മുഖ്യമന്ത്രിയെ ദൈവമായി ചിത്രീകരിച്ച ബോർഡ്; പാ​ർ​ട്ടിക്ക് ബന്ധമില്ലെന്ന് സി.പി.എം

വ​ളാ​ഞ്ചേ​രി: മു​ഖ്യ​മ​ന്ത്രി പി​ണ​റാ​യി വി​ജ​യ​നെ ദൈ​വ​മാ​യി ചി​ത്രീ​ക​രി​ച്ച്​ ക്ഷേ​ത്ര​ത്തി​ന് സ​മീ​പം സ്ഥാ​പി​ച്ച ബോ​ർ​ഡ് സാ​മൂ​ഹി​ക​മാ​ധ്യ​മ​ങ്ങ​ളി​ൽ ച​ർ​ച്ച​യാ​യി. ര​ണ്ടാ​മ​തും മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്​​ത​തി​നോ​ട​നു​ബ​ന്ധി​ച്ച് വ​ളാ​ഞ്ചേ​രി വൈ​ക്ക​ത്തൂ​ർ പ​ച്ചീ​രി മ​ഹാ​വി​ഷ്ണു ക്ഷേ​ത്ര​ത്തി​ന് സ​മീ​പം സ്ഥാ​പി​ച്ചി​രു​ന്ന ബോ​ർ​ഡാ​ണ് വി​വാ​ദ​മാ​യ​ത്.

എ​ന്നാ​ൽ, ഈ ​ബോ​ർ​ഡ്​ ക്ഷേ​ത്ര പ​രി​സ​ര​ത്തു​നി​ന്ന്​ മാ​റ്റി​യി​ട്ട്​ കു​റ​ച്ച്​ ദി​വ​സ​ങ്ങ​ളാ​യി. ബോ​ർ​ഡു​മാ​യി പാ​ർ​ട്ടി​ക്കോ വ​ർ​ഗ ബ​ഹു​ജ​ന സം​ഘ​ട​ന​ക​ൾ​ക്കോ ബ​ന്ധ​മി​ല്ലെ​ന്ന്​ സി.​പി.​എം ലോ​ക്ക​ൽ ക​മ്മി​റ്റി ഭാ​ര​വ​ഹി​ക​ൾ പ​റ​ഞ്ഞു. ''ആ​രാ​ണ് ദൈ​വ​മെ​ന്ന് നി​ങ്ങ​ൾ ചോ​ദി​ച്ചു, അ​ന്നം ത​രു​ന്ന​വ​നെ​ന്ന് ജ​നം പ​റ​ഞ്ഞു. കേ​ര​ള​ത്തി​െൻറ ദൈ​വം'' ഇ​താ​ണ് ബോ​ർ​ഡി​ലു​ണ്ടാ​യി​രു​ന്ന വ​രി​ക​ൾ. ആ​രാ​ണ് സ്ഥാ​പി​ച്ച​തെ​ന്ന് സൂ​ചി​പ്പി​ക്കു​ന്ന ത​ര​ത്തി​ൽ ഏ​തെ​ങ്കി​ലും സം​ഘ​ട​ന​യു​ടെ പേ​രു​ക​ൾ ഇ​തി​ല​ു​ണ്ടാ​യി​രു​ന്നി​ല്ല.

സി.​പി.​എം നേ​താ​ക്ക​ളു​ടെ​യും മ​ന്ത്രി​മാ​രു​ടെ​യും ചി​ത്ര​ങ്ങ​ളും അ​വ​ർ പ​റ​ഞ്ഞ​തെ​ന്ന​വ​കാ​ശ​പ്പെ​ട്ട്​ ചി​ല വാ​ച​ക​ങ്ങ​ളു​മാ​യി അ​യ്യ​പ്പ വി​ശ്വാ​സി​ക​ളു​ടെ പേ​രി​ൽ മ​റ്റൊ​രു ബോ​ർ​ഡും നേ​ര​ത്തേ ഇ​വി​ടെ സ്ഥാ​പി​ച്ചി​രു​ന്നു. ഇ​തും മാ​റ്റി​യി​രു​ന്നു. ഇ​തി​ന് സ​മീ​പ​ത്താ​യാ​ണ് മു​ഖ്യ​മ​ന്ത്രി​യു​ടെ ചി​ത്ര​ത്തോ​ട്​ കൂ​ടി ബോ​ർ​ഡു​ണ്ടാ​യി​രു​ന്ന​ത്. മു​ഖ്യ​മ​ന്ത്രി​യു​ടെ ചി​ത്ര​മു​ള്ള ബോ​ർ​ഡി​നെ പ​രി​ഹ​സി​ച്ച്​ ''ര​ണ്ട് പ്ര​തി​ഷ്ഠ​യാ​ണ​വി​ടെ, ഒ​ന്ന് അ​നു​ഗ്ര​ഹം ത​രു​ന്ന വൈ​കു​ണ്ഠ​ത്തി​െൻറ ദൈ​വം -പ​ച്ചീ​രി വി​ഷ്ണു. ര​ണ്ട് അ​ന്നം ത​രു​ന്ന കേ​ര​ള​ത്തി​െൻറ ദൈ​വം -പ​ച്ച​രി വി​ജ​യ​ൻ'' എ​ന്ന് മു​ൻ എം.​എ​ൽ.​എ വി.​ടി. ബ​ൽ​റാം ഫേ​സ്​ ബു​ക്കി​ൽ കു​റി​ച്ചു.