ഭാരത് ജോഡോ യാത്ര: തെരുവു നാടകം തുടങ്ങി

തിരുവനന്തപുരം: ഭാരത് ജോഡോ യാത്രയോടനുബന്ധിച്ച് കെ.പി.സി.സി കലാസാംസ്കാരിക വിഭാഗം സംസ്കാരസഹിതി തിരുവനന്തപുരം ഡി.സി.സിയ്ക്കു വേണ്ടി അണിയിച്ചൊരുക്കിയ 'വിമോചനത്തിന്റെ കാഹളം'

എന്ന തെരുവ് നാടകം ജോഡോ യാത്രയുടെ സംസ്ഥാന കോ-ഓർഡിനേറ്റർ കൊടിക്കുന്നിൽ സുരേഷ് എം.പി തിരുവനന്തപുരത്ത് പാളയം കണ്ണീമറ മാർക്കറ്റിന് മുന്നിൽ ജോഡോ യാത്രയുടെ അടയാള രേഖ നാടകത്തിലെ അഭിനേതാക്കൾക്കു കൈമാറി ഉദ്ഘാടനം ചെയ്തു .

ഡി.സി.സി. പ്രസിഡൻറ് പാലോട് രവി, സംസ്കാര സാഹിതി സംസ്ഥാന ജനറൽ സെക്രട്ടറി വി.ആർ.പ്രതാപൻ, മുൻമന്ത്രി വിഎസ് ശിവകുമാർ , എം.വിൻസെൻറ് എം.എൽ.എ, സി.ആർ.പ്രാണകുമാർ ,രാജേഷ് മണ്ണാമൂല, അയിരശശി, സാഹിതി ചന്ദ്രഭാനു, ആർ ഹരികുമാർ അഡ്വ.ജി.സുബോധൻ, ആര്യനാട് സത്യൻ, നാടക സംവിധായകൻ എബി മണ്ണന്തല എന്നിവർ പങ്കെടുത്തു. ജില്ലയിലെ വിവിധ കേന്ദ്രങ്ങളിൽ നാടകം നടത്തി.