ഒരു കോടിയുടെ കുഴൽപണവുമായി രണ്ട്​​ പേർ അറസ്​റ്റിൽ

പെരിന്തൽമണ്ണ: ഒരു കോടിയുടെ കുഴൽപണവുമായി രണ്ട്​ പേർ പെരിന്തൽമണ്ണ പൊലീസി​​െൻറ പിടിയിലായി. കുഴിമണ്ണ കിഴിശ്ശേരി പനങ്ങോട്ടിൽ മുജീബ്​ റഹ്​മാൻ (38), മൊറയൂർ കാട്ടിപ്പരുത്തി മുഹമ്മദ്​ ബഷീർ (47) എന്നിവരെയാണ്​ പെരിന്തൽമണ്ണ ഡിവൈ.എസ്​.പി മോഹനചന്ദ്രൻ, സി.​െഎ ടി.എസ്​. ബിനു എന്നിവരുടെ നേതൃത്വത്തിലുള്ള സംഘം അറസ്​റ്റ്​ ചെയ്​തത്​.

1,01,50,000 രൂപയും പിടി​െച്ചടുത്തു. 2,000, 500 രൂപയുടെ നോട്ടുകെട്ടുകളാണ്​ പിടിച്ചെടുത്തത്​. പെരിന്തൽമണ്ണ ടൗണിൽ വാഹന പരിശോധനക്കിടെ കൈകാണിച്ചിട്ടും നിർത്താതെ പോയ കാർ അങ്ങാടിപ്പുറത്ത്​ തടഞ്ഞ്​ നിർത്തി പരിശോധിച്ചതിലാണ്​ മതിയായ രേഖകളില്ലാതെ കൊണ്ടുവന്ന പണം പിടിച്ചെടുത്തത്​. കാറി​​െൻറ മുൻഭാഗത്ത്​ സീറ്റിനടിയിൽ പ്രത്യേക അറകളുണ്ടാക്കി ഒളിപ്പിച്ച നിലയിലായിരുന്നു പണം. കോയമ്പത്തൂർ ഭാഗത്ത്​ നിന്ന്​ വള്ളുവ​മ്പ്രം, വേങ്ങര, കൊടുവള്ളി എന്നീ മേഖലയിൽ വിതരണത്തിനായി കൊണ്ടുപോവുകയായിരുന്നുവെന്ന്​ സൂചന ലഭിച്ചതായി പൊലീസ്​ പറഞ്ഞു.

വിവിധ കേസുകളിലായി പത്ത്​ കോടിയുടെ നിരോധിത കറൻസി പിടികൂടിയതുമായി ബന്ധപ്പെട്ട കേസിൽ വിതരണക്കാരെ കുറിച്ചുള്ള അന്വേഷണത്തി​​െൻറ ഭാഗമായാണ്​ വാഹന പരിശോധനയും തുടർന്ന്​ കുഴൽപണം പിടച്ചെടുത്തതെന്നും പൊലീസ്​ പറഞ്ഞു. എസ്​.​െഎ ഖമറുദ്ദീൻ, എ.എസ്​.​െഎ മോഹൻദാസ്​, വിജയകുമാർ, അഷ്​റഫ്​, ദിനേഷ്​, അജീഷ്​, പ്രമോദ്​, അനൂപ്​, പ്രബേഷൻ എസ്​.െഎ എം.ബി. രാജേഷ്​, അഡീഷനൽ എസ്​.​െഎ നരേന്ദ്രൻ, എൻ.വി. ഷബീർ എന്നിവരടങ്ങിയ സംഘമാണ്​ പണം പിടികൂടിയത്​.