സി.പി.എമ്മിനെ ഭയപ്പെടുത്തി കീഴ്​പ്പെടുത്താമെന്ന്​ ആർ.എസ്​.എസ്​ കരുതേണ്ട -കോടിയേരി

കോഴിക്കോട്​: സി.പി.എമ്മിനെ ഭയപ്പെടുത്തി കീഴ്​പ്പെടുത്താമെന്ന്​ ആർ.എസ്​.എസ്​ കരുതേണ്ടെന്ന്​ പാർട്ടി സംസ്​ഥാന സെക്രട്ടറി കോടിയേരി ബാലകൃഷ്​ണൻ. ഫാഷിസത്തെ പ്രതിരോധിക്കുന്നത്​ അവരോടുള്ള ഭയം മൂലമല്ല. ജനാധിപത്യരീതിയിൽ പ്രവർത്തിക്കാൻ തങ്ങളെ  അനുവദിക്കാതിരിക്കു​േമ്പാൾ ആർ.എസ്​.എസി​​​​െൻറ തോക്കിനും ദണ്ഡിനും മുന്നിൽ ഒളിച്ചിരിക്കാനാവില്ല. സംസ്​ഥാന സെക്ര​േട്ടറിയറ്റ്​ യോഗ തീരുമാനങ്ങൾ വാർത്തസമ്മേളനത്തിൽ വിശദീകരിക്കുകയായിരുന്നു അദ്ദേഹം. 

പോളിറ്റ്ബ്യൂറോ ആഹ്വാനംചെയ്​ത ദേശീയതലത്തിലെ പ്രതിഷേധ പരിപാടിയുടെ ഭാഗമായി ഒക്​ടോബർ ഒമ്പതിന്​ സംസ്​ഥാനത്ത്​ മലപ്പുറം  ഒഴികെ ജില്ല കേന്ദ്രങ്ങളിൽ ഫാഷിസത്തിനെതിരെ ബഹുജന കൂട്ടായ്​മ സംഘടിപ്പിക്കും. വേങ്ങര ഉപതെരഞ്ഞെടുപ്പ്​ കാരണമാണ്​ മലപ്പുറത്തെ  ഒഴിവാക്കിയത്​. ഫാഷിസ്​റ്റ്​ ഭീഷണി നേരിടുന്ന ദലിത്​, പിന്നാക്ക വിഭാഗങ്ങൾക്കുൾപ്പെടെ പരിപാടിയുമായി സഹകരിക്കാം. പ്രമുഖ വ്യക്​തികളെയും  സാംസ്​കാരിക നേതാക്കളെയും അണിനിരത്തും. ദേശീയതലത്തിൽ സി.പി.എമ്മിന്​ മാത്രമായി ഫാഷിസത്തെ ചെറുക്കാൻ  സാധ്യമല്ലെന്നിരിക്കെ ആരുമായും സഹകരിക്കാൻ സി.പി.എം തയാറാണ്​. എന്നാൽ, ഇതി​​​​െൻറ പേരിൽ കോൺഗ്രസുമായി രാഷ്​ട്രീയ  കൂട്ടുകെട്ടുണ്ടാക്കുക അസാധ്യമാണ്​. സാമ്പത്തിക വിഷയത്തിൽ ഉൾപ്പെടെ നയപരമായ ഭിന്നതയുള്ളവർക്കൊപ്പം ഭരണനിർവഹണം  പ്രായോഗികമല്ല. ആർ.എസ്​.എസിനെ ഒറ്റപ്പെടുത്താൻ കോൺഗ്രസിനാവില്ലെന്ന്​ മുമ്പത്തെ യു.പി.എ പരീക്ഷണത്തിൽതന്നെ വ്യക്​തമായതാണെന്നും ചോദ്യത്തിന്​ മറുപടിയായി കോടിയേരി വിശദീകരിച്ചു.

ഒക്​ടോബർ 15 മുതൽ നവംബർ 15വരെ സി.പി.എം ലോക്കൽ സമ്മേളനങ്ങളുടെ ഭാഗമായി ശക്​തമായ ഫാഷിസ്​റ്റ്​ വിര​ുദ്ധ പ്രചാരണം നടത്തും.  വർഗീയ വിരുദ്ധ പ്രഭാഷണങ്ങളും പ്രദർശനങ്ങളും സംഘടിപ്പിക്കും. ലഘുലേഖ വിതരണവും വീടുകൾ കയറിയുള്ള  പ്രചാരണവുമുണ്ടാകും. ഡൽഹിയിൽ സി.പി.എമ്മി​​​​െൻറ കേന്ദ്രകമ്മിറ്റി ഒാഫീസ്​ സ്​തംഭിപ്പിക്കാനാണ്​ ബി.ജെ.പി ശ്രമിക്കുന്നത്​. അവിടെ നിയമവാഴ്​ച തകർക്കാൻ കേന്ദ്രമന്ത്രിമാർ തന്നെ നേതൃത്വം നൽകുന്നു. മറ്റ്​ പാർട്ടികളുടെ ഒാഫിസുകൾ പ്രവർത്തിക്കാൻ അനുവദിക്കില്ലെന്ന ഫാഷിസമാണ്​ ഇതിനുപിന്നിൽ.

ബലിദാന ഗാനങ്ങൾകൊണ്ട്​ മതേതര കേരളത്തി​​​​െൻറ മനസ്സ്​ കീഴടക്കാൻ ആർ.എസ്​.എസിനാകില്ല. ഗാന്ധി​ജിയെ വധിച്ച ഗോദ്​സെയെ ദൈവമായി വിശേഷിപ്പിച്ച അമിത്​ ഷാ പയ്യന്നൂരിൽ എത്തിയപ്പോൾ ഗാന്ധി പ്രതിമക്ക്​ മുന്നിൽ പുഷ്​പാർച്ചന നടത്തി. ആർ.എസ്​.എസി​​​​െൻറ ഇൗ പരിപ്പ്​ കേരളത്തിൽ വേവില്ല. സ്വാതന്ത്ര്യ സമരകാലത്ത്​ ബ്രിട്ടീഷുകാർക്കൊപ്പം നിന്നതാണ്​ അവരുടെ ചരിത്രമെന്നും കോടിയേരി പറഞ്ഞു.