ശ്രദ്ധിക്കുക! മാർച്ചിലെ ഈ ദിവസങ്ങളിൽ ബാങ്കുകൾ പ്രവർത്തിക്കില്ല

കൊച്ചി: സംസ്ഥാന​ത്ത് മാർച്ച് മാസം നാലുദിവസങ്ങളിൽ തുടർച്ചയായി ബാങ്കുകളുടെ പ്രവർത്തനം തടസ്സപ്പെടും. മാർച്ച് 22 നാലാം ശനിയാഴ്ചയായതിനാൽ ബാങ്കുകൾ സ്വാഭാവികമായും പ്രവർത്തിക്കില്ല. മാർച്ച് 23 ഞായറാഴ്ചയാണ്. മാർച്ച് 24, 25 തീയതികളിൽ യുനൈറ്റഡ് ഫോറം ഓഫ് ബാങ്ക് യൂനിയൻസിന്റെ(യു.എഫ്.ബി.യു)നേതൃത്വത്തിൽ രാജ്യവ്യാപകമായി പണിമുടക്ക് പ്രഖ്യാപിച്ചിരിക്കുകയാണ്.

ഈ സാഹചര്യത്തിൽ മാർച്ച് 22, 23, 24,25 തീയതികളിൽ നാലു ദിവസം ബാങ്കുകൾ തുടർച്ചയായി അടഞ്ഞു കിടക്കുകയോ ഇടപാടുകൾ തടസ്സപ്പെടുകയോ ചെയ്യും. കൂടാതെ മാർച്ച് 30 ഞായറാഴ്ചയായതിനാൽ ബാങ്കുകൾ പ്രവർത്തിക്കില്ല. മാർച്ച് 31ന് ഈദുൽ ഫിത്വർ പ്രമാണിച്ച് ബാങ്കുകൾക്ക് അവധിയായിരിക്കും. അതിനാൽ ഈ അവധി ദിനങ്ങൾ കണക്കിലെടുത്ത് ബാങ്ക് ഇടപാടുകാർ വേണ്ട മുൻ കരുതലുകൾ സ്വീകരിക്കണമെന്നാണ് നിർദേശം.