27ന്​ ഭാരത്​ ബന്ദ്​; കേരളത്തിൽ ഹർത്താലായി ആചരിക്കാൻ തീരുമാനം

തിരുവനന്തപുരം: സെപ്​റ്റംബർ 27ലെ ഭാരത്​ ബന്ദ്​ സംസ്ഥാനത്ത്​ ഹർത്താലായി ആചരിക്കാൻ സംയുക്ത ട്രേഡ്​ യൂനിയൻ സമിതി തീരുമാനിച്ചു. രാവിലെ ആറുമുതൽ വൈകീട്ട്​ ആറുവരെയാകും ഹർത്താൽ.

പത്ത്​ മാസമായി കർഷകർ നടത്തുന്ന പ്രക്ഷോഭത്തിന്​ പരിഹാരമുണ്ടാക്കാത്ത കേന്ദ്ര സർക്കാർ നിലപാടിനെതിരെയാണ്​ ഭാരത്​ ബന്ദ്​ സംഘടിപ്പിക്കുന്നത്​. പത്രം, പാൽ, ആംബുലൻസ്​, മരുന്ന്​ വിതരണം, ആശുപത്രി സേവനം, വിവാഹം, രോഗികളുടെ സഞ്ചാരം, മറ്റ്​ അവശ്യ സർവിസുകൾ എന്നിവ​െയ ഹർത്താലിൽനിന്ന്​ ഒഴിവാക്കിയിട്ടുണ്ട്​.

രാവിലെ എല്ലാ തെരുവുകളിലും കോവിഡ്​ പ്രോ​േട്ടാകോൾ പാലിച്ച്​ പ്രതിഷേധ ശൃംഖല സംഘടിപ്പിക്കും. സെപ്​റ്റംബർ 22 ന്​ പ്രധാന തെരുവുകളിൽ ജ്വാല തെളിയിച്ച്​ ഹർത്താൽ വിളംബരം ചെയ്യും. വാഹനങ്ങൾ നിർത്തിയിട്ടും വ്യാപാരസ്ഥാപനങ്ങൾ അടച്ചിട്ടും ഹർത്താൽ വിജയിപ്പിക്കണമെന്ന്​ സമിതി പ്രസിഡൻറ്​ ആർ. ചന്ദ്രശേഖരൻ, സെക്രട്ടറി എളമരം കരീം, കൺവീനർ കെ.പി. രാജേന്ദ്രൻ എന്നിവർ അഭ്യർഥിച്ചു.