'കോൺഗ്രസിന്​ പുതു ഊർജമേകി രാഹുലും ഭാരത് ജോഡോ യാത്രയും'; ഇന്ന് കേരള പര്യടനം പൂർത്തിയാക്കി കർണാടകയിലേക്ക്

മലപ്പുറം: 'ഒ​രു​മി​ക്കു​ന്ന ചു​വ​ടു​ക​ള്‍, ഒ​ന്നാ​കു​ന്ന രാ​ജ്യം' എന്ന മു​ദ്രാ​വാ​ക്യ​മു​യ​ര്‍ത്തി കോൺഗ്രസ് നേതാവ് രാഹുൽ ഗാന്ധി നയിക്കുന്ന 'ഭാരത് ജോഡോ യാത്ര' ഇന്ന് കേരള പര്യടനം പൂർത്തിയാക്കി കർണാടകത്തിലേക്ക് പ്രവേശിക്കും. വൻ സ്വീകരണവും ജനപങ്കാളിത്തത്തവും കൊണ്ട് കോ​ൺ​ഗ്ര​സി​ന്​ പു​തു ആ​വേ​ശ​വും ഊ​ർ​ജ​വും സ​മ്മാ​നി​ച്ച യാത്ര മലപ്പുറം വഴിക്കടവിൽ നിന്ന് തമിഴ്നാട് ഗൂഡല്ലൂർ വഴിയാണ് കർണാടകയിലേക്ക് പ്രവേശിക്കുക.

ഇന്ന് രാവിലെ ഏഴിന് മലപ്പുറം ചുങ്കത്തറ മാർത്തോമ കോളജ് ജങ്ഷനിൽ നിന്നാരംഭിച്ച പദയാത്ര വഴിക്കടവ് മണിമൂലി സി.കെ.എച്ച്.എസിൽ വിശ്രമത്തിനായി അവസാനിക്കുന്നതോടെ കേരള പര്യടനം പൂർത്തിയാക്കും. തുടർന്ന് വൈകിട്ട് നാലിന് തമിഴ്നാട് ഗൂഡല്ലൂർ ഗവൺമെന്‍റ് ആർട്സ് ആൻഡ് സയൻസ് കോളജിൽ നിന്ന് പുനരാരംഭിക്കുന്ന യാത്ര വൈകിട്ട് ഏഴിന് ഗൂഡല്ലൂർ ബസ്റ്റാൻഡിൽ അവസാനിക്കും. ഗൂഡല്ലൂർ മോർണിങ് സ്റ്റാർ എച്ച്.എസ്.എസിലാണ് രാത്രി വിശ്രമം. തുടർന്ന് നാളെ യാത്രയുടെ കർണാടക പര്യടനം തുടങ്ങും. തുടർന്ന് മ​ഹാ​രാ​ഷ്ട്ര​യി​ലേ​ക്കും പ്ര​വേ​ശി​ക്കും.

യാ​ത്ര​യു​ടെ തു​ട​ക്കം ​മു​ത​ൽ സം​സ്ഥാ​ന​ത്ത്​ സി.​പി.​എം ഉ​യ​ർ​ത്തി​യ വി​മ​ർ​ശ​ന​ങ്ങ​ൾ​ക്ക്​ യാ​ത്ര​യി​ൽ അ​ണി​ചേ​ർ​ന്ന ആ​യി​ര​ക്ക​ണ​ക്കി​നു പേ​രെ ചൂ​ണ്ടി​ക്കാ​ണി​ച്ച്​ കോ​ൺ​ഗ്ര​സ്​ ന​ൽ​കി​യ മ​റു​പ​ടി​യോ​ടെ​യാ​ണ്​ സ​മാ​പ​നം. സം​ഘ്പ​രി​വാ​റി​നെ​തി​രെ സം​സാ​രി​ക്കു​ന്നി​ല്ലെ​ന്ന​താ​ണ്​ സി.​പി.​എം ഉ​യ​ർ​ത്തി​യ പ്ര​ധാ​ന ആ​രോ​പ​ണം.

വെ​റു​പ്പി​ന്‍റെ​യും വ​ർ​ഗീ​യ​ത​യു​ടെ​യും സം​ഘ്പ​രി​വാ​ർ രാ​ഷ്ട്രീ​യ​ത്തെ തു​റ​ന്നു​ കാ​ണി​ച്ചും രാ​ജ്യ​ത്തെ ഒ​ന്നി​പ്പി​ക്കാ​ൻ ആ​ഹ്വാ​നം ചെ​യ്തു​മാ​ണ്​ യാ​ത്ര മു​ന്നോ​ട്ടു​ പോ​കു​ന്ന​തെ​ന്നാ​ണ്​ ഇ​തി​ന്​ കോ​ൺ​ഗ്ര​സ്​ മ​റു​പ​ടി ന​ൽ​കി​യ​ത്. മ​ല​പ്പു​റം ജി​ല്ല​യി​ലെ ആ​ദ്യ​ദി​ന സ​മാ​പ​ന​ത്തി​ലും ബി.​ജെ.​പി​ക്കും ആ​ർ.​എ​സ്.​എ​സി​നു​മെ​തി​രെ​യാ​യി​രു​ന്നു രാ​ഹു​ൽ ന​ട​ത്തി​യ പ്ര​സം​ഗം. ഇ​ക്കാ​ര്യ​വും കോ​ൺ​ഗ്ര​സ്​ ഉ​യ​ർ​ത്തി​ക്കാ​ണി​ക്കു​ന്നു.

സെപ്റ്റംബർ ഏഴിന് കന്യാകുമാരിയിലെ ഗാന്ധി മണ്ഡപത്തിൽ നിന്നാണ് ഭാരത് ജോഡോ യാത്ര ആരംഭിച്ചത്. യാത്രയിലുടനീളം ഉപയോഗിക്കുന്ന ത്രിവർണ പതാക രാഹുൽ ഗാന്ധിക്ക് തമിഴ്നാട് മുഖ്യമന്ത്രി എം.കെ. സ്റ്റാലിൻ കൈമാറി. സെ​പ്​​റ്റം​ബ​ർ 11നാ​ണ്​ കേ​ര​ള അ​തി​ർ​ത്തി​യാ​യ പാ​റ​ശ്ശാ​ല​യി​ൽ പ്ര​വേ​ശി​ച്ച​ത്.

തി​രു​വ​ന​ന്ത​പു​രം, ​കൊ​ല്ലം, ആ​ല​പ്പു​ഴ, എ​റ​ണാ​കു​ളം, തൃ​ശൂ​ർ, പാ​ല​ക്കാ​ട്, മ​ല​പ്പു​റം ജി​ല്ല​ക​ളി​ലാ​യി 18 ദി​വ​സ​ത്തി​നി​ടെ നാ​നൂ​റോ​ളം കി​ലോ​മീ​റ്റ​റാ​ണ്​ രാ​ഹു​ൽ ഗാ​ന്ധി​യും സം​ഘ​വും ന​ട​ന്ന​ത്. പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ, ര​മേ​ശ്​ ചെ​ന്നി​ത്ത​ല, എം.​പി​മാ​രാ​യ കെ. ​മു​ര​ളീ​ധ​ര​ൻ, കൊ​ടി​ക്കു​ന്നി​ൽ സു​രേ​ഷ്, ഷാ​ഫി പ​റ​മ്പി​ൽ എം.​എ​ൽ.​എ തു​ട​ങ്ങി​യ​വ​ർ കേ​ര​ള​ത്തി​ലെ യാ​ത്ര​യു​ടെ തു​ട​ക്കം ​മു​ത​ൽ രാ​ഹു​ലി​നൊ​പ്പ​മു​ണ്ടാ​യി​രു​ന്നു.

തിരുവനന്തപുരം മുതല്‍ തൃശൂർ വരെ ദേശീയപാത വഴിയും തുടര്‍ന്ന് നിലമ്പൂര്‍വരെ സംസ്ഥാനപാത വഴിയുമായിരുന്നു പദയാത്ര. ഇതര ജില്ലകളില്‍ നിന്നുള്ള പ്രവര്‍ത്തകരുടെയും നേതാക്കളുടെയും വൻ പങ്കാളിത്തവും യാത്രയിലുണ്ടായി. ഓരോ ദിവസവും 25 കി.മീറ്റര്‍ ദൂരമാണ് പദയാത്ര വിവിധ പ്രദേശങ്ങളിലൂടെ കടന്നു പോയത്.

കഴിഞ്ഞ എട്ട് വർഷത്തിനിടെ രാജ്യം എല്ലാ മേഖലയിലും വലിയ വെല്ലുവിളി നേരിടുന്ന പശ്ചാത്തലത്തിലാണ് ഏറ്റവും വലിയ രാഷ്ട്രീയദൗത്യം ഏറ്റെടുത്ത് പദയാത്ര നടത്താൻ കോൺഗ്രസ് തീരുമാനിച്ചത്. എ.ഐ.സി.സി നിശ്ചയിക്കുന്ന 100 സ്ഥിരാംഗങ്ങള്‍ കന്യാകുമാരി മുതല്‍ കാശ്മീര്‍ വരെ 150 ദിവസങ്ങളായി 3571 കി.മീറ്റര്‍ രാഹുല്‍ ഗാന്ധിയോടൊപ്പം പദയാത്രയില്‍ അണിചേരും. മൂന്നൂറ് സ്ഥിരാംഗങ്ങളാണ് യാത്രയെ അനുഗമിക്കുന്നത്.