പന്തളം എൻ.എസ്.എസ് കോളജിൽ ഗവർണറെ അനുകൂലിച്ചും പ്രതികൂലിച്ചും ബാനറുകൾ, കോലം കത്തിച്ച് എസ്.എഫ്.ഐ

പന്തളം : പന്തളം എൻ.എസ്.എസ് കോളജിൽ ഗവർണർ ആരിഫ് മുഹമ്മദ് ഖാനെ അനുകൂലിച്ചും പ്രതികൂലിച്ചും ബാനറുകൾ. ഇതിനിടെ, ഗവർണറുടെ കോലം എസ്.എഫ്.​െഎ പ്രവർത്തകർ കത്തിച്ചു. സംഘർഷാവസ്ഥ കണക്കിലെടുത്ത് പൊലീസ് വൻ സുരക്ഷ ഒരുക്കി. ആരിഫ് മുഹമ്മദ് ഖാന് എതിരെ ആദ്യം എസ്.എഫ്.ഐയുടെ ബാനറാണ് പ്രത്യക്ഷപ്പെട്ടത്. ബാനർ നീക്കണമെന്ന് എ.ബി.വി.പി ആവശ്യപ്പെട്ടതോടെ കോളജ് ക്യാമ്പസിൽ സംഘർഷവസ്ഥ ഉടലെടുത്തു. തുടർന്ന് പന്തളം പൊലീസ് സ്ഥലത്തെത്തി. കോളജി​െൻറ പ്രധാന ഗേറ്റിൽ എം.സി റോഡ് അരികിലായി എസ്.എഫ്.ഐ യുടെ ബാനർ ആദ്യം ഉയർന്നത്.

മസ്തിഷ്കത്തിന് പകരം പേറുന്നത് മനുസ്മൃതിയെങ്കിൽ ഗവർണറിന് ഭരണഘടന പഠിപ്പിക്കുമെന്നായിരുന്നു എസ്.എഫ്.ഐയുടെ ബാനർ. ബാനർ നീക്കാൻ എസ്എഫ്ഐ കൂട്ടാക്കാതിരുന്നതോടെ എ.ബി.വി.പിയുടെ ബാനറും കോളജി​െൻറ പ്രധാന ഗേറ്റിൽ ഉയർത്തി. നട്ടെല്ലുള്ളൊരു ചാൻസൽക്ക് എ.ബി.വി.പിയുടെ ഐക്യദാർഢ്യം എന്നായിരുന്നു ബാനറി​െൻറ ഉള്ളടക്കം, ചേരിതിരിഞ്ഞ് ബാനർ ഉയർന്നതോടെ ചെറിയതോതിൽ സംഘർഷാവസ്ഥ ഉടലെടുത്തു.

പൊലീസ് എത്തി സ്ഥിതി നിയന്ത്രണ വിധേയമാക്കി. ഉച്ചയോടെ എസ്.എഫ്.ഐ പ്രവർത്തകർ കോളജിന് സമീപത്തെ ഗേറ്റിനു മുമ്പിൽ ഗവർണർ ആരിഫ് മുഹമ്മദ് ഖാ​െൻറ കോലം കത്തിച്ചു. പന്തളം എൻ.എസ്.എസ് കോളേജിലെ എ.ബി.വി.പി പ്രവർത്തകരായ മാളവിക ഉദയരെയും സുധിയെയും കേരള യൂണിവേഴ്സിറ്റി സെനറ്റ് മെമ്പർമാരായി ഗവർണർ ആരിഫ് മുഹമ്മദ് ഖാൻ നോമിനിറ്റ് ചെയ്തിരുന്നു. പിന്നീട് കോടതിവിധി അടിസ്ഥാനത്തിൽ മരവിപ്പിച്ചിരിക്കുകയാണ്.