ബിനീഷ്​ കോടിയേരിക്ക്​​ കുരുക്കായത്​ അനൂപ്​ മുഹമ്മദിൻെറ മൊഴി

ബംഗളൂരു: ബംഗളൂരു മയക്കുമരുന്ന്​ കേസിലെ പണമിടപാടുമായി ബന്ധപ്പെട്ട്​ ബിനീഷ്​ കോടിയേരിക്ക്​ കുരുക്കായത്​ പ്രതി കൊച്ചി വെണ്ണല സ്വദേശി അനൂപ്​ മുഹമ്മദി​െൻറ മൊഴി. ആഗസ്​റ്റ്​ 21ന്​ നാർക്കോട്ടിക്​സ്​ കൺട്രോൾ ബ്യൂറോ (എൻ.സി.ബി) അറസ്​റ്റ്​ ചെയ്​ത അനൂപ്​ മുഹമ്മദ്​ നൽകിയ മൊഴിയിൽ ത​െൻറ ഹോട്ടൽ ബിസിനസിനായി ആറു ലക്ഷം രൂപ ബിനീഷ്​​ േകാടിയേരി നൽകിയെന്നായിരുന്നു മൊഴി. എന്നാൽ, ഇതുസംബന്ധിച്ച്​ ബിനീഷിനെ ചോദ്യം ചെയ്​തതോടെ മൊഴിയിൽ വൈരുധ്യം കണ്ടെത്തി.

അനൂപ്​ മുഹമ്മദ്, ബംഗളൂരു സ്വദേശിനി അനിഘ, തൃശൂർ തിരുവില്വാമല സ്വദേശി റിജേഷ്​ രവീന്ദ്രൻ എന്നിവരുടെ അറസ്​റ്റിന്​ പിന്നാലെ കന്നട സിനിമ മേഖലയിലെ മയക്കുമരുന്ന്​ റാക്കറ്റുമായി ബന്ധപ്പെട്ട്​ നടിമാരടക്കമുള്ളവരുടെ അറസ്​റ്റ്​ കൂടി രേഖപ്പെടുത്തിയ​േതാടെയാണ്​ സെലിബ്രിറ്റികളും രാഷ്​ട്രീയക്കാരും ഉൾപ്പെട്ട ബംഗളൂരുവിലെ മയക്കുമരുന്ന്​ ഇടപാട്​ സംബന്ധിച്ച വിവരങ്ങൾ പുറത്തുവന്നത്​. എൻ.സി.ബിയും ബംഗളൂരു പൊലീസിലെ സെൻ​ട്രൽ ക്രൈം ബ്രാഞ്ചും അന്വേഷിക്കുന്ന മയക്കുമരുന്ന്​ കേസുകളിലെ ഹവാല ഇടപാട്​ സംബന്ധിച്ച്​ എൻഫോഴ്​സ്​മെൻറ്​ ഡയറക്​ടറേറ്റ്​ (ഇ.ഡി) അന്വേഷണം ഏറ്റെടുക്കുകയും ചെയ്​തു.

2015 മുതൽ 2020 ആഗസ്​റ്റ്​ വരെയുള്ള കാലയളവിൽ അനൂപ്​ മുഹമ്മദി​െൻറ അക്കൗണ്ടിലേക്ക്​ 70 ലക്ഷം രൂപ വന്നതായി ഇ.ഡി കണ്ടെത്തിയിരുന്നു. ഇതിൽ 30 ലക്ഷം രൂപ കഴിഞ്ഞ ഒരു വർഷത്തിനിടെ 20 ബാങ്ക്​ അക്കൗണ്ടുകളിൽനിന്നാണ്​ ലഭിച്ചത്​. ഇൗ പണത്തി​െൻറ ഉറവിടം സംബന്ധിച്ച്​ ബംഗളൂരു പരപ്പന അഗ്രഹാര ജയിലിലെത്തി അനൂപിനെ ആദ്യം ചോദ്യം ചെയ്​ത ഇ.ഡി പിന്നീട്​ ഒക്​ടോബർ ആറിന്​ ബിനീഷിനെ ബംഗളൂരുവിലെ ഇ.ഡി ഒാഫിസിൽ വിളിച്ചുവരുത്തി ആറു മണിക്കൂർ വിശദമായി ചോദ്യം ചെയ്​തു.

അനൂപി​െൻറ ലഹരി ഇപാടുകളെ കുറിച്ച്​ അറിയില്ലെന്നും ഹോട്ടൽ ബിസിനസിനായാണ്​ ആറു ലക്ഷം രൂപ രണ്ടു തവണയായി താൻ അനൂപിന്​ കടം നൽകിയതെന്നും ബിനീഷ്​ മൊഴി നൽകി. താൻ ബിനീഷിനോടാണ്​ പണം ആവശ്യപ്പെട്ടതെന്നും ത​െൻറ അക്കൗണ്ടിലെത്തിയ പണത്തി​െൻറ സ്രോതസ്സിനെ കുറിച്ച്​ അറിയില്ലെന്നുമാണ്​ അനൂപ്​ നൽകിയ മൊഴി. വീണ്ടും അനൂപിനെയും ബിനീഷിനെയും ചോദ്യം ചെയ്​ത ഇ.ഡി ബിനീഷിനെതിരായ കുരുക്ക്​ മുറുക്കുകയായിരുന്നു. അനൂപി​െൻറ ഹോട്ടൽ ബിസിനസി​െൻറ മറവിൽ മയക്കുമരുന്ന്​ ഇടപാടുകൾക്കായി വൻതോതിൽ കള്ളപ്പണം ചെലവഴിച്ചെന്നാണ്​ ഇ.ഡിയുടെ നിഗമനം.