കണ്ണൂരിൽ കോൺഗ്രസ് നേതാവിന്‍റെ വീടിന് നേരെ ബോംബേറ്

കണ്ണൂർ: തലശ്ശേരി മൂഴിക്കരയിൽ കോൺഗ്രസ് നേതാവിന്‍റെ വീടിന് നേരെ ബോംബേറ്. കോടിയേരി ബ്ലോക്ക് നിർവാഹക സമിതി അംഗം പി.എം. കനകരാജിന്റെ വീടിന് നേരെയാണ് ബോംബ് എറിഞ്ഞത്.

ചൊവ്വാഴ്ച അർധ രാത്രിയോടെയാണ് സംഭവം. കനകരാജിന്റെ പ്രായമായ അമ്മയും ഭാര്യയും മാത്രമാണ് വീട്ടിലുണ്ടായിരുന്നത്. സംഭവത്തിൽ ന്യൂമാഹി പൊലീസ് അന്വേഷണം തുടങ്ങി.