Begin typing your search above and press return to search.
exit_to_app
exit_to_app
Posted On
date_range 3 Aug 2024 5:00 AM GMT Updated On
date_range 3 Aug 2024 5:00 AM GMTക്യാമ്പിൽനിന്ന് മടങ്ങുമ്പോൾ വീട്ടിൽ കയറും മുമ്പ് ശ്രദ്ധിക്കൂ...
text_fieldsbookmark_border
തൃശൂർ: മഴക്കെടുതി മൂലം വീട്ടിൽ താമസിക്കാനാവാതെ ദുരിതാശ്വാസ ക്യാമ്പുകളില് അഭയം തേടിയവർ മഴ ദുരിതം കുറഞ്ഞ സാഹചര്യത്തിൽ വീടുകളിലേക്ക് തിരിച്ചെത്തുമ്പോൾ ശ്രദ്ധിക്കേണ്ട കാര്യങ്ങൾ സംബന്ധിച്ച നിര്ദേശങ്ങളുമായി ജില്ല ദുരന്തനിവാരണ അതോറിറ്റി.
- വീടുകളും സ്ഥാപനങ്ങളും ആരോഗ്യ പ്രവര്ത്തകരുടെ നിർദേശപ്രകാരം അണുനശീകരണി ഉപയോഗിച്ച് വൃത്തിയാക്കി മാത്രം പ്രവേശിക്കുക.
- മേല്ക്കൂരകളും ഭിത്തികളും ബലഹീനമല്ലെന്നും വിള്ളലില്ലെന്നും ഉറപ്പാക്കുക
- മലിനമായ കിണറുകളും കുടിവെള്ള ടാങ്കുകളും ആരോഗ്യ പ്രവര്ത്തകരുടെ നിർദേശപ്രകാരം ബ്ലീച്ചിങ് പൗഡര് ഉപയോഗിച്ച് ശുദ്ധീകരിച്ച ശേഷം ഉപയോഗിക്കുക
- കക്കൂസ് ടാങ്ക് വെള്ളപ്പൊക്കത്തില് തകര്ന്നിട്ടില്ലെന്ന് ഉറപ്പാക്കണം. കേടുപാടുകള് ഉണ്ടെങ്കില് നന്നാക്കണം. ശുചിമുറിയും പരിസരവും വൃത്തിയാക്കിയ ശേഷമേ ഉപയോഗിക്കാവൂ.
- കൈകാലുകളില് മുറിവുള്ളവര് ഡോക്ടറെ കണ്ട് ഉപദേശം തേടിയ ശേഷം ശുചീകരണ പ്രവര്ത്തനങ്ങളില് ഏര്പ്പെടുക
- വൈദ്യുതോപകരണങ്ങള് ഉപയോഗിക്കും മുമ്പ് സുരക്ഷ ഉറപ്പാക്കുക
- മലിന ജലത്തില് ജോലി ചെയ്യേണ്ട സാഹചര്യത്തില് വ്യക്തിഗത സുരക്ഷ ഉപാധികള് (ഗംബൂട്ട്, കൈയുറ) നിര്ബന്ധമായും ഉപയോഗിക്കുക
- വീടുകളില് തുറന്ന നിലയില് സൂക്ഷിച്ചിരുന്ന ഭക്ഷ്യവസ്തുക്കളും മറ്റും മലിനമാകാൻ ഇടയുള്ളതിനാല് ഉപയോഗിക്കരുത്
- മലിന ജലവുമായി സമ്പര്ക്കം ഉണ്ടായവരും ഉണ്ടാകാന് സാധ്യതയുള്ളവരും ഡോക്സിസൈക്ലിന് ഗുളിക 200 എം.ജി (100 എം.ജി*2) കഴിക്കണം. ഒറ്റ ഡോസ് ഒരാഴ്ച മാത്രമേ സുരക്ഷിതത്വം നല്കൂ. ആരോഗ്യ കേന്ദ്രങ്ങളിലും ക്യാമ്പുകളിലും മരുന്ന് ലഭ്യമാണ്. ആറാഴ്ച മുടങ്ങാതെ കഴിക്കണം.
- ഭക്ഷണ ആവശ്യങ്ങള്ക്കായി ഉപയോഗിക്കുന്ന പാത്രങ്ങള്, ഗ്ലാസുകള് തുടങ്ങിയവ തിളപ്പിച്ച വെള്ളത്തില് ഒരു ശതമാനം ക്ലോറിന് ലായനിയില് 20-30 മിനിറ്റ് വെച്ച ശേഷം കഴുകി ഉപയോഗിക്കുക.
- വീട് വൃത്തിയാക്കുമ്പോള് പാഴ്വസ്തുക്കള് അലക്ഷ്യമായി വലിച്ചെറിയരുത്
- ഇഴജന്തുക്കളുടെ സാന്നിധ്യം ഇല്ലെന്ന് ഉറപ്പാക്കിയ ശേഷം മാത്രം താമസം ആരംഭിക്കുക
- മെയിന് സ്വിച്ച് ഓഫാണെന്ന് ഉറപ്പാക്കുക. സോളാര്, ഇന്വെര്ട്ടര് എന്നിവ സ്ഥാപിച്ചവര് മുന്കരുതല് എടുക്കുക
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story