ഈ​സ്റ്റ​ർ ദി​ന സ്വീ​കാ​ര്യ​ത ല​ഭി​ക്കി​ല്ലെ​ന്ന ആ​ശ​ങ്ക; ബി.ജെ.പിയുടെ പെരുന്നാൾ ഗൃഹസന്ദർശനം പാളി

തി​രു​വ​ന​ന്ത​പു​രം: ഈ​സ്റ്റ​ർ ദി​ന​ത്തി​ലെ​പോ​ലെ സ്വീ​കാ​ര്യ​ത ല​ഭി​ക്കി​ല്ലെ​ന്ന ആ​ശ​ങ്ക​യിൽ ​ബി.ജെ.പിയുടെ പെരുന്നാൾ ഗൃഹസന്ദർശനം പാളി. അ​ണി​ക​ളു​ടെ എ​തി​ർ​പ്പ്​ പ​രി​ഗ​ണി​ച്ചും​ ബി.​ജെ.​പി പെ​രു​ന്നാ​ൾ ദി​ന​ത്തി​ലെ മു​സ്​​ലിം ഗൃ​ഹ​സ​ന്ദ​ർ​ശ​ന പ​രി​പാ​ടി പേ​രി​ന്​ മാ​ത്ര​മാ​യി ചു​രു​ങ്ങുമെന്ന് നേരത്തെ തന്നെ അഭിപ്രായമുയർന്നിരുന്നു. ഇതിനുപുറമെ, പ്രധാന നഗരങ്ങൾ കേന്ദ്രീകരിച്ച് നടത്തിയാൽ മതിയെന്നും കരുതിയിരുന്നു. എന്നാൽ, എല്ലാം എട്ടു നിലയിൽ പൊട്ടിയിരിക്കുകയാണ്. പ്രതികരണം മോശമാകുമെന്ന ഭയമാണ് പിൻമാറ്റത്തിന് പിന്നിലെന്ന് പറയുന്നു.

തി​ങ്ക​ളാ​ഴ്ച കൊ​ച്ചി​യി​ലെ​ത്തു​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി ബി.​ജെ.​പി നേ​തൃ​ത്വ​ത്തി​ൽ സം​ഘ​ടി​പ്പി​ക്കു​ന്ന ​റോ​ഡ്​​ഷോ, യു​വാ​ക്ക​ളു​മാ​യു​ള്ള ആ​ശ​യ​വി​നി​മ​യം എ​ന്നി​വ​യി​ലൊ​ക്കെ പ​​ങ്കെ​ടു​ക്കു​ന്നു​ണ്ട്. ഇ​തി​ന്‍റെ ഒ​രു​ക്ക​ത്തി​നാ​യി സു​രേ​ന്ദ്ര​ൻ ഉ​ൾ​പ്പെ​ടെ പ്ര​ധാ​ന നേ​താ​ക്ക​ളെ​ല്ലാം കൊ​ച്ചി​യി​ലാ​ണ്. അ​തി​നാ​ൽ ഭ​വ​ന​സ​ന്ദ​ർ​ശ​നം ഇ​ല്ലെ​ന്നാ​ണ് നേ​തൃ​ത്വവുമായി ബന്ധപ്പെട്ടവർ സൂചിപ്പിക്കുന്നത്. എ​ന്നാ​ൽ ക്രി​സ്മ​സ്, ഈ​സ്റ്റ​ർ, വി​ഷു ദി​ന പ​രി​പാ​ടി​ക​ൾ​ക്ക്​ ല​ഭി​ച്ച പി​ന്തു​ണ മു​സ്​​ലിം വി​ഭാ​ഗ​ത്തി​ൽ​നി​ന്ന്​ ല​ഭി​ക്കി​ല്ലെ​ന്ന വി​ല​യി​രു​ത്ത​ലി​നെ തുടർന്നുള്ള​ പി​ൻ​വ​ലി​യ​ൽ ആ​ണി​തെ​ന്ന് വ്യകതമാണ്.

കേ​ര​ള പ്ര​ഭാ​രി പ്ര​കാ​ശ്​ ജാ​വ​ദേ​ക്ക​റു​ടെ നി​ർ​ദേ​ശാ​നു​സ​ര​ണ​മാ​ണ്​ ആ​ലോ​ചി​ച്ച​തെ​ങ്കി​ലും പ്രവർത്തകർ​ക്ക്​ പ​രി​പാ​ടി​യി​ൽ അ​ത്ര താ​ൽ​പ​ര്യ​മി​ല്ല. ക്രി​സ്ത്യ​ൻ വോ​ട്ട്​ ബാ​ങ്കി​ലേ​ക്കു​ള്ള പ്ര​വേ​ശ​നം പോ​ലെ മു​സ്​​ലിം വോ​ട്ട്​ ല​ഭി​ക്കി​ല്ലെ​ന്നും പാ​ർ​ട്ടി വി​ല​യി​രു​ത്തു​ന്നു. പ്ര​കോ​പ​ന​പ​ര​മാ​യ ന​ട​പ​ടി​ക​ളു​ണ്ടാ​കു​മോ​യെ​ന്ന ആ​ശ​ങ്ക​യും ബി.​ജെ.​പി​ കേരളഘടത്തിനുണ്ട്.

എന്നാൽ, ക്രി​സ്ത്യ​ൻ സ​മു​ദാ​യ​ത്തെ പ്രീ​ണി​പ്പി​ക്കാ​നു​ള്ള ശ്ര​മ​ങ്ങ​ൾ തു​ട​രാ​നാ​ണ് തീ​രു​മാ​നം. പ​ല ക്രി​സ്ത്യ​ൻ രാ​ഷ്ട്രീ​യ നേ​താ​ക്ക​ളും ബി.​ജെ.​പി​യോ​ട്​ ചേ​ർ​ന്ന്​ പ്ര​വ​ർ​ത്തി​ക്കാ​ൻ ത​യാ​റാ​യ​തും പ്ര​തീ​ക്ഷ ന​ൽ​കു​ന്നുണ്ട്.