തന്നെ സ്ഥാനാർഥിയാക്കിയത് പോലെ പി.സി. ജോർജിനും ബി.ജെ.പി ഉചിതമായ സ്ഥാനം കൊടുക്കുമെന്ന് അനിൽ ആൻറണി

തന്നെ സ്ഥാനാർഥിയാക്കിയത് പോലെ പി.സി. ജോർജിനും ബി.ജെ.പി ഉചിതമായ സ്ഥാനം കൊടുക്കുമെന്ന് പത്തനംതിട്ടയിലെ എൻ.ഡി.എ സ്ഥാനാർഥി അനിൽ ആൻറണി. പി.സി. ജോർജി​െൻറ എതിർപ്പ് വെറും മാധ്യമ സൃഷ്ടി ആയിരുന്നു. ഇടതുപക്ഷ സർക്കാർ ഉള്ള കാലത്തോളം ശബരിമല വിഷയം ആരും മറക്കില്ല. തെരഞ്ഞെടുപ്പിൽ അത് ചർച്ചയാകുമെന്നും അനിൽ ആന്റണി പറഞ്ഞു. പത്തനംതിട്ട സീറ്റ് നിഷേധിച്ചതിലുളള അമർഷം പ്രകടിപ്പിച്ച പി.സി. ജോർജ്ജിനെ ഇന്നലെ അനിൽ ആൻ്റണി സന്ദ‍ർശിച്ചിരുന്നു. വീട്ടിലെത്തിയ അനിൽ ആൻറണിയെ മധുരം നൽകി സ്വീകരിച്ച ജോർജ്ജ് പ്രചാരണത്തിനിറങ്ങുമെന്ന് അറിയിച്ചു.

അനിൽ ആൻറണിയെ പത്തനംതിട്ടയിൽ സ്ഥാനാർഥിയാക്കിയതിനെതിരെയുള്ള അമർഷം പരസ്യമായി പ്രകടിപ്പിച്ച പി.സി. ജോർജിന് താക്കീത് ചെയ്തുകൊണ്ട് ബി.​ജെ.പി സംസ്ഥാന പ്രസിഡൻറ് കെ. സുരേന്ദ്രൻ സംസാരിച്ചു. വാക്കുകൾ ഉപയോഗിക്കുമ്പോൾ ശ്രദ്ധിച്ച് ഉപയോഗിക്കണം. മിതത്വം പാലിക്കണം. ഫേസ് ബുക്ക് വഴി എന്തെങ്കിലും വിളിച്ച് പറയുന്നവർ പാർട്ടിയിൽ കാണില്ല. പി.സി. ​ജോർജി​നെതിരെ നടപടിയുണ്ടാ​കുമോയെന്ന മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു സുരേ​ന്ദ്രൻ.

പി.സി. ജോർജിനെതിരെ എന്തുണ്ടാകുമെന്ന് കാത്തിരുന്ന് കാണാം. ഭാഷയിൽ മിതത്വം പാലിക്കണമെന്ന് മാത്രമേ ഇപ്പോൾ പറയുന്നുള്ളൂ. പാർട്ടി എല്ലാം മനസിലാക്കുന്നു. അനിൽ ആന്‍റണിയെ അറിയാത്ത ആരും കേരളത്തിൽ ഇല്ല. മികച്ച സ്ഥാനാർത്ഥിയാണ്, അദ്ദേഹം വിജയിക്കുമെന്നും സുരേന്ദ്രൻ പറഞ്ഞു. എന്നാൽ, എല്ലാവരും മിതത്വം പാലിക്കണമെന്നായിരുന്നു പി.സി. ജോർജി​െൻറ മറുപടി.

പി.സി. ജോർജിനെ സ്ഥാനാർഥിയാക്കാത്തതിൽ പത്തനംതിട്ട ബി.ജെ.പിയിൽ അമർഷം ശക്തമാണ്. അനിൽ ആന്‍റണിയെ സ്ഥാനാർഥിയാക്കിയ ബി.ജെ.പി സംസ്ഥാന നേതൃത്വത്തിനെതിരെ രൂക്ഷ വിമർശനവുമായി കർഷക മോർച്ച നേതാവ് ശ്യാം തട്ടയിൽ രംഗത്തെത്തിയിരുന്നു.

‘അനിൽ ആന്‍റണിയുടെ സ്ഥാനാർഥിത്വം പിതൃശൂന്യ നടപടിയെന്നും അനിൽ ആന്‍റണി ഒരു ലക്ഷം വോട്ട് തികക്കില്ലെ’ന്നും ശ്യാം തട്ടയിൽ ഫേസ്ബുക്കിൽ പോസ്റ്റ് ചെയ്ത വിഡിയോയിൽ വ്യക്തമാക്കി. വിമർശനത്തിന് പിന്നാലെ ശ്യാം തട്ടയിലിനെ ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ പാർട്ടിയിൽ നിന്ന് പുറത്താക്കി. എന്നാൽ, ശനിയാഴ്ച തന്നെ പാർട്ടിയുടെ സംഘടനാ ചുമതലയിൽ നിന്ന് രാജിവെച്ചിരുന്നതായി ശ്യാം മറ്റൊരു പോസ്റ്റിൽ വ്യക്തമാക്കി. പി.സി. ജോർജിനെ സഥാനാർഥിയാക്കാത്തതിൽ പ്രതിഷേധിച്ചാണ് ഔദ്യോഗിക പദവി ഉപേക്ഷിച്ചതെന്നും അദ്ദേഹം ചൂണ്ടിക്കാട്ടി.

സ്ഥാ​നാ​ർ​ഥി​ത്വം ഉ​റ​പ്പി​ച്ച പി.​സി. ജോ​ർ​ജ്​ സ​ഭ നേ​താ​ക്ക​ളെ​യും മ​റ്റും ക​ണ്ട്​ പി​ന്തു​ണ ഉ​റ​പ്പാ​ക്കി പ്ര​ചാ​ര​ണ ​പ്ര​വ​ർ​ത്ത​ന​ങ്ങ​ൾ അ​നൗ​പ​ചാ​രി​ക​മാ​യി തു​ട​ങ്ങു​ക​യും ചെ​യ്തതിനിടെയാ​ണ് വെ​ള്ളാ​പ്പ​ള്ളി ന​ടേ​ശ​ൻ ജോ​ർ​ജി​നെ​തി​രെ തി​രി​ഞ്ഞ​ത്. പി​ന്നാ​ലെ മ​ക​ൻ തു​ഷാ​ർ വെ​ള്ളാ​പ്പ​ള്ളി നേ​തൃ​ത്വം ന​ൽ​കു​ന്ന ബി.​ഡി.​ജെ.​എ​സും ജോ​ർ​ജ്​ സ്ഥാ​നാ​ർ​ഥി​യാ​യാ​ൽ സ​ഹ​ക​രി​ക്കി​ല്ലെ​ന്ന നി​ല​പാ​ടു​മാ​യി രം​ഗ​ത്തെ​ത്തി. ഈ ​സാ​ഹ​ച​ര്യ​ത്തി​ൽ കെ. ​സു​രേ​ന്ദ്ര​നോ, കേ​ന്ദ്ര​മ​ന്ത്രി വി. ​മു​ര​ളീ​ധ​ര​നോ ജോ​ർ​ജി​ന്‍റെ ര​ക്ഷ​ക്കെ​ത്താ​ൻ ത​യാ​റാ​യി​ല്ലെ​ന്നാ​ണ്​ ജോ​ർ​ജി​നെ പി​ന്തു​ണ​ക്കു​ന്ന​വ​രു​ടെ പ​രാ​തി.

മ​ന​സ് ​കൊ​ണ്ട്​ പി.​സി. ജോ​ർ​ജി​ന്‍റെ സ്ഥാ​നാ​ർ​ഥി​ത്വം അം​ഗീ​ക​രി​ച്ചി​രു​ന്ന ജി​ല്ല​യി​ലെ ഒ​രു​വി​ഭാ​ഗം ബി.​ജെ.​പി നേ​താ​ക്ക​ളും ബി.​ജെ.​പി​യി​ൽ ല​യി​ച്ച ജ​ന​പ​ക്ഷ​ത്തി​ന്‍റെ നി​ല​പാ​ടി​ന്​ പി​ന്തു​ണ​യു​മാ​യി രം​ഗ​ത്തു​ണ്ട്. ബി.​ജെ.​പി​യി​ൽ ല​യി​ക്കു​ന്ന​തി​നു​മു​മ്പ്​ എ​ൻ.​ഡി.​എ​യി​ൽ ഘ​ട​ക​ക​ക്ഷി​യാ​കാ​നാ​ണ്​ ജ​ന​പ​ക്ഷം ശ്ര​മി​ച്ച​ത്. അ​വി​ടെ​യും ബി.​ഡി.​ജെ.​എ​സി​ന്‍റെ എ​തി​ർ​പ്പാ​ണ്​ ത​ട​സമാ​യ​ത്.