ബാർ കോഴക്കേസിൽ ഇപ്പോൾ സി.ബി.​െഎ അന്വേഷണം വേ​െണ്ടന്ന്​ ​ൈഹകോടതി

കൊച്ചി: മുൻമന്ത്രി കെ.എം. മാണി ഉൾപ്പെട്ട ബാർ കോഴക്കേസിൽ ഇപ്പോൾ സി.ബി.ഐ അന്വേഷണം ആവശ്യമില്ലെന്ന്​ ഹൈകോടതി. ശരിയായ അന്വേഷണം നടക്കാത്തതിനാൽ സി.ബി.​െഎക്ക്​ വിടണമെന്നാവശ്യപ്പെട്ട്​ ബി.ജെ.പി നേതാവ് നോബിൾ മാത്യു നൽകിയ ഹരജി തള്ളിയാണ്​ കോടതിയുടെ നിരീക്ഷണം. വിജിലൻസ് ഉടൻ കോടതിയിൽ റിപ്പോർട്ട് നൽകുമെന്ന് സർക്കാർ അറിയിക്കുകയും ചെയ്​തു. അന്വേഷണത്തിൽ പരാതിയുണ്ടെങ്കിൽ അന്തിമ റിപ്പോർട്ട് കീഴ്​കോടതിയിൽ സമർപ്പിക്കുമ്പോൾ അവിടെ സമീപിക്കാമെന്നും കേസുമായി നേരിട്ട് ബന്ധമില്ലാത്തതിനാൽ ഹരജിക്കാര​​​​െൻറ വാദം ഇപ്പോൾ പരിഗണിക്കുന്നില്ലെന്നും കോടതി വ്യക്തമാക്കി.

ബാർ ലൈസൻസ് പുതുക്കിനൽകാൻ മന്ത്രിയായിരിക്കെ കെ.എം. മാണി കോഴ വാങ്ങിയെന്ന ബിജു രമേശി​​​​െൻറ ആരോപണമാണ് കേസിന് അടിസ്ഥാനം. വിജിലൻസ് അന്വേഷിച്ച്​ ആരോപണത്തിൽ കഴമ്പില്ലെന്ന് വ്യക്തമാക്കി റിപ്പോർട്ട് നൽകിയെങ്കിലും തിരുവനന്തപുരം വിജിലൻസ് കോടതി ഇതു തള്ളി തുടരന്വേഷണത്തിന് ഉത്തരവിട്ടു. വീണ്ടും ഇതേ റിപ്പോർട്ട് വിജിലൻസ് നൽകി. ഇത്​ കോടതി പരിഗണിക്കാനിരിക്കെ അന്വേഷണം ശരിയായ ദിശയിലല്ലെന്നാരോപിച്ച് അന്വേഷണ ഉദ്യോഗസ്ഥൻതന്നെ കോടതിയെ സമീപിച്ചു. ഇൗ സാഹചര്യത്തിൽ വിജിലൻസ് അന്വേഷണത്തിൽ പൊതുജനത്തിന് വിശ്വാസമില്ലെന്ന്​ ചൂണ്ടിക്കാട്ടിയാണ് ഹരജിക്കാരൻ സി.ബി.​െഎ അന്വേഷണം ആവശ്യപ്പെട്ടത്​.