ബാലകൃഷ്ണ​െൻറ ദുരൂഹമരണം: അഭിഭാഷകയും ഭർത്താവും അറസ്​റ്റിൽ

പയ്യന്നൂർ: തളിപ്പറമ്പിലെ റിട്ട. സഹകരണ ​െഡപ്യൂട്ടി രജിസ്ട്രാർ പി. ബാലകൃഷ്ണ​​െൻറ ദുരൂഹമരണത്തിൽ പയ്യന്നൂരിലെ അഭിഭാഷക കെ.വി. ശൈലജയെയും ഭർത്താവ് പി. കൃഷ്ണകുമാറിനെയും തൃശൂർ ക്രൈം ഡിറ്റാച്ച്മ​െൻറ്​ ബ്യൂറോ അറസ്​റ്റ്​ ചെയ്തു. ചൊവ്വാഴ്ച രാവിലെ എ​േട്ടാടെയാണ് ഡിവൈ.എസ്.പി കെ.എഫ്. ഫ്രാൻസിസ് ഷെൽബിയുടെ നേതൃത്വത്തിലുള്ള അന്വേഷണസംഘം അഭിഭാഷകയുടെ തായിനേരിയിലെ വീട്ടിലെത്തി അറസ്​റ്റ്​ ചെയ്തത്. 

വ്യാജ വിവാഹ സർട്ടിഫിക്കറ്റുണ്ടാക്കി ബാലകൃഷ്ണ​​െൻറ സ്വത്തു തട്ടിയെടുത്ത കേസിൽ ശൈലജ, കൃഷ്ണകുമാർ, ശൈലജയുടെ സഹോദരി ജാനകി എന്നിവരെ പയ്യന്നൂർ പൊലീസ് അറസ്​റ്റ്​ ചെയ്തിരുന്നു. ജാനകിയെ പ്രായത്തി​​െൻറ പരിഗണന നൽകി പയ്യന്നൂർ കോടതി ജാമ്യത്തിൽവി​െട്ടങ്കിലും ശൈലജയെയും കൃഷ്ണകുമാറിനെയും റിമാൻഡ്​ ചെയ്തു. ഒരു മാസം മുമ്പാണ് ഇവർക്ക് ജാമ്യം അനുവദിച്ചത്.

പയ്യന്നൂർ പൊലീസ് നടത്തിയ അന്വേഷണത്തിൽ ബാലകൃഷ്ണനെ ജാനകി വിവാഹം ചെയ്തുവെന്ന അവകാശവാദം തെറ്റാണെന്ന് കണ്ടെത്തിയിരുന്നു.ഇതുസംബന്ധിച്ച് പയ്യന്നൂർ സി.ഐ എം.പി. ആസാദി​​െൻറ നേതൃത്വത്തിലുള്ള അന്വേഷണസംഘം പയ്യന്നൂരിലും തിരുവനന്തപുരത്തും കൊടുങ്ങല്ലൂരിലെ ആശുപത്രിയിലും നടത്തിയ അന്വേഷണത്തി​​െൻറ രേഖകൾ ജില്ല പൊലീസ് മേധാവി മുഖേന തൃശൂർ റൂറൽ എസ്.പി.ക്ക്​ കൈമാറിയിരുന്നു. ഇതേത്തുടർന്നാണ് ബാലകൃഷ്ണ​​െൻറ ദുരൂഹമരണം സംബന്ധിച്ച പുനരന്വേഷണം കൊടുങ്ങല്ലൂർ ​െപാലീസ് ആരംഭിച്ചത്. പിന്നീട് കേസ് മുഖ്യമന്ത്രിയുടെ നിർദേശപ്രകാരം ക്രൈം ഡിറ്റാച്ച്​മ​െൻറിന്​ കൈമാറുകയായിരുന്നു. മനപ്പൂർവമല്ലാത്ത നരഹത്യക്ക്​ കൃഷ്ണകുമാർ ഒന്നും ശൈലജ രണ്ടും പ്രതികളായാണ്​ കേസ് രജിസ്​റ്റർ ചെയ്തത്. അറസ്​റ്റിലായ പ്രതികളെ ബുധനാഴ്ച രാവിലെ കൊടുങ്ങല്ലൂർ ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കും.

വർഷങ്ങളായി തിരുവനന്തപുരം പേട്ടയിൽ താമസിച്ചിരുന്ന ബാലകൃഷ്ണനെ ജാനകിയുടെ ഭർത്താവാണെന്ന് നാട്ടുകാരെ വിശ്വസിപ്പിച്ച് പയ്യന്നൂരിലേക്ക് കൊണ്ടുവരുന്നവഴി കൊടുങ്ങല്ലൂരിൽ വെച്ചാണ് മരിക്കുന്നത്. മൃതദേഹം ബാലകൃഷ്ണ​​െൻറ ബന്ധുക്കളെ കാണിക്കാതെ ഷൊർണൂരിലെ പൊതുശ്മശാനത്തിൽ സംസ്​കരിക്കുകയായിരുന്നു.