ബി.ജെ.പിയെ മോഹിപ്പിച്ച്​ ഫലപ്രഖ്യാപനത്തി​െൻറ ആദ്യറൗണ്ട്​, ഒടുവിൽ നിരാശയുടെ പടുകുഴിയിൽ

കോഴി​ക്കോട്​: വീരവാദങ്ങൾ പുലർന്നേക്കുമെന്ന്​ അണികൾക്ക്​ പ്രതീക്ഷ നൽകിയായിരുന്നു ഫലപ്രഖ്യാപന വേളയിൽ ബി.ജെ.പിയുടെ തുടക്കം. ഒരുപാട്​ അവകാശ വാദങ്ങളുമായി ഇക്കുറി തദ്ദേശ തെരഞ്ഞെടുപ്പി​െൻറ അങ്കത്തട്ടിലിറങ്ങിയ പാർട്ടി വമ്പൻ നേട്ടം കൊയ്​തേക്കുമെന്ന്​ വോ​ട്ടെണ്ണലി​െൻറ ആദ്യഘട്ടത്തിൽ സൂചനകളുയർത്തി. തിരുവനന്തപുരം, തൃശൂർ, കോഴിക്കോട്​ കോർപറേഷനുകളിൽ തുടക്കത്തിൽ ഒ​ട്ടേറെ സീറ്റുകളിൽ മുന്നിട്ടുനിന്നു. അഞ്ചു നഗരസഭകളിലും പാർട്ടി മുന്നിട്ടുനിൽക്കുന്നുവെന്നതായിരുന്നു തുടക്കത്തിലെ ഫലസൂചനകൾ.

തിരുവനന്തപുരം കോർപറേഷനിൽ എൽ.ഡി.എഫിൽനിന്ന്​ ഭരണം പിടിച്ചേക്കുമെന്ന ഘട്ടത്തിൽവരെ​ ബി.ജെ.പിയുടെ അക്കങ്ങളെത്തിയിരുന്നു. 15 സീറ്റിൽ എൽ.ഡി.എഫ്​ ലീഡ്​ ചെയ്​ത ആ ഘട്ടത്തിൽ ബി.ജെ.പിക്ക്​ 14 സീറ്റിൽ ലീഡുണ്ടായിരുന്നു. കോഴിക്കോട്​ കോർപറേഷനിലും ഡസനിലധികം സീറ്റുകളിൽ ലീഡ്​ നേടിയ ബി.ജെ.പി ആ ഘട്ടത്തിൽ യു.ഡി.എഫിനെ രണ്ടാം സ്​ഥാനത്തേക്ക്​ പിന്തള്ളി.

പാർട്ടി അവകാശപ്പെട്ടതുപോലെ മികച്ച വിജയത്തിലേക്കാണ്​ കാര്യങ്ങളുടെ പോക്കെന്ന്​ കരുതിയെങ്കിലും പിന്നീട്​ എല്ലാം മാറിമറിഞ്ഞു. തിരുവനന്തപുരം കോർപറേഷൻ വ്യക്​തമായ മാർജിനിൽ എൽ.ഡി.എഫ്​ നിലനിർത്തി. കോഴിക്കോട്ട്​ ഒടുവിൽ ലഭിച്ചത്​ ഏഴു സീറ്റ്​. തൃശൂരിൽ മേയർ സ്​ഥാനാർഥി ബി. ഗോപാലകൃഷ്​ണൻ അടക്കം ​േതാൽവിയറിഞ്ഞപ്പോൾ ഇരുമുന്നണികളുടെയും ഇഞ്ചോടിഞ്ച്​ പോരാട്ടത്തിനിടയിൽ ഏറെ പിന്നിലേക്ക്​ പോവാനായിരുന്നു ബി.ജെ.പിയുടെ നിയോഗം. കഴിഞ്ഞ പാർലമെൻറ്​ തെരഞ്ഞെടുപ്പിൽ 18 ഡിവിഷനുകളിൽ ലീഡ്​ നേടിയ പാർട്ടിക്ക്​ ഇക്കുറി ജയിക്കാനായത്​ ആറു ഡിവിഷനിൽ മാത്രം.

തുടക്കത്തിൽ ലീഡ്​ നേടിയ ചെങ്ങന്നൂർ, ചങ്ങനാശ്ശേരി അടക്കമുള്ള മുനിസിപ്പാലിറ്റികളിലും ബി.ജെ.പിക്ക്​ ഭരണം നേടാനായില്ല. ​ഒടുവിൽ എല്ലാം എണ്ണിത്തീരു​േമ്പാൾ നഗരസഭകളിൽ കഴിഞ്ഞ തവണ നേടിയ പാലക്കാടിന്​ പുറമെ അക്കൗണ്ടിലെത്തിയത്​ പന്തളം മാത്രം. സംസ്​ഥാനതലത്തിൽ ജയിച്ച വാർഡുകളുടെ എണ്ണവും വോട്ടുശതമാനവും അൽപം വർധിപ്പിക്കാനായതിൽ ആ​ശ്വാസം കൊള്ളു​േമ്പാഴും ആശിച്ച തിരുവനന്തപുരം കോർപറേഷനടക്കം കൈവിട്ടുപോയ നിരാശയാണ്​ പാർട്ടി നേതാക്കളുടെ പ്രസ്​താവനകളിൽ തെളിയുന്നത്​.