സുമൈറക്കും മറിയത്തിനും ഇനി കേരളത്തിൽ ജീവിക്കാം

കൊ​ച്ചി: പാ​കി​സ്താ​നി​ൽ ജ​നി​ച്ച സു​മൈ​റ മ​റൂ​ഫി​നും മ​റി​യം മ​റൂ​ഫി​നും ഇ​നി ഇ​ന്ത്യ​ക്കാ​രാ​യി കേ​ര​ള​ത്തി​ൽ ജീ​വി​ക്കാം. ഇ​രു​വ​ർ​ക്കും പൗ​ര​ത്വം ന​ൽ​ക​ണ​മെ​ന്ന് കേ​ന്ദ്ര സ​ർ​ക്കാ​റി​ന് ഹൈ​കോ​ട​തി നി​ർ​ദേ​ശം ന​ൽ​കി. വ​ർ​ഷ​ങ്ങ​ൾ നീ​ണ്ട അ​നി​ശ്ചി​ത​ത്വ​ത്തി​നാ​ണ് ഇ​തോ​ടെ പ​രി​ഹാ​ര​മാ​യ​ത്. പൗ​ര​ത്വം ഉ​പേ​ക്ഷി​ച്ചെ​ന്ന പാ​കി​സ്താ​ൻ സ​ർ​ക്കാ​റി​ന്റെ സ​ർ​ട്ടി​ഫി​ക്ക​റ്റ് ഹാ​ജ​രാ​ക്ക​ണ​മെ​ന്ന ഇ​ന്ത്യ​ൻ ച​ട്ടം പ​രി​ഗ​ണി​ക്കാ​തെ പാ​സ്‌​പോ​ർ​ട്ട് ന​ൽ​ക​ണ​മെ​ന്നാ​ണ് ജ​സ്റ്റി​സ് ടി.​ആ​ർ. ര​വി​യു​ടെ ഉ​ത്ത​ര​വ്. പാ​കി​സ്താ​ൻ പൗ​ര​ത്വം ഉ​പേ​ക്ഷി​ക്കു​ക​യും ഇ​ന്ത്യ​ൻ പൗ​ര​ത്വം കി​ട്ടാ​തി​രി​ക്കു​ക​യും​ചെ​യ്ത സാ​ഹ​ച​ര്യ​ത്തി​ൽ ഈ ​യു​വ​തി​ക​ളും മാ​താ​വ് ക​ണ്ണൂ​ർ ത​ല​ശ്ശേ​രി സ്വ​ദേ​ശി​നി റ​ഷീ​ദ​ബാ​നു​വു​മാ​ണ് ഹൈ​കോ​ട​തി​യെ സ​മീ​പി​ച്ച​ത്.

റ​ഷീ​ദ​ബാ​നു​വി​ന്റെ ഭ​ർ​ത്താ​വ് മു​ഹ​മ്മ​ദ് മ​റൂ​ഫ് ജ​നി​ച്ച​ത് ക​ണ്ണൂ​രി​ലാ​ണെ​ങ്കി​ലും ഒ​മ്പ​താം വ​യ​സ്സി​ൽ ര​ക്ഷി​താ​ക്ക​ൾ മ​രി​ച്ച​തോ​ടെ 1977ൽ ​മു​ത്ത​ശ്ശി​യോ​ടൊ​പ്പം പാ​കി​സ്താ​നി​ലേ​ക്ക് കു​ടി​യേ​റി. എ​ന്നാ​ൽ, വി​വാ​ഹം ക​ഴി​ച്ച​ത് ത​ല​ശ്ശേ​രി​യി​ലു​ള്ള അ​മ്മാ​വ​ന്റെ മ​ക​ൾ റ​ഷീ​ദ ബാ​നു​വി​നെ​യാ​ണ്. ഇ​ദ്ദേ​ഹം ഇ​പ്പോ​ൾ യു.​എ.​ഇ​യി​ൽ ജോ​ലി​ചെ​യ്യു​ക​യാ​ണ്.

2008ൽ ​റ​ഷീ​ദ​യും മ​ക്ക​ളും കേ​ന്ദ്ര​സ​ർ​ക്കാ​റി​ന്റെ അ​നു​മ​തി​യോ​ടെ ഇ​ന്ത്യ​യി​ലേ​ക്ക്​ മ​ട​ങ്ങി. നി​ശ്ചി​ത​കാ​ലം ഇ​ന്ത്യ​യി​ൽ ജീ​വി​ക്കാ​ൻ ന​ൽ​കി​യ അ​നു​മ​തി പ​ല​ത​വ​ണ പു​തു​ക്കി​ന​ൽ​കി. തു​ട​ർ​ന്ന് മ​ക്ക​ളു​ടെ പൗ​ര​ത്വ​ത്തി​ന് റ​ഷീ​ദ​ബാ​നു അ​പേ​ക്ഷ ന​ൽ​കി​യെ​ങ്കി​ലും പാ​കി​സ്താ​ൻ പൗ​ര​ത്വം ഉ​പേ​ക്ഷി​ച്ചെ​ന്ന സ​ർ​ട്ടി​ഫി​ക്ക​റ്റ് ഇ​ല്ലാ​ത്ത​തി​നാ​ൽ അ​നു​വ​ദി​ച്ചി​ല്ല. 21 വ​യ​സ്സ്​ തി​ക​യും​മു​മ്പ് പാ​ക് പൗ​ര​ത്വം ഉ​പേ​ക്ഷി​ച്ച​തി​നാ​ൽ സ​ർ​ട്ടി​ഫി​ക്ക​റ്റ് ന​ൽ​കാ​നാ​വി​ല്ലെ​ന്നാ​യി​രു​ന്നു പാ​ക് എം​ബ​സി​യു​ടെ വി​ശ​ദീ​ക​ര​ണം. എ​ന്നാ​ൽ, ഇ​ന്ത്യ​ൻ പൗ​ര​ത്വം ന​ൽ​കു​ന്ന​തി​ൽ എ​തി​ർ​പ്പി​ല്ലെ​ന്ന സ​ർ​ട്ടി​ഫി​ക്ക​റ്റ് ന​ൽ​കി. ഇ​തു​പോ​രെ​ന്ന് ഇ​ന്ത്യ​ൻ സ​ർ​ക്കാ​ർ അ​റി​യി​ച്ച​തോ​ടെ യു​വ​തി​ക​ൾ​ക്ക് ഒ​രു പൗ​ര​ത്വ​വും ഇ​ല്ലാ​ത്ത സ്ഥി​തി​യാ​യി. ഈ ​സാ​ഹ​ച​ര്യ​ത്തി​ലാ​ണ് നി​ല​വി​ലു​ള്ള രേ​ഖ​ക​ളു​ടെ അ​ടി​സ്ഥാ​ന​ത്തി​ൽ പൗ​ര​ത്വം അ​നു​വ​ദി​ക്കാ​ൻ കോ​ട​തി ഉ​ത്ത​ര​വി​ട്ട​ത്.