കോണ്‍ഗ്രസ് നേതാവ്​  എ. ബാലറാം നിര്യാതനായി

കോ​ഴി​ക്കോ​ട്: മു​തി​ര്‍ന്ന കോ​ണ്‍ഗ്ര​സ് നേ​താ​വ്​ എ. ​ബാ​ല​റാം (79) നി​ര്യാ​ത​നാ​യി. ശ​നി​യാ​ഴ്​​ച വൈ​കീ​ട്ട് അ​ഞ്ചോ​ടെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലാ​യി​രു​ന്നു അ​ന്ത്യം. ഒ​രാ​ഴ്ച​യി​ല​ധി​ക​മാ​യി ചി​കി​ത്സ​യി​ലാ​യി​രു​ന്നു. മൂ​ന്ന് നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ല്‍ യു.​ഡി.​എ​ഫ് സ്ഥാ​നാ​ർ​ഥി​യാ​യി ജ​ന​വി​ധി തേ​ടി​യി​ട്ടു​ണ്ട്. കോ​ണ്‍ഗ്ര​സ് നേ​തൃ​നി​ര​യി​ലെ പ്ര​മു​ഖ​നാ​യി​രു​ന്ന ബാ​ല​റാം ദീ​ര്‍ഘ​കാ​ലം കോ​ഴി​ക്കോ​ട് ജി​ല്ല കോ​ണ്‍ഗ്ര​സ് ജ​ന​റ​ല്‍ സെ​ക്ര​ട്ട​റി​യാ​യും തു​ട​ര്‍ന്ന് കെ.​പി.​സി.​സി നി​ർ​വാ​ഹ​ക സ​മി​തി അം​ഗ​മാ​യും പ്ര​വ​ര്‍ത്തി​ച്ചു. 1981ലും 1991​ലും കു​ന്ദ​മം​ഗ​ലം നി​യോ​ജ​ക​മ​ണ്ഡ​ല​ത്തി​ലും 2011ല്‍ ​ബാ​ലു​ശ്ശേ​രി​യി​ലു​മാ​ണ്​ മ​ത്സ​രി​ച്ച​ത്.

പ്ര​ഥ​മ ജി​ല്ല കൗ​ണ്‍സി​ല്‍ അം​ഗ​മാ​യി തെ​ര​ഞ്ഞെ​ടു​ക്ക​പ്പെ​ട്ട ബാ​ല​റാം കു​ന്ദ​മം​ഗ​ലം ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി അം​ഗം, ജി​ല്ല പ​ഞ്ചാ​യ​ത്ത് ഭ​ര​ണ​സ​മി​തി അം​ഗം തു​ട​ങ്ങി​യ നി​ല​ക​ളി​ലും പ്ര​വ​ര്‍ത്തി​ച്ചി​ട്ടു​ണ്ട്. ആ​ർ.​ടി.​എ അം​ഗം, ഡി.​ആ​ർ.​ഡി.​എ ഗ​വേ​ണി​ങ്​ ബോ​ര്‍ഡ്​ അം​ഗം, ടെ​ലി​ഫോ​ണ്‍ ഉ​പ​ദേ​ശ​ക സ​മി​തി അം​ഗം, പ​ട്ടി​ക​ജാ​തി വി​ക​സ​ന കോ​ർ​പ​റേ​ഷ​ന്‍ ഡ​യ​റ​ക്ട​ർ, പ​ട്ടി​ക​ജാ​തി-​വ​ര്‍ഗ ഉ​പ​ദേ​ശ​ക സ​മി​തി അം​ഗം എ​ന്നീ നി​ല​ക​ളി​ല്‍ വി​വി​ധ കേ​ന്ദ്ര -സം​സ്ഥാ​ന ബോ​ര്‍ഡു​ക​ളി​ലും കോ​ർ​പ​റേ​ഷ​നു​ക​ളി​ലും അം​ഗ​മാ​യി​രു​ന്നു. ഭാ​ര​തീ​യ അ​ധഃ​കൃ​ത​വ​ര്‍ഗ ലീ​ഗ്, ദ​ലി​ത് കോ​ണ്‍ഗ്ര​സ് എ​ന്നി​വ​യു​ടെ സം​സ്ഥാ​ന ഭാ​ര​വാ​ഹി​യാ​യും പ്ര​വ​ര്‍ത്തി​ച്ചു. മൃ​ത​ദേ​ഹം ഡി.​സി.​സി ഓ​ഫി​സി​ല്‍ പൊ​തു​ദ​ര്‍ശ​ന​ത്തി​നു വെ​ച്ചു. 

ഭാ​ര്യ: ജാ​ന​കി. മ​ക്ക​ൾ: റീ​ന, റി​ജേ​ഷ് റാം, ​റി​നീ​ഷ്ബാ​ൽ. മ​രു​മ​ക്ക​ൾ: ശ​ങ്ക​ര​ൻ, അ​പ​ര്‍ണ. സ​ഹോ​ദ​ര​ങ്ങ​ള്‍: സു​നി​തി, സു​ശീ​ല, റീ​ന. സം​സ്​​കാ​രം ഞാ​യ​റാ​ഴ്​​ച വൈ​കീ​ട്ട് മൂ​ന്നി​ന് കു​ന്ദ​മം​ഗ​ലം പ​തി​മം​ഗ​ല​ത്തെ ത​റ​വാ​ട് വീ​ട്ടു​വ​ള​പ്പി​ൽ.