ചീത്തപ്പണം ചാക്കിലും ആംബുലന്‍സിലും ട്രോളി ബാഗിലും വരുന്നുണ്ട് -ബിനോയ് വിശ്വം

തൃശൂര്‍: തെരഞ്ഞെടുപ്പ് ജനഹിതം അറിയേണ്ട വേദിയാണെന്നിരിക്കെ കോണ്‍ഗ്രസും ബി.ജെ.പിയും ജനഹിതത്തെ പണഹിതം ആക്കുകയാണെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം. ചീത്തപ്പണം ചാക്കിലും ആംബുലന്‍സിലും ട്രോളി ബാഗിലും വരുന്നുണ്ട്. ജനാധിപത്യത്തിന്​ വല്ലാത്തൊരു പ്രതിസന്ധിയാണ്​ ഇതെന്ന്​ അദ്ദേഹം ചൂണ്ടിക്കാട്ടി.

ജനാധിപത്യ വ്യവസ്ഥക്കെതിരായ ആക്രമണത്തിന് ബി.ജെ.പിയും കോണ്‍ഗ്രസും കൂട്ടായി പിന്തുണയേകുകയാണ്. സ്ഥാനാര്‍ഥികള്‍ ചിലര്‍ ആംബുലന്‍സില്‍ വരുന്നു, പണം ചിലപ്പോള്‍ ചാക്കിലും ട്രക്കിലും ട്രോളി ബാഗിലും വരുന്നു എന്നെല്ലാം കേള്‍ക്കുമ്പോള്‍ ജനങ്ങള്‍ക്ക്​ അറിയേണ്ടത് ഇതിന്‍റെ വസ്തുതയാണെന്നും ബിനോയ് വിശ്വം പറഞ്ഞു.