ബിനോയിക്കെതി​െര അന്വേഷണം വേണം;​ എൻ​ഫോഴ്​സ്​മെൻറിന്​ ബി.ജെ.പി പരാതി

കൊച്ചി: സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണ​​​​​​​െൻറ മകനെതിരായ സാമ്പത്തിക തട്ടിപ്പിനെപ്പറ്റി അന്വേഷിക്കണമെന്നാവശ്യപ്പെട്ട്​ ബി.ജെ.പി എൻഫോഴ്സ്മ​​​​​​െൻറിന്​ പരാതി നൽകി. ബി.ജെ.പി സംസ്​ഥാന ജനറൽ സെക്രട്ടറി എ.എൻ രാധാകൃഷ്​ണനാണ്​ എൻഫോഴ്​സ്​മ​​​​​െൻറ്​ ഡയറക്​ടർക്ക്​ പരാതി നൽകിയത്​. പണമിടപാടുകളിൽ ഹവാല ഇടപാടുകളും നടന്നിട്ടുണ്ടെന്ന് സംശയമുണ്ട്. സമാനമായ പരാതികൾ കോടിയേരിയുടെ മക്കളുടെ പേരിൽ നേരത്തേയും ഉയർന്നിട്ടുണ്ട്. ഇതേക്കുറിച്ചെല്ലാം സമഗ്ര അന്വേഷണം നടത്തണമെന്നാണ് ബി.ജെ.പിയുടെ ആവശ്യം.

എൻഫോഴ്​സ്​മ​​​​​െൻറ്​ ഡയറക്​ടറുമായി 15 മിനിറ്റ് കൂടിക്കാഴ്ച നടത്തി. പരാതി ലഭിച്ചതായി ഡയറക്ടർ സ്ഥിരീകരിച്ചെങ്കിലും നടപടികളെക്കുറിച്ച് മാധ്യമപ്രവർത്തകരോട് പ്രതികരിച്ചില്ല. എന്നാൽ പരാതിപ്രകാരം യുക്തമായ നടപടികൾ സ്വീകരിക്കണമെന്ന് ഡയറക്ടർ ഉറപ്പ് നൽകിയതായി എ.എൻ. രാധാകൃഷ്ണൻ പറഞ്ഞു. 

നേരത്തെ, സംസ്ഥാന അധ്യക്ഷൻ കുമ്മനം രാജശേഖരൻ എൻഫോഴ്​സ്​മ​​​​​െൻറ്​ അന്വേഷണം വേണമെന്ന്​ ആവശ്യപ്പെട്ടിരുന്നു. മക​​​​​​​െൻറ തട്ടിപ്പിനെപ്പറ്റി അറിവുണ്ടായിട്ടും അതിന് കൂട്ടുനിൽക്കുകയാണ് കോടിയേരി ചെയ്തത്. അതിനാൽ സംസ്ഥാന സർക്കാർ കേസെടുത്ത് അന്വേഷിക്കണം. കോടിയേരിയുടെ കുടുംബത്തി​​​​​​​െൻറ സാമ്പത്തിക സ്രോതസ്സിനെപ്പറ്റി എൻഫോഴ്സ്മ​​​​​​െൻറ്​ അന്വേഷിക്കണമെന്നും അദ്ദേഹം ആവശ്യപ്പെട്ടിരുന്നു.  ഈ ആവശ്യം ഉന്നയിച്ച് കേന്ദ്രത്തിന് കത്ത് നൽകുകയും ചെയ്​തിരുന്നു.