നാല് മാസം പ്രായമായ കുഞ്ഞിന്‍റെ മൃതദേഹം കിണറ്റിൽ

പാപ്പിനിശ്ശേരി: കണ്ണൂർ പാപ്പിനിശ്ശേരി മാങ്കടവ് പാറക്കലിൽ നാല് മാസം പ്രായമായ കുഞ്ഞിനെ കിണറ്റിൽ മരിച്ച നിലയിൽ കണ്ടെത്തി. വാടക മുറിയിൽ താമസിക്കുന്ന തമിഴ്നാട് സ്വദേശികളായ ദമ്പതികളായ മുത്തുവിന്റെയും അക്കമ്മലിന്റെയും മകളാണ് മരിച്ചത്.

ഇന്നലെ അർധരാത്രിയോടെയാണ് കിണറ്റിൽ മൃതദേഹം കണ്ടെത്തിയത്. മരണത്തിലെ ദുരൂഹതയെ തുടർന്ന് മുറിയിൽ ഉണ്ടായിരുന്നവരെ വളപട്ടണം പൊലീസ് ചോദ്യം ചെയ്യുകയാണ്. വളപട്ടണം സ്റ്റേഷൻ ഹൗസ് ഓഫിസർ ടി.പി. സുമേഷിൻ്റെ നേതൃത്വത്തിൽ അന്വേഷണം തുടങ്ങി.