മഞ്ചേശ്വരത്തേത് രാഷ്ട്രീയ കൊലപാതകം അല്ലെന്ന് ബി.െജ.പി

കാസർകോട്: മഞ്ചേശ്വരത്ത് നടന്നത് രാഷ്ട്രീയ കൊലപാതകം അല്ലെന്ന് ബി.ജെ.പി സംസ്ഥാന അധ്യക്ഷൻ പി.എസ്. ശ്രീധരൻപിള്ള. മദ്യപിച്ചുണ്ടായ തർക്കമാണ് കൊലപാതകത്തിൽ കലാശിച്ചതെന്നും ശ്രീധരൻപിള്ള മാധ്യമങ്ങളോട് പറഞ്ഞു. 

മഞ്ചേശ്വരത്തെ കൊലപാതകം നിഷ്ഠൂരമാണ്. കൊല്ലപ്പെട്ടത് ഡി.വൈ.എഫ്.ഐ പ്രവർത്തകൻ ആയത് കൊണ്ട് രാഷ്ട്രീയ മുതലെടുപ്പിന് ശ്രമിക്കരുത്. സംഭവം പ്രാദേശിക വിഷയമാണെന്നും കുറ്റക്കാർ ശിക്ഷിക്കപ്പെടണമെന്നും ശ്രീധരൻപിള്ള വ്യക്തമാക്കി.