ഈ സ്ഥാപനങ്ങളെ സൂക്ഷിക്കൂ: ജില്ലയിലെ 19 ധനകാര്യ സ്ഥാപനങ്ങളിൽ നി​ക്ഷേ​പം ന​ട​ത്തു​ന്ന​തി​നെ​തി​രെ പൊലീസ്​ മു​ന്ന​റി​യി​പ്പ്

ആ​ല​പ്പു​ഴ: ജി​ല്ല​യി​ൽ നി​​ധി ക​​മ്പ​​നി​​ക​​ൾ ഉ​​ൾ​​പ്പെ​​ടെ 19 ധ​ന​കാ​ര്യ സ്ഥാ​പ​ന​ങ്ങ​ളി​ൽ നി​​ക്ഷേ​​പം ന​​ട​​ത്തു​​ന്ന​​തി​​നെ​​തി​​രെ പൊ​​ലീ​​സി​​ന്‍റെ മു​​ന്ന​​റി​​യി​​പ്പ്. ഇ​വ​ർ തു​ട​ർ​ന്ന്​ പ്ര​വ​ർ​ത്തി​ക്കു​ന്ന​തും നി​ക്ഷേ​പം സ്വീ​ക​രി​ക്കു​ന്ന​തും നി​യ​മ​വി​രു​ദ്ധ​മാ​യി​രി​ക്കും. ആ​​വ​​ശ്യ​​മാ​​യ രേ​​ഖ​​ക​​ള്‍ ഇ​​ല്ലാ​​തെ​​യും പു​​തു​​ക്കാ​​തെ​​യും പ്ര​​വ​​ര്‍ത്തി​​ക്കു​​ന്ന സ്വ​​കാ​​ര്യ സ്ഥാ​​പ​​ന​​ങ്ങ​​ളി​​ല്‍ നി​​ക്ഷേ​​പി​ക്കു​​ന്ന​​ത് ത​​ട്ടി​​പ്പി​​നും ച​​തി​​ക്കും വ​​ഴി​​വെ​​ക്കു​​മെ​​ന്ന​​തി​​നാ​​ല്‍ അ​​തി​​ജാ​​ഗ്ര​​ത പു​​ല​​ര്‍ത്ത​​ണ​​മെ​​ന്ന് സ്ഥാ​പ​ന​ങ്ങ​ളു​ടെ വി​വ​ര​ങ്ങ​ൾ പു​റ​ത്ത്​ വി​ട്ടു​കൊ​ണ്ട്​ ക്രൈം​​ബ്രാ​​ഞ്ച് എ.​​ഡി.​​ജി.​​പി അ​​ഭ്യ​​ർ​​ഥി​​ച്ചു.

സാ​​മ്പ​​ത്തി​​ക​​ത​​ട്ടി​​പ്പു​​ക​​ള്‍ വ​​ര്‍ധി​​ച്ചു​​വ​​രു​​ന്ന സാ​​ഹ​​ച​​ര്യ​​ത്തി​​ലാ​​ണ് മു​​ന്ന​​റി​​യി​​പ്പ്. സം​​സ്ഥാ​​ന​​ത്ത് 14 ജി​​ല്ല​​ക​​ളി​​ലാ​​യി 537 ധ​​ന​​കാ​​ര്യ​​സ്ഥാ​​പ​​ന​​ങ്ങ​​ളെ​​യാ​​ണ് പൊ​​ലീ​​സും സം​​സ്ഥാ​​ന സ​​ർ​​ക്കാ​​റും 'ക​​രി​​മ്പ​​ട്ടി​​ക​​യി​​ൽ' ഉ​​ൾ​​പ്പെ​​ടു​​ത്തി​​യ​​ത്. ഇ​തി​ൽ ജി​ല്ല​യി​ലെ 19 സ്ഥാ​പ​ന​ങ്ങ​ൾ ഉ​ൾ​പ്പെ​ട്ടി​ട്ടു​ണ്ട്. ഇ​ത്ത​രം സ്ഥാ​പ​ന​ങ്ങ​ളി​ൽ നി​ക്ഷേ​പി​ച്ച്​ വ​ഞ്ചി​ത​രാ​ക​രു​തെ​ന്ന് പൊ​ലീ​സ് അ​റി​യി​പ്പി​ൽ പ​റ​യു​ന്നു. 2015 മു​​ത​​ൽ സം​​സ്ഥാ​​ന​​ത്ത് പ്ര​​വ​​ർ​​ത്തി​​ച്ചു​​വ​​രു​​ക​​യാ​​യി​​രു​​ന്ന 367 നി​​ധി ധ​​ന​​കാ​​ര്യ സ്ഥാ​​പ​​ന​​ങ്ങ​​ളു​​ടെ ലൈ​​സ​​ൻ​​സ് നി​​ധി ക​​മ്പ​​നി നി​​യ​​മം ലം​​ഘി​​ച്ചെ​​ന്ന് ക​​ണ്ടെ​​ത്തി​​യ​​തി​​നെ​​തു​​ട​​ർ​​ന്ന് കേ​​ന്ദ്ര കോ​​ർ​​പ​​റേ​​റ്റ് കാ​​ര്യ മ​​ന്ത്രാ​​ല​​യം റ​​ദ്ദാ​ക്കി​യി​ട്ടു​ണ്ട്. 2014ലെ ​​നി​​ധി റൂ​​ൾ​​സി​​ലെ 3A, 23A, 23B നി​​യ​​മ​​ങ്ങ​​ൾ അ​​നു​​സ​​രി​​ച്ച് ലൈ​​സ​​ൻ​​സി​​നാ​​യി എ​​ൻ.​​ഡി.​​എ​​ച്ച് -4 അ​​പേ​​ക്ഷ ന​​ൽ​​കി​​യ​വ​യി​ൽ ജി​ല്ല​യി​ൽ 12 സ്ഥാ​​പ​​ന​​ങ്ങ​​ളു​​ടെ അ​​പേ​​ക്ഷ നി​​ര​​സി​​ച്ചു. 2021ൽ ​​കേ​​ര​​ള​​ത്തി​​ലെ 205 നി​​ധി ധ​​ന​​കാ​​ര്യ സ്ഥാ​​പ​​ന​​ങ്ങ​​ളു​​ടെ ലൈ​​സ​​ൻ​​സ് കേ​​ന്ദ്രം റ​​ദ്ദ് ചെ​​യ്തി​​രു​​ന്നു. ഇ​തി​ൽ ജി​ല്ല​യി​ലെ ഏ​ഴ്​ സ്ഥാ​പ​ന​ങ്ങ​ൾ ഉ​ൾ​പെ​ട്ടി​ട്ടു​ണ്ട്.

ജി​ല്ല​യി​ൽ അ​പേ​ക്ഷ നി​ര​സി​ക്ക​പ്പെ​ട്ട സ്ഥാ​പ​ന​ങ്ങ​ൾ

കൊ​ല്ലം​മു​റി നി​ധി ലി​മി​റ്റ​ഡ്​ ന​ടു​വി​ലേ​മു​റി, ത​ല​വ​ടി, ജി ​വേ നി​ധി ലി​മി​റ്റ​ഡ്​ ചേ​ർ​ത്ത​ല, സേ​വ​നം നി​ധി ലി​മി​റ്റ​ഡ്​ പ​ട്ട​ണ​ക്കാ​ട്, അ​ന്ധ​കാ​ര​ന​ഴി, ചേ​ർ​ത്ത​ല, പ്രി​ൻ​സ്​ അ​നെ​യ്​​ൻ നി​ധി ലി​മി​റ്റ​ഡ്​ മു​ല്ല​ക്ക​ൽ ആ​ല​പ്പു​ഴ, റി​ഷി​റാം നി​ധി ലി​മി​റ്റ​ഡ്​ മാ​രാ​രി​ക്കു​ളം നോ​ർ​ത്ത്, എ.​എ​സ്.​ബി നി​ധി ലി​മി​റ്റ​ഡ്​ എ​ലി​പ്പ​ക്കു​ളം ചൂ​നാ​ട്, വ​ള്ളി​ക്കു​ന്നം, വാ​സു രേ​വ​ത്​ നി​ധി ലി​മി​റ്റ​ഡ്​ ക​രു​വാ​റ്റ, ആ​ല​പ്പി നി​ധി ലി​മി​റ്റ​ഡ്​ മു​ല്ല​ക്ക​ൽ ആ​ല​പ്പു​ഴ, കാ​ർ​ത്തി​ക​പ്പ​ള്ളി ഡി.​ടി.​സി.​ആ​ർ.​ഇ കാ​ർ​ത്തി​ക​പ്പ​ള്ളി, കൊ​ടു​ക്കു​ള​ഞ്ഞി നി​ധി ലി​മി​റ്റ​ഡ്​ കൊ​ടു​ക്കു​ള​ഞ്ഞി ചെ​ങ്ങ​ന്നൂ​ർ, ഇ​ട​നാ​ട്​ നി​ധി ലി​മി​റ്റ​ഡ്​ കീ​ഴ​ചേ​രി​മേ​ൽ ചെ​ങ്ങ​ന്നൂ​ർ, ചേ​രി​തെ​ക്കേ​തി​ൽ നി​ധി ലി​മി​റ്റ​ഡ്​ പു​ലി​യൂ​ർ ചെ​ങ്ങ​ന്നൂ​ർ.

ലൈ​​സ​​ൻ​​സ് കേ​​ന്ദ്രം റ​​ദ്ദ് ചെ​​യ്ത സ്ഥാ​പ​ന​ങ്ങ​ൾ

ആ​ൾ​ക​മ്മി​റ്റ്​ നി​ധി ലി​മി​റ്റ​ഡ്​ ആ​ല​പ്പു​ഴ, ആ​രാ​മം ഫി​ൻ നി​ധി ലി​മി​റ്റ​ഡ്​ കാ​യം​കു​ളം, കാ​രു​ണ്യ ദീ​പം നി​ധി ലി​മി​റ്റ​ഡ്​ എ​ര​മ​ല്ലൂ​ർ, ഓ​ണാ​ട്ടു​ക​ര നി​ധി ലി​മി​റ്റ​ഡ്​ പ​ത്തി​യൂ​ർ, ഇ​ട​യാ​ടി, എ​രു​വ ഈ​സ്റ്റ്, ശ​ബ​രി​ഗി​രി നി​ധി ലി​മി​റ്റ​ഡ്​ പാ​ല​മേ​ൽ, പു​ത്ത​ൻ​പു​ര​ക്ക​ൽ, നൂ​റ​നാ​ട്, വ​ലി​യ​വീ​ട്ടി​ൽ നി​ധി ലി​മി​റ്റ​ഡ്​ കാ​പ്പി​ൽ എ​സ്​​റ്റേ​റ്റ്, കൃ​ഷ്ണ​പു​രം, കാ​യം​കു​ളം, വി​ഹി​ന്ദ്​ ഷെ​യ​ർ ആ​ന്‍റ്​ പൊ​ട്ട​ക്ട്​ നി​ധി ലി​മി​റ്റ​ഡ്​ തു​റ​വൂ​ർ സൗ​ത്ത്.