ബോംബ് ഭീഷണി: പാലായിൽ ജനകീയ പ്രതിരോധ ജാഥ നടന്നത് കനത്ത സുരക്ഷയിൽ
text_fieldsബോംബ് ഭീഷണിയെത്തുടർന്ന് കോട്ടയം കെ.എസ്.ആർ.ടി.സി ബസ് സ്റ്റാൻഡിൽ പരിശോധന നടത്തുന്ന പൊലീസ് നായ് ബെയ്ലി –ഫോട്ടോ ദിലീപ് പുരക്കൽ
പാലാ: മുനിസിപ്പൽ ബസ്സ്റ്റാൻഡിൽ ബോംബ് സ്ഫോടനമുണ്ടാവുമെന്ന ഭീഷണിയെത്തുടർന്ന് ജനകീയ പ്രതിരോധജാഥ നടന്നത് കർശന സുരക്ഷയിൽ.കോട്ടയം കെ.എസ്.ആർ.ടി.സി ഡിപ്പോയിൽ ലഭിച്ച കത്തിലാണ് പാലായിൽ ശനിയാഴ്ച രാവിലെ 11 മുതൽ തുടർച്ചയായ സ്ഫോടനം നടക്കുമെന്ന് ഭീഷണി ഉണ്ടായിരുന്നത്.
കോട്ടയം പ്രസ് ക്ലബിലെ മാധ്യമങ്ങളുടെ എഴുത്തുപെട്ടികളിലും ഇത്തരം കത്തുകൾ പ്രത്യക്ഷപ്പെട്ടിരുന്നു. ഇതിന്റെ അടിസ്ഥാനത്തിൽ ബോംബ് സ്ക്വാഡും ഡോഗ് സ്ക്വാഡും വേദിയിലും പരിസരത്തും പരിശോധന നടത്തി. ഇതേതുടർന്ന് സ്വീകരണം അനിശ്ചിതമായി നീണ്ടു. രാവിലെ 10നാണ് സ്വീകരണം ഒരുക്കിയിരുന്നത്. എന്നാൽ, പരിപാടി ഉച്ചക്ക് 12.30 ഓടെയാണ് തുടങ്ങാനായത്.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.