കെ.എസ്.ആർ.ടി.സി ബസ് സ്കൂട്ടറിലിടിച്ച് വിദ്യാർത്ഥി മരിച്ചു
text_fieldsപല്ലാരിമംഗലം: കെ.എസ്.ആർ.ടി.സി ബസും സ്കൂട്ടറും കൂട്ടിയിടിച്ച് വിദ്യാർത്ഥി മരിച്ചു. കൂവള്ളൂർ കൊള്ളിക്കുന്നേൽ ഷാജിയുടെ മകൻ മുഹമ്മദ് അഷ്കർ (അപ്പു - 17) ആണ് മരിച്ചത്.
ചൊവ്വാഴ്ച്ച രാവിലെ ഏഴിന് കൂവള്ളൂർ - കൂറ്റംവേലി റോഡിൽ മണിക്കിണർ മുസ്ലിം പള്ളിക്ക് സമീപം ഊന്നുകൽ - മുവാറ്റുപുഴ റൂട്ടിൽ സർവീസ് നടത്തുന്ന കെ.എസ്.ആർ.ടി.സി ബസ് സ്കൂട്ടറിൽ ഇടിക്കുകയായിരുന്നു. ഗുരുതര പരിക്കേറ്റ അഷ്ക്കറിനെ നാട്ടുകാർ കോതമംഗലം ബസേലിയോസ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
അടിവാട് ഗവ. വി.എച്ച്.എസ്.സി ഒന്നാം വർഷ വിദ്യാർത്ഥിയാണ്. മാതാവ്: ജാസ്മിൻ. സഹോദരി: നിത. പോത്താനിക്കാട് പൊലീസ് സ്ഥലത്തെത്തി നടപടികൾ സ്വീകരിച്ചു. മൃതദേഹംപോസ്റ്റ്മോർട്ടത്തിനു ശേഷം വൈകിട്ടോടെ കൂറ്റംവേലി ഇർഷാദുൽ ഇസ്ലാം ജമാഅത്ത് ഖബർസ്ഥാനിൽ ഖബറടക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.