ചേതനയറ്റ അവർ നാലുപേരും വിമാനത്തിൽ നാട്ടിലെത്തും; ഉറ്റവരുടെ അന്ത്യചുംബനം ഏറ്റുവാങ്ങാൻ

ക​ള​മ​ശ്ശേ​രി: കൈനിറയെ പണവും പുത്തൻവസ്ത്രങ്ങളുമായി തിരികെ വരുന്നതും കാത്തിരിക്കുന്ന കുടുംബാംഗങ്ങളുടെ അടുത്തേക്ക് അവർ നാലുപേരും ചേതനയറ്റ നിലയിൽ ഞായറാഴ്ച എത്തും. കുടുംബം പുലർത്താൻ എല്ലുമുറിയെ പണിയെടുക്കുന്നതിനിടെ അപ്രതീക്ഷിത ദുരന്തത്തിൽ ജീവൻ പൊലിഞ്ഞ പശ്ചിമബംഗാൾ സ്വദേശികളുടെ മൃതദേഹങ്ങളാണ് ഞായറാഴ്ച രാവിലെ വിമാനത്തിൽ നാട്ടിലെത്തിക്കുക.

കി​ൻ​ഫ്ര ഇ​ല​ക്​​ട്രോ​ണി​ക് സി​റ്റി​യി​ൽ മ​ണ്ണി​ടി​ച്ചി​ലി​ൽ മ​രി​ച്ച നൂ​റു​ൽ അ​മീ​ൻ മ​ണ്ഡ​ൽ, കൊ​ദൂ​സ് മ​ണ്ഡ​ൽ, ഫൗ​ജു​ൽ മ​ണ്ഡ​ൽ, നൗ​ജേ​ഷ് ഷാ​ലി എ​ന്നി​വ​രു​ടെ മൃ​ത​ദേ​ഹ​ങ്ങ​ൾ ഞാ​യ​റാ​ഴ്ച രാ​വി​ലെ നെ​ടു​മ്പാ​ശ്ശേ​രി​യി​ൽ​നി​ന്ന്​ യാത്രയാക്കും. പ​ശ്ചി​മ ബം​ഗാ​ളി​​ലെ നോ​ർ​ത്ത് 24 പ​ർ​ഗ​നാ​സ് ജി​ല്ല​യി​ലാണ് വരുടെ സ്വദേശം. സ​ർ​ക്കാ​ർ ചെ​ല​വി​ലാ​ണ് മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കു​ന്ന​ത്.

ശ​നി​യാ​ഴ്ച ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ടം ന​ട​ത്തി​യ മൃ​ത​ദേ​ഹ​ങ്ങ​ൾ മോ​ർ​ച്ച​റി​യി​ൽ സൂ​ക്ഷി​ച്ചി​രി​ക്കു​ക​യാ​ണ്. വെ​ള്ളി​യാ​ഴ്ച ഉ​ച്ച​ക്ക്​ 2.30ഓ​ടെ​യാ​ണ്​ നാ​ല് പേ​രു​ടെ മ​ര​ണ​ത്തി​ന് ഇ​ട​യാ​ക്കി​യ സം​ഭ​വം ക​ള​മ​ശ്ശേ​രി കി​ൻ​ഫ്ര പാ​ർ​ക്കി​ലെ ഇ​ല​ക്​​ട്രോ​ണി​ക് സി​റ്റി​യി​ൽ ഉ​ണ്ടാ​യ​ത്. ഒ​രാ​ഴ്ച മു​മ്പ് നാ​ട്ടി​ൽ​നി​ന്ന്​ ഇ​വി​ടെ എ​ത്തി​യ 25 പേ​ര​ട​ങ്ങി​യ തൊ​ഴി​ലാ​ളി​ക​ൾ 30 അ​ടി​യോ​ളം താ​ഴ്ച​യി​ലു​ള്ള കു​ഴി​യി​ൽ പ​ണി​യെ​ടു​ത്ത് കൊ​ണ്ടി​രി​ക്കെ​യാ​ണ് മ​ണ്ണി​ടി​ഞ്ഞ് അ​പ​ക​ടം ഉ​ണ്ടാ​യ​ത്.

സം​ഭ​വ​ത്തി​ൽ ജി​ല്ല ക​ല​ക്ട​ർ ജാ​ഫ​ർ മാ​ലി​ക്കി​ന്‍റെ നി​ർ​ദേ​ശ​പ്ര​കാ​രം എ. ​ഡി. എം ​എ​സ്.​ഷാ​ജ​ഹാ​ന്‍റെ നേ​തൃ​ത്വ​ത്തി​ലു​ള്ള സം​ഘം അ​ന്വേ​ഷ​ണം ആ​രം​ഭി​ച്ചു. അ​സ്വാ​ഭാ​വി​ക മ​ര​ണ​ത്തി​ൽ പൊ​ലീ​സ് കേ​സെ​ടു​ത്തു.

റി​പ്പോ​ർ​ട്ട് ല​ഭി​ക്കു​ന്ന​ത​നു​സ​രി​ച്ച് ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന് ക​ള​മ​ശ്ശേ​രി സി.​ഐ സ​ന്തോ​ഷ് പ​റ​ഞ്ഞു. അ​തേ​സ​മ​യം മ​രി​ച്ച തൊ​ഴി​ലാ​ളി​ക​ൾ​ക്കു​ള്ള ന​ഷ്ട​പ​രി​ഹാ​ര​ത്തി​ന്‍റെ കാ​ര്യ​ത്തി​ൽ സ​ർ​ക്കാ​റാ​ണ് തീ​രു​മാ​ന​മെ​ടു​ക്കേ​ണ്ട​തെ​ന്നാ​ണ് റ​വ​ന്യൂ വ​കു​പ്പ് ഉ​ദ്യോ​ഗ​സ്ഥ​ർ പ​റ​യു​ന്ന​ത്.