ബത്തേരിയിൽ യു.ഡി.എഫ് റിലേ സമരം

സുൽത്താൻ ബത്തേരി: നഗരസഭ പരിധി കണ്ടെയ്​ൻമ​െൻറ് സോണാക്കി പ്രഖ്യാപിച്ചതിനു പിന്നാലെ ഉടലെടുത്ത രാഷ്​ട്രീയ കൊമ്പുകോർക്കൽ തുടരുന്നു. നഗരസഭ ഭരണസമിതിക്കെതിരെ യു.ഡി.എഫ് വെള്ളിയാഴ്ച റിലേസമരം തുടങ്ങി. പ്രതിരോധവുമായി നഗരസഭ ചെയർമാനും രംഗത്തുണ്ട്. നഗരസഭ പരിധി മുഴുവനും ഉൾപ്പെടുന്ന രീതിയിൽ അശാസ്ത്രീയമായ കണ്ടെയ്​ൻമ​െൻറ് സോൺ പ്രഖ്യാപനം പിൻവലിക്കണമെന്നും കോവിഡ് ബാധിതരുമായി സമ്പർക്കത്തിലേർപ്പെട്ട ചെയർമാൻ ക്വാറൻറീനിൽ പോകണമെന്നും ആവശ്യപ്പെട്ടാണ് യു.ഡി.എഫ് കൗൺസിലർമാർ അനിശ്ചിതകാല റിലേ സമരം തുടങ്ങിയത്.

മുനിസിപ്പൽ ഓഫിസിനു മുന്നിലാണ് സമരം. കോവിഡ് ബാധിത പ്രദേശമായ പൂളവയലിൽനിന്ന് അര കിലോമീറ്റർ പോലുമില്ലാത്ത പ്രദേശങ്ങൾ കണ്ടെയ്മ​െൻറിൽ ഉൾപ്പെടുത്താതെ ഏഴു കിലോമീറ്റർ അകലെയുള്ള കൊളഗപ്പാറയും ചെതലയവുമൊക്കെ സോണിൽ ഉൾപ്പെടുത്തിയത് അശാസ്ത്രീയമാണ്. നഗരം മുഴുവൻ അടച്ചിടാനുള്ള മുനിസിപ്പൽ ചെയർമാ​െൻറ നിർദേശം വ്യാപാരികളെയും പൊതുസമൂഹത്തെയും ദുരിതത്തിലാഴ്ത്തിയെന്നും യു.ഡി.എഫ് നേതാക്കൾ പറഞ്ഞു. എൻ.എം. വിജയൻ സമരം ഉദ്ഘാടനം ചെയ്തു. പി.പി. അയ്യൂബ്, അഡ്വ. ആർ. രാജേഷ് കുമാർ, ബിന്ദു സുധീർ ബാബു, ബൾക്കീസ് ഷൗക്കത്ത് എന്നിവർ സംസാരിച്ചു.

അതേസമയം, യു.ഡി.എഫ് ആഗ്രഹിക്കുന്നത് ത​​െൻറ രാഷ്​ട്രീയ ക്വാറൻറീനാണെന്ന് നഗരസഭ ചെയർമാൻ ടി.എൽ. സാബു പ്രതികരിച്ചു. കോവിഡ് ബാധിച്ച അതിഥി തൊഴിലാളികളുമായി ഒരു സമ്പർക്കവുമുണ്ടാകാത്ത താൻ ക്വാറൻറീനിൽ പോകണമെന്ന് പറയുന്നതിൽ കാര്യമില്ല. രോഗം ബാധിച്ച തൊഴിലാളികൾ ടൗണിലും മറ്റും സഞ്ചരിച്ചിട്ടുണ്ട്. ആരോഗ്യവകുപ്പി​െൻറ നിർദേശത്തി​െൻറ അടിസ്ഥാനത്തിലാണ് എല്ലാ വാർഡുകളും കണ്ടെയ്​ൻമ​െൻറ് സോണാക്കിയത്. ആരോപണങ്ങൾ ഉന്നയിച്ചുതന്നെ രാഷ്​ട്രീയ ക്വാറൻറീനിലാക്കാനുള്ള യു.ഡി.എഫ് ശ്രമം ദിവാസ്വപ്നമാണെന്നും അദ്ദേഹം പറഞ്ഞു.