നിരോധനാജ്ഞ നിലനിൽക്കെ ബി.ജെ.പി പ്രകടനം; 50 പേർക്കെതിരെ കേസ്

മാന്നാർ: നിരോധനാജ്ഞ ലംഘിച്ച്​ ബി.ജെ.പി പ്രകടനം നടത്തി. ആലപ്പുഴയിൽ ഒ. ബി. സി മോർച്ച സംസ്ഥാന സെക്രട്ടറി അഡ്വ. രഞ്ജിത്ത് ശ്രീനിവാസന്‍റെ കൊലപാതകത്തിൽ പ്രതിഷേധിച്ചു ജില്ലയിൽ നിലനിൽക്കുന്ന നിരോധനാജ്ഞ ലംഘിച്ച് മാന്നാറിൽ പ്രകടനം നടത്തിയതിന്‍റെ പേരിലാണ് കേസ് എടുത്തത്.

ബി. ജെ. പി മാന്നാർ മണ്ഡലം കമ്മറ്റി പ്രസിഡൻറ് സതീഷ് കൃഷ്ണനടക്കം കണ്ടാലറിയാവുന്ന 50 പേരെയാണ് പ്രതികളാക്കിയിട്ടുള്ളതെന്ന് പൊലീസ് വ്യക്തമാക്കി.