25 കുട്ടികൾ ഇല്ലാത്ത ബാച്ചുകളെ ഒഴിവാക്കി ഹയർസെക്കൻഡറികളിൽ തസ്തിക നിർണയം; അറബി തസ്തികക്ക്​ 10​ കുട്ടികൾ മതി

തി​രു​വ​ന​ന്ത​പു​രം: സം​സ്ഥാ​ന​ത്തെ സ​ർ​ക്കാ​ർ, എ​യ്​​ഡ​ഡ്​ ഹ​യ​ർ​സെ​ക്ക​ൻ​ഡ​റി സ്കൂ​ളു​ക​ളി​ൽ 25ൽ ​താ​ഴെ വി​ദ്യാ​ർ​ഥി​ക​ളു​ള്ള ബാ​ച്ചു​ക​ൾ ഒ​ഴി​വാ​ക്കി ത​സ്തി​ക നി​ർ​ണ​യ​ത്തി​ന്​ സ​ർ​ക്കാ​ർ ഉ​ത്ത​ര​വ്. പ്ല​സ്​ വ​ണി​ലും പ്ല​സ്​ ടു​വി​ലും ഒ​രു​പോ​ലെ 25ൽ ​താ​ഴെ വി​ദ്യാ​ർ​ഥി​ക​ളു​ള്ള ബാ​ച്ചു​ക​ളെ ഒ​ഴി​വാ​ക്കും. ത​സ്തി​ക സൃ​ഷ്ടി​ച്ചു ക​ഴി​ഞ്ഞ ബാ​ച്ചു​ക​ളി​ലെ​ല്ലാം 1991ലെ ​സ​ർ​ക്കാ​ർ ഉ​ത്ത​ര​വ്​ പ്ര​കാ​രം മി​നി​മം 25 കു​ട്ടി​ക​ൾ വേ​ണ​മെ​ന്ന നി​ല​യി​ൽ ത​സ്തി​ക ക​ണ​ക്കാ​ക്ക​ണം. കു​ട്ടി​ക​ൾ കു​റ​ഞ്ഞ​തി​നെ തു​ട​ർ​ന്ന്​ മ​റ്റ്​ സ്കൂ​ളു​ക​ളി​ലേ​ക്ക്​ ട്രാ​ൻ​സ്ഫ​ർ ചെ​യ്ത 38 ബാ​ച്ചു​ക​ൾ ഉ​ണ്ടാ​യി​രു​ന്ന സ്​​കൂ​ളു​ക​ളി​ലെ ത​സ്തി​ക​ക​ൾ പു​ന​ർ​നി​ർ​ണ​യി​ക്ക​ണ​മെ​ന്നും ഇ​തു​സം​ബ​ന്ധി​ച്ച മാ​ർ​ഗ​നി​ർ​ദേ​ശ​ങ്ങ​ൾ അ​ട​ങ്ങി​യ ഉ​ത്ത​ര​വി​ൽ പ​റ​യു​ന്നു.

ത​സ്​​തി​ക സൃ​ഷ്ടി​ച്ച സ്കൂ​ളു​ക​ളി​ലെ ഉ​പ​ഭാ​ഷ ത​സ്തി​ക​ക​ളി​ലെ ഏ​റ്റ​ക്കു​റ​ച്ചി​ലു​ക​ൾ ക​ണ​ക്കാ​ക്കു​മ്പോ​ൾ മാ​ർ​ജി​ന​ൽ സീ​റ്റ്​ വ​ർ​ധ​ന​യി​ലൂ​ടെ പ്ര​വേ​ശ​നം നേ​ടി​യ വി​ദ്യാ​ർ​ഥി​ക​ളു​ടെ എ​ണ്ണ​വും പ​രി​ഗ​ണി​ക്ക​ണം. 1998ലെ ​സ​ർ​ക്കാ​ർ ഉ​ത്ത​ര​വ്​ പ്ര​കാ​രം അ​റ​ബി​ക്​ ഉ​പ​ഭാ​ഷ​യു​ടെ ത​സ്തി​ക നി​ർ​ണ​യ​ത്തി​ന്​ മി​നി​മം വി​ദ്യാ​ർ​ഥി​ക​ളു​ടെ എ​ണ്ണം 10 ആ​യി പ​രി​ഗ​ണി​ക്കാ​നും ഉ​ത്ത​ര​വി​ൽ നി​ർ​ദേ​ശി​ച്ചി​ട്ടു​ണ്ട്.

2019 ഡി​സം​ബ​ർ 16ന്​ ​പൊ​തു​വി​ദ്യാ​ഭ്യാ​സ വ​കു​പ്പ്​ ന​ൽ​കി​യ ക​ത്തി​ലൂ​ടെ അ​റ​ബി ഉ​പ​ഭാ​ഷ അ​ധ്യാ​പ​ക ത​സ്തി​ക സൃ​ഷ്ടി​ക്കാ​ൻ 25 കു​ട്ടി​ക​ൾ വേ​ണ​മെ​ന്ന നി​ബ​ന്ധ​ന കൊ​ണ്ടു​വ​ന്നി​രു​ന്നു. മ​റ്റ്​ ഉ​പ​ഭാ​ഷ​ക​ൾ​ക്ക്​ ത​സ്തി​ക സൃ​ഷ്ടി​ക്കാ​ൻ 10​ കു​ട്ടി​ക​ൾ മ​തി​യെ​ന്നി​രി​ക്കെ അ​റ​ബി​ക്കി​ന്​ മാ​ത്രം 25 കു​ട്ടി​ക​ൾ വേ​ണ​മെ​ന്ന വ്യ​വ​സ്ഥ കൊ​ണ്ടു​വ​ന്ന​ത്​ നി​യ​മ​സ​ഭ​യി​ൽ ഉ​ൾ​പ്പെ​ടെ ചോ​ദ്യം ചെ​യ്യ​പ്പെ​ട്ടി​രു​ന്നു. സം​സ്ഥാ​ന​ത്തെ 129 ഹ​യ​ർ​സെ​ക്ക​ൻ​ഡ​റി​ക​ളി​ൽ 129 ബാ​ച്ചു​ക​ൾ 25ൽ ​താ​ഴെ കു​ട്ടി​ക​ളു​മാ​യി നി​ല​വി​ലു​ണ്ട്. ഈ ​സ്കൂ​ളു​ക​ളി​ലെ അ​ധ്യാ​പ​ക​രെ ത​സ്തി​ക നി​ർ​ണ​യം പ്ര​തി​കൂ​ല​മാ​യി ബാ​ധി​ക്കും.