വി​ജ​യിച്ചത് ബി.​ജെ.​പി​യു​ടെ വി​ശാ​ല​ത​ന്ത്രം

മും​ബൈ: എ​ൻ.​സി.​പി​യെ ‘പി​ള​ർ​ത്തി’ അ​ജി​ത്പ​വാ​ർ ഏ​ക്നാ​ഥ് ഷി​ൻ​ഡെ പ​ക്ഷ ശി​വ​സേ​ന- ബി.​ജെ.​പി സ​ർ​ക്കാ​റി​ന്റെ ഭാ​ഗ​മാ​കു​മ്പോ​ൾ വി​ജ​യി​ക്കു​ന്ന​ത് ബി.​ജെ.​പി​യു​ടെ വി​ശാ​ല​ത​ന്ത്രം. മ​ഹാ​രാ​ഷ്ട്ര​യി​ൽ ഉ​ദ്ധ​വ് താ​ക്ക​റെ പ​ക്ഷ ശി​വ​സേ​ന, എ​ൻ.​സി.​പി, കോ​ൺ​ഗ്ര​സ് കൂ​ട്ടു​കെ​ട്ടി​ലെ മ​ഹാ വി​കാ​സ് അ​ഗാ​ഡി​യേ​യും (എം.​വി.​എ) ദേ​ശീ​യ​ത​ല​ത്തി​ലെ പ്ര​തി​പ​ക്ഷ കൂ​ട്ടാ​യ്മ​യെ​യും ദു​ർ​ബ​ല​പ്പെ​ടു​ത്താ​നു​ള്ള ബി.​ജെ.​പി ത​ന്ത്രം ഫ​ലം കാ​ണു​ന്നു​വെ​ന്നാ​ണ് അ​ജി​ത്പ​വാ​റി​ന്റെ കൂ​റു​മാ​റ്റം ചൂ​ണ്ടി​ക്കാ​ട്ടു​ന്ന​ത്. എം.​വി.​എ സ​ഖ്യം നി​ല​നി​ന്നാ​ൽ വ​രാ​നി​രി​ക്കു​ന്ന ലോ​ക്സ​ഭ, നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി​ക്ക് ദ​യ​നീ​യ പ​രാ​ജ​യം ഏ​റ്റു​വാ​ങ്ങേ​ണ്ടി വ​രു​മെ​ന്നാ​ണ് പാ​ർ​ട്ടി ആ​ഭ്യ​ന്ത​ര സ​ർ​വേ വ്യ​ക്ത​മാ​ക്കു​ന്ന​ത്. ഈ ​നി​ർ​ണാ​യ​ക ഘ​ട്ട​ത്തി​ലാ​ണ് ശി​വ​സേ​ന​ക്ക് പി​റ​കെ എ​ൻ. സി.​പി​യും പി​ള​രു​ന്ന​ത്. ഇ​തോ​ടെ വ​രാ​നി​രി​ക്കു​ന്ന തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി​ക്ക് മേ​ൽ​കൈ നേ​ടാ​നാ​കു​മെ​ന്നാ​ണ് ക​രു​തു​ന്ന​ത്.

എം.​വി.​എ​യു​ടെ ശി​ൽ​പി ശ​ര​ദ്പ​വാ​റി​നെ അ​ജി​ത്പ​വാ​റി​ന്റെ വി​മ​ത​നീ​ക്ക​ത്തി​ലൂ​ടെ നി​രാ​യു​ധ​നാ​ക്കാ​നാ​കു​മെ​ന്നാ​ണ് ബി.​ജെ.​പി ക​രു​തു​ന്ന​ത്. അ​ജി​ത് ബി.​ജെ.​പി​ക്കൊ​പ്പം പോ​കു​മെ​ന്ന് നേ​ര​ത്തേ ത​ന്നെ അ​ഭ്യൂ​ഹ​ങ്ങ​ളു​ണ്ടാ​യി​രു​ന്ന​താ​ണ്. അ​ന്നു​തൊ​ട്ട് എ​ൻ.​സി.​പി​യു​ടെ പ്ര​ധാ​ന യോ​ഗ​ങ്ങ​ളി​ൽ അ​ജി​ത് മാ​റ്റി​നി​ർ​ത്ത​പ്പെ​ട്ടു. ഒ​ടു​വി​ൽ വി​ശ്വ​സ്ത​നാ​യി​രു​ന്ന പ്ര​ഫു​ൽ പ​ട്ടേ​ലി​നൊ​പ്പം മ​ക​ൾ സു​പ്രി​യ സു​ലെ​യെ പാ​ർ​ട്ടി​യു​ടെ ദേ​ശീ​യ പ്ര​സി​ഡ​ന്റാ​യി പ്ര​ഖ്യാ​പി​ച്ച് പ​വാ​ർ ജ്യേ​ഷ്ഠ പു​ത്ര​നാ​യ അ​ജി​ത്ത​ല്ല, മ​ക​ളാ​ണ് ത​ന്റെ പി​ൻ​ഗാ​മി​യെ​ന്ന് അ​ടി​വ​ര​യി​ടു​ക​യും ചെ​യ്തു. തൊ​ട്ടു​പി​റ​കെ പ്ര​തി​പ​ക്ഷ നേ​താ​വ് പ​ദ​വി​യ​ല്ല, പാ​ർ​ട്ടി​യി​ൽ പ്ര​ധാ​ന റോ​ൾ വേ​ണ​മെ​ന്ന് അ​ജി​ത് നി​ല​പാ​ട് ക​ടു​പ്പി​ച്ചു. അ​ജി​ത്തി​ന്റെ ആ​വ​ശ്യം ഉ​ൾ​പ്പെ​ടെ​യു​ള്ള കാ​ര്യ​ങ്ങ​ൾ ച​ർ​ച്ച ചെ​യ്യാ​ൻ ആ​റി​ന് പ​വാ​ർ യോ​ഗം വി​ളി​ച്ചി​രി​ക്കെ​യാ​ണ് ഞാ​യ​റാ​ഴ്ച അ​ജി​ത് ബി.​ജെ.​പി​യു​മാ​യി കൈ​കോ​ർ​ക്കു​ന്ന​ത്. പാ​ർ​ട്ടി നേ​തൃ​ത്വ​ത്തോ​ടു​ള്ള അ​ജി​ത്തി​ന്റെ വെ​ല്ലു​വി​ളി​ക്കൊ​പ്പം, ബി.​ജെ.​പി നേ​താ​വാ​യ ഉ​പ മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്‌​നാ​വി​സി​ന്റെ പ​വാ​റി​ന് നേ​രെ​യു​ള്ള വെ​ല്ലു​വി​ളി​യും ചേ​ർ​ത്തു വാ​യി​ക്ക​പ്പെ​ടു​ന്നു.

അ​ജി​ത്പ​വാ​റി​നൊ​പ്പം പോ​യ​വ​രി​ൽ ഛഗ​ൻ ഭു​ജ്ബ​ൽ, ദി​ലീ​പ് വ​ൽ​സേ പാ​ട്ടീ​ൽ, ഹ​സ​ൻ മു​ശ​രി​ഫ് തു​ട​ങ്ങി​യ പ​വാ​റി​ന്റെ വി​ശ്വ​സ്ത​രു​മു​ണ്ട്. മ​റ്റൊ​രു വി​ശ്വ​സ്ത​ൻ സു​നി​ൽ ത​ത്ക​രെ​യു​ടെ മ​ക​ളും അ​ജി​ത്തി​നൊ​പ്പം മ​ന്ത്രി​യാ​യി പ്ര​തി​ജ്ഞ ചെ​യ്തു. പ്ര​ഫു​ൽ പ​ട്ടേ​ലും അ​ജി​ത്തി​നോ​ടൊ​പ്പ​മാ​ണ്. അ​ജി​ത്തി​ന്റെ വി​മ​ത​നീ​ക്കം പ​വാ​റി​ന്റെ അ​റി​വോ​ടെ​യാ​ണോ​യെ​ന്ന സം​ശ​യ​ത്തി​നാ​ണ് ഇ​ത് ഇ​ട​വെ​ക്കു​ന്ന​ത്.

അ​ജി​ത്ത് ഉ​ൾ​പ്പെ​ടെ​യു​ള്ള വി​മ​ത​ർ വി​വി​ധ ഏ​ജ​ൻ​സി​ക​ളു​ടെ അ​ന്വേ​ഷ​ണം നേ​രി​ടു​ന്ന​വ​രാ​ണ്. പ​ഞ്ച​സാ​ര സ​ഹ​ക​ര​ണ ഫാ​ക്ട​റി​യു​മാ​യി ബ​ന്ധ​പ്പെ​ട്ട ഇ.​ഡി കേ​സി​ൽ ഹ​സ​ൻ മു​ശ​രി​ഫ് ബോം​ബെ ഹൈ​കോ​ട​തി അ​നു​വ​ദി​ച്ച മു​ൻ​കൂ​ർ ജാ​മ്യ​ത്തി​ലാ​ണ്. ഈ​യി​ടെ​യാ​ണ്, 70,000 കോ​ടി രൂ​പ​യു​ടെ ജ​ല​സേ​ച​ന​പ​ദ്ധ​തി അ​ഴി​മ​തി​ക്കേ​സി​ൽ എ​ൻ.​സി.​പി നേ​താ​ക്ക​ൾ​ക്കെ​തി​രെ ന​ട​പ​ടി ഉ​ണ്ടാ​കു​മെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി സൂ​ച​ന ന​ൽ​കി​യ​ത്. ജ​ല​സേ​ച​ന, സ​ഹ​ക​ര​ണ ബാ​ങ്ക് അ​ഴി​മ​തി​ക്കേ​സു​ക​ളി​ൽ ജ​പ്തി നോ​ട്ടീ​സും അ​ന്വേ​ഷ​ണ​വും നേ​രി​ടു​ക​യാ​ണ് അ​ജി​ത്പ​വാ​ർ. അ​ധോ​ലോ​ക നേ​താ​വ് ദാ​വൂ​ദ് ഇ​ബ്രാ​ഹി​മി​ന്റെ കൂ​ട്ടാ​ളി ഇ​ക്ബാ​ൽ മി​ർ​ച്ചി​യു​ടെ കെ​ട്ടി​ട ഇ​ട​പാ​ട് കേ​സി​ൽ പ്ര​ഫു​ൽ പ​ട്ടേ​ലും അ​ന്വേ​ഷ​ണം നേ​രി​ടു​ന്നു.

അ​തേ​സ​മ​യം, കു​ടും​ബ​ക്കാ​ര​ണ​വ​ർ കൂ​ടി​യാ​യ ശ​ര​ദ് പ​വാ​റി​ന്റെ നി​ഴ​ലി​ൽ​നി​ന്ന് മാ​റി സ്വ​ന്ത​മാ​യ രാ​ഷ്ട്രീ​യ ഇ​ടം അ​ജി​ത്പ​വാ​ർ ആ​ഗ്ര​ഹി​ക്കു​ന്നു​മു​ണ്ട്. മു​ഖ്യ​മ​ന്ത്രി​പ​ദ​മാ​ണ് അ​ജി​ത്തി​ന്റെ ല​ക്ഷ്യം.