ഡാം തുറക്കുന്നത് കാണാൻ ഇടുക്കിയിലേക്ക് വരേണ്ട; സെൽഫിക്കും വിലക്ക്

തൊടുപുഴ: ഇടുക്കി അണക്കെട്ട് തുറക്കുന്ന കാഴ്ച കാണാനെത്തുന്ന വിനോദ സഞ്ചാരികൾക്ക് നിയന്ത്രണമേർപ്പെടുത്തണമെന്ന്​ നിർദേശം. ദുരന്ത നിവാരണ അതോറിറ്റിയാണ്​ ഇടുക്കി ജില്ലാഭരണകൂടത്തിന്​ നിർദേശം നൽകിയത്​. അണക്കെട്ട്​ തുറക്കുമ്പോൾ ജലനിരപ്പ്​ ഉയരാനിടയുള്ള മരിയാപുരം, വാഴത്തോപ്പ്​, കൊന്നത്തടി, കഞ്ഞിക്കുഴി, വാത്തുക്കുടി എന്നീ അഞ്ചു പഞ്ചായത്തുകളിൽ​ വിനോദ സഞ്ചാരം വിലക്കാനാണ് നിർദേശം.

അണക്കെട്ട്​ തുറക്കുമ്പോൾ നദീ തീരത്തോ പാലത്തിലോ ആളുകളെ കൂടി നിൽക്കാൻ അനുവദിക്കരുത്​. നദീതീരത്തിന്​ 100 മീറ്റർ ദൂര പരിധിയിലേക്ക്​ ആളുകളെ പ്രവേശിക്കാൻ അനുവദിക്കരുത്​. വെള്ളം ഉയരുമ്പോൾ സെൽഫിയോ ചിത്രങ്ങളോ എടുക്കാൻ അനുവദിക്കരുതെന്നും ഇത്തരം പ്രവർത്തികൾ ചെയ്യുന്നവർ​െക്കതിരെ നടപടികളെടുക്കാനും നിർദേശമുണ്ട്​. 

അണക്കെട്ട് നേരത്തെ തുറന്നേക്കും
ഇടുക്കി അണക്കെട്ട് നേരത്തെ തുറന്നേക്കുമെന്ന് റോഷി അഗസ്റ്റിൻ എം.എൽ.എ. 2397 അടിയിൽ 40 സ​​​​​​െൻറീമീറ്ററാണ് ഷട്ടർ തുറക്കുക. മൂന്നു മുതൽ നാലു മണിക്കൂർ വരെയായിരിക്കും ആദ്യഘട്ടം. ഇതിന് മുമ്പായി ജനങ്ങൾക്ക് ഉച്ചക്ക് മുമ്പ് നോട്ടീസ് നൽകുകയുംചെറു പാലങ്ങളിലെ ഗതാഗതം നിയന്ത്രിക്കുകയും ചെയ്യും. ഷട്ടർ തുറക്കും മുമ്പ് ദുരിതാശ്വസ ക്യാമ്പുകൾ തുറക്കുമെന്നും അദ്ദേഹം വ്യക്തമാക്കി.

ചെറുതോണി: സേനയും സജ്ജം
തി​രു​വ​ന​ന്ത​പു​രം: ചെ​റ​ു​തോ​ണി ഡാ​മി​​​െൻറ ഷ​ട്ട​ർ തു​റ​ക്കു​ന്ന​തു​മാ​യി ബ​ന്ധ​പ്പെ​ട്ട​ അ​ടി​യ​ന്ത​ര സാ​ഹ​ച​ര്യം നേ​രി​ടാ​ൻ ക​ര-​നാ​വി​ക-​വ്യോ​മ​സേ​ന സ​ജ്ജം. ദു​ര​ന്ത​നി​വാ​ര​ണ അ​തോ​റി​റ്റി നി​ർ​ദേ​ശ​പ്ര​കാ​ര​മാ​ണ്​ ന​ട​പ​ടി. വ്യോ​മ​സേ​ന ഹെ​ലി​കോ​പ്ട​ർ അ​ട​ക്കം വി​ന്യ​സി​ക്കാ​ൻ സ​ജ്ജ​മാ​യി​ട്ടു​ണ്ട്​. എ​റ​ണാ​കു​ളം ജി​ല്ല​യു​ടെ താ​ഴ്​​ന്ന പ്ര​ദേ​ശ​ങ്ങ​ളി​ൽ ചെ​റു​ബോ​ട്ടു​ക​ൾ വി​ന്യ​സി​ക്കാ​ൻ അ​തി​ർ​ത്തി​ര​ക്ഷാ​സേ​ന​യും രം​ഗ​ത്തു​ണ്ട്​. ദേ​ശീ​യ ദു​ര​ന്ത​നി​വാ​ര​ണ സേ​ന​യു​ടെ ​ഒാ​രോ സം​ഘം വീ​തം എ​റ​ണാ​കു​ള​ത്തും  തൃ​ശൂ​രും ഇ​ടു​ക്കി​യി​ലു​മു​ണ്ട്​.