ബോം​ബെ​റി​ഞ്ഞ​തും മ​രി​ച്ച​തു​മെ​ല്ലാം സി.​പി.​എ​മ്മു​കാ​ർ; എങ്ങുംതൊടാതെ പൊലീസ്

ക​ണ്ണൂ​ർ: ക​ല്യാ​ണ ആ​ഘോ​ഷ​ത്തി​നി​​ടെ, ബോം​ബേ​റി​ൽ യു​വാ​വ്​ കൊ​ല്ല​പ്പെ​ട്ട സം​ഭ​വ​ത്തി​ൽ എ​ങ്ങും തൊ​ടാ​തെ പൊ​ലീ​സ്. നാ​ടി​നെ ന​ടു​ക്കി​യ കൊ​ല​പാ​ത​ക​ത്തി​ലേ​ക്ക്​ ന​യി​ച്ച കാ​ര്യ​ങ്ങ​ളി​ൽ ഇ​തു​വ​രെ​യു​ള്ള അ​ന്വേ​ഷ​ണ​ത്തി​ൽ ല​ഭി​ച്ച വി​വ​ര​ങ്ങ​ളി​ൽ ചി​ല​ത്​ മാ​ത്ര​മാ​ണ്​ പൊ​ലീ​സ്​ പു​റ​ത്തു​വി​ടു​ന്ന​ത്. ത​ല ചി​ന്നി​ച്ചി​ത​റി​യ നി​ല​യി​ലാ​ണ്​ മൃ​ത​ദേ​ഹം ക​ണ്ടെ​ത്തി​യ​ത്. ഉ​​ഗ്ര​ശേ​ഷി​യു​ള്ള ബോം​ബാ​ണ്​ പ്ര​യോ​ഗി​ച്ച​തെ​ന്ന്​ വ്യ​ക്​​തം. എ​ന്നാ​ൽ, ഏ​റു​പ​ട​ക്കം വാ​ങ്ങി സ്‌​ഫോ​ട​ക​വ​സ്തു​ക്ക​ൾ ചേ​ർ​ത്താ​ണ് ആ​ക്ര​മി​ക​ൾ നാ​ട​ൻ ബോം​ബു​ണ്ടാ​ക്കി​യ​തെ​ന്നാ​ണ്​ പൊ​ലീ​സ്​ വി​ശ​ദീ​ക​രി​ച്ച​ത്. ക​ല്യാ​ണ​വീ​ട്ടി​ൽ ത​മ്മി​ൽ ത​ല്ലി​യ ര​ണ്ടു സം​ഘ​ങ്ങ​ളും ബോം​ബെ​റി​ഞ്ഞ​തും ബോം​ബ്​ ത​ല​യി​ൽ വീ​ണ്​ മ​രി​ച്ച​തു​മെ​ല്ലാം സി.​പി.​എ​മ്മു​കാ​രാ​ണ്.

പൊ​ലീ​സി​ന്‍റെ മെ​ല്ലെ​പ്പോ​ക്ക്​ ന​യ​ത്തി​ന്​ പി​ന്നി​ലു​ള്ള കാ​ര​ണ​വും അ​താ​ണെ​ന്നാ​ണ്​ ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. ഇ​ക്കാ​ര്യം ഉ​ന്ന​യി​ച്ച്​ പ്ര​തി​പ​ക്ഷ പാ​ർ​ട്ടി​ക​ൾ രം​ഗ​ത്തു​വ​ന്നി​ട്ടു​ണ്ട്.

പൊ​ലീ​സ്​ ന​ട​പ​ടി​യി​ൽ വീ​ഴ്ച​യി​ല്ലെ​ന്ന്​ വി​ശ​ദീ​ക​രി​ക്കു​മ്പോ​ഴും സം​ഭ​വി​ച്ച​ത്​ എ​ന്താ​ണ്, ആ​രൊ​ക്കെ​യാ​ണ്​ ഉ​ൾ​പ്പെ​ട്ട​തെ​ന്ന കാ​ര്യ​ങ്ങ​ളി​ൽ​ പൊ​ലീ​സ്​ മൗ​നം​പാ​ലി​ക്കു​ക​യാ​ണ്. ക​ല്യാ​ണ​വീ​ട്ടി​ൽ സം​ഭ​വ​സ​മ​യ​ത്ത് ആ​ക്ര​മി​സം​ഘ​ത്തി​ൽ​ ഉ​ണ്ടാ​യി​രു​ന്ന​വ​രി​ൽ നാ​ലു​പേ​രെ മാ​ത്ര​മാ​ണ്​ ഇ​തു​വ​രെ ക​സ്​​റ്റ​ഡി​യി​ലെ​ടു​ത്ത​ത്. അ​റ​സ്റ്റി​ലാ​യ പ്ര​തി​ക​ൾ​ക്ക​പ്പു​റ​ത്തേ​ക്ക്​ അ​ന്വേ​ഷ​ണം​പോ​യി​ട്ടു​മി​ല്ല. സം​ഘ​ത്തി​ലു​ള്ള മ​റ്റു​ള്ള​വ​ർ ഒ​ളി​വി​ലാ​ണ്. ഇ​വ​രെ​ക്കു​റി​ച്ചും പൊ​ലീ​സ്​ ഒ​ന്നും പ​റ​യു​ന്നി​ല്ല.

ക​ല്യാ​ണ​വീ​ട്ടി​ൽ വ​ര​ന്‍റെ സു​ഹൃ​ത്തു​ക്ക​ൾ ബോം​ബു​മാ​യി വ​ന്ന സാ​ഹ​ച​ര്യം ഗൗ​ര​വ​ത്തി​ൽ അ​ന്വേ​ഷി​ക്കേ​ണ്ട​താ​ണ്. ഇ​വ​ർ​ക്ക്​ ​ഉ​ഗ്ര​ശേ​ഷി​യു​ള്ള ബോം​ബ്​ എ​ങ്ങ​നെ ല​ഭി​ച്ചു​വെ​ന്ന​തും അ​ന്വേ​ഷ​ണ​ത്തി​ൽ നി​ർ​ണാ​യ​ക​മാ​ണ്. ക​ണ്ണൂ​രി​ൽ ​ബോം​ബ്​ നി​ർ​മി​ക്കു​ന്ന​തും സൂ​ക്ഷി​ക്കു​ന്ന​തും രാ​ഷ്ട്രീ​യ പാ​ർ​ട്ടി​ക​ളു​മാ​യി ബ​ന്ധ​​പ്പെ​ട്ട സം​ഘ​ങ്ങ​ളാ​ണ്. ഈ ​സം​ഭ​വ​ത്തി​ൽ ​ഉ​ൾ​പ്പെ​ട്ട​വ​രെ​ല്ലാം സി.​പി.​എ​മ്മു​മാ​യി അ​ടു​ത്ത ബ​ന്ധ​മു​ള്ള​വ​രാ​​ണെ​ന്നി​രി​ക്കെ, ചൂ​ണ്ടു​വി​ര​ൽ സ്വാ​ഭാ​വി​ക​മാ​യും സി.​പി.​എ​മ്മി​ലേ​ക്കാ​ണ്​ നീ​ളു​ന്ന​ത്. പൊ​ട്ടി​യ​ത്​ സി.​പി.​എ​മ്മി​ന്റെ ആ​യു​ധ​ശേ​ഖ​ര​ത്തി​ലെ ബോം​ബാ​ണെ​ന്ന് കോ​ൺ​ഗ്ര​സ്​ ഉ​ൾ​പ്പെ​ടെ ആ​രോ​പി​ക്കു​മ്പോ​ൾ സി.​പി.​എം നേ​തൃ​ത്വ​ത്തി​ന്‍റെ പ്ര​തി​രോ​ധം ദു​ർ​ബ​ല​വു​മാ​ണ്.

കേ​സി​ൽ ഉ​ൾ​പ്പെ​ട്ട പ്ര​തി​ക​ൾ ശ​നി​യാ​​ഴ്ച അ​ർ​ധ​രാ​ത്രി ചേ​ലോ​റ മാ​ലി​ന്യ ട്ര​ഞ്ചി​ങ്ങ്​ ഗ്രൗ​ണ്ടി​ൽ ബോം​ബെ​റി​ഞ്ഞ്​ പ​രി​ശീ​ല​നം ന​ട​ത്തി​യി​ട്ടു​ണ്ടെ​ന്ന ആ​രോ​പ​ണം കോ​ർ​പ​റേ​ഷ​ൻ മേ​യ​ർ അ​ഡ്വ. ടി.​ഒ. മോ​ഹ​ന​ൻ ഉ​ന്ന​യി​ച്ചി​ട്ടു​ണ്ട്. ആ ​നി​ല​ക്കു​ള്ള അ​ന്വേ​ഷ​ണ​വും പൊ​ലീ​സ്​ തു​ട​ങ്ങി​യി​ട്ടി​ല്ല. കൊ​ല്ല​പ്പെ​ട്ട ജി​ഷ്ണു​വി​ന്‍റെ മൃ​ത​ദേ​ഹം ഏ​ച്ചൂ​രി​ൽ പൊ​തു​ദ​ർ​ശ​ന​ത്തി​ന്​ വെ​ച്ച​പ്പോ​ൾ മു​തി​ർ​ന്ന സി.​പി.​എം നേ​താ​വ്​ പി. ​ജ​യ​രാ​ജ​ൻ ഉ​ൾ​പ്പെ​ടെ​യു​ള്ള നേ​താ​ക്ക​ൾ അ​ന്ത്യോ​പ​ചാ​രം അ​ർ​പ്പി​ക്കാ​നെ​ത്തി.