ബാർ കോഴക്കേസ്: ഹൈകോടതി വിശദമായ വാദം കേൾക്കും

കൊച്ചി: മുൻധനമന്ത്രി കെ.എം മാണിക്കെതിരായ ബാർ കോഴക്കേസിൽ തുടർ അന്വേഷണത്തിന് സർക്കാർ അനുമതി ആവശ്യമുണ്ടോ എന്ന കാര്യത്തിൽ ഹൈകോടതി വിശദമായ വാദം കേൾക്കും. അന്വേഷണം തുടങ്ങാത്ത സാഹചര്യത്തിൽ കേസ് റദ്ദാക്കണം എന്ന ​മാണിയുടെ ഹരജിക്ക്​ പ്രസക്തി ഇല്ലെന്നു കോടതി നിരീക്ഷിച്ചു.

തുടരന്വേഷണത്തിനുള്ള തീരുമാനം ഹൈകോടതിക്ക് വിട്ടുള്ള ഗവർണറുടെ കത്ത് വിജിലൻസ് കോടതിക്ക് കൈമാറി. കേസ് ജനവരി 5ന് വീണ്ടും പരിഗണിക്കും.