​ത്ത്​ ആ​രം​ഭി​ച്ച​ത്. കേ​ന്ദ്ര-സം​സ്ഥാ​ന സ​ർ​ക്കാ​റു​ക​ൾ ഒ​രു​മി​ച്ചാ​ണ്​ ചെ​ല​വ്​ വ​ഹി​ക്കു​ന്ന​ത്. ആ​ഗ​സ്റ്റ്​ 31 വ​രെ​യു​ള്ള ക​ണ​ക്കു​ പ്ര​കാ​രം 4709 കോ​ടി രൂ​പ​യാ​ണ്​ ആ​ശു​പ​ത്രി​ക​ൾ​ക്ക്​ ന​ൽ​കി​യ​ത്.​ പൊ​തു​പ്ര​വ​ർ​ത്ത​ക​ൻ രാ​ജു വാ​ഴ​ക്കാ​ല​ക്ക്​ ല​ഭി​ച്ച വി​വ​രാ​വ​കാ​ശ മ​റു​പ​ടി​യി​ലാ​ണ്​ ഈ ​വി​വ​ര​ങ്ങ​ൾ.

പ്ര​ധാ​ന​മ​ന്ത്രി​യു​ടെ പേ​രി​ലു​ള്ള​ പ​ദ്ധ​തി​യാ​ണെ​ങ്കി​ലും സം​സ്ഥാ​ന വി​ഹി​ത​മാ​ണ്​​ ആ​ശു​പ​ത്രി​ക​ൾ​ക്ക്​ കൂ​ടു​ത​ൽ ന​ൽ​കി​യ​തെ​ന്ന്​ ക​ണ​ക്കു​ക​ൾ വ്യ​ക്ത​മാ​ക്കു​ന്ന​ു. ആ​ഗ​സ്റ്റ്​ വ​രെ​യു​ള്ള ക​ണ​ക്ക്​ പ്ര​കാ​രം 1680 കോ​ടി രൂ​പ കു​ടി​ശ്ശി​ക​യു​ണ്ട്. അ​തി​ൽ 77.66 കോ​ടി കേ​ന്ദ്ര​ത്തി​ൽ​നി​ന്നു ല​ഭി​ക്കേ​ണ്ട​താ​ണ്​. നി​ല​വി​ൽ സം​സ്ഥാ​നം പ്ര​ത്യേ​ക അ​ക്കൗ​ണ്ട്​ വ​ഴി​യാ​ണ്​ ആ​യു​ഷ്മാ​ൻ പ​ദ്ധ​തി തു​ക ആ​ശു​പ​ത്രി​ക​ൾ​ക്ക്​ കൈ​മാ​റു​ന്ന​ത്. സ​ർ​ക്കാ​ർ- സ്വ​കാ​ര്യ മേ​ഖ​ല​യി​ല​ട​ക്ക​മു​ള്ള ആ​ശു​പ​ത്രി​ക​ൾ പ​ദ്ധ​തി​യി​ൽ ഉ​ൾ​പ്പെ​ട്ടി​ട്ടു​ണ്ട്.

ഇ​തി​നി​ടെ​യാ​ണ്​ 70ന് ​മു​ക​ളി​ലു​ള്ള​വ​ര്‍ക്ക് അ​ഞ്ചു​ല​ക്ഷം വ​രെ സൗ​ജ​ന്യ ചി​കി​ത്സ എ​ന്ന പ്ര​ഖ്യാ​പ​ന​വു​മാ​യി കേ​ന്ദ്രം പു​തി​യ ര​ജി​സ്​​ട്രേ​ഷ​ൻ ന​ട​പ​ടി​ക​ളി​ലേ​ക്ക്​ ക​ട​ന്ന​ത്. ഇ​പ്പോ​ൾ​ത​ന്നെ കേ​ന്ദ്ര​വി​ഹി​തം മു​ട​ങ്ങി​യ സാ​ഹ​ച​ര്യ​ത്തി​ൽ ആ​യു​ഷ്മാ​ൻ ഭാ​ര​ത്​ ഇ​രു​ട്ട​ടി​യാ​കു​മോ എ​ന്നാ​ണ്​ ആ​ശ​ങ്ക.